1 قىركٷيەككە دەيٸن ايماق ەكٸمدٸكتەرٸ قوسىمشا كومپيۋتەر ساتىپ الادى. بۇل تۋرالى ورتالىق كوممۋنيكاتسييالار قىزمەتٸندە ٶتكەن ونلاين بريفينگتە قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«جاڭا وقۋ جىلىنىڭ بٸرٸنشٸ توقسانى اياقتالعاندا دەستٷرلٸ وقۋ فورماتىنا قايتا كٶشۋ-كٶشپەۋ جاعى بەلگٸلٸ بولادى. بۇل جۇمىس ەپيدەميولوگييالىق جاعدايعا بايلانىستى كەزەڭ-كەزەڭٸمەن جٷرگٸزٸلەدٸ. قاشىقتان وقۋعا دايىندىق جۇمىستارى قالاي جٷرٸپ جاتقانى ٶتە ماڭىزدى. ٶتكەن وقۋ جىلىنىڭ تٶرتٸنشٸ توقسانىندا كٶپتەگەن مەسەلەگە تاپ بولدىق. ول كەزدە جٸبەرٸلگەن قاتەلٸكتەردٸ وسى جولى ەسكەرەمٸز», - دەيدٸ بٸلٸم جەنە عىلىم مينيسترٸ اسحات ايماعامبەتوۆ.
ونىڭ ايتۋىنشا, قازٸرگٸ ۋاقىتتا كومپيۋتەرگە قاتىستى اۋقىمدى جۇمىس اتقارىلىپ جاتىر.
«بٸزدە ەسكٸرگەن كومپيۋتەر كٶپ. قاجەت ەتەتٸن وقۋشىلارعا ۋاقىتشا بەرە تۇرۋعا بولاتىن كومپيۋتەر از. سوندىقتان قازٸرگٸ ۋاقىتتا 36 مىڭنان استام كومپيۋتەر ساتىپ الىندى. 1 قىركٷيەككە دەيٸن ايماق ەكٸمدٸكتەرٸ قوسىمشا كومپيۋتەر ساتىپ الادى. بٷگٸن ٷكٸمەت وتىرىسىندا وسىنداي تاپسىرما بەرٸلدٸ», - دەدٸ ول.
