قازٸر تاڭدا وقۋشىلار سٶمكەسٸنٸڭ سالماعىن جەڭٸلدەتۋ ٷشٸن مەكتەپتەردە ارنايى پيلوتتىق جوبا دايىنداۋ قولعا الىنعان. بۇل تۋرالى وكق-دە ٶتكەن بريفينگتە قر دسم قوعامدىق دەنساۋلىق ساقتاۋ كوميتەتٸنٸڭ تٶراعاسى جانداربەك بەكشين ايتتى, دەپ حابارلايدى Baq.kz تٸلشٸسٸ.
ونىڭ ايتۋىنشا, مەجٸلٸس دەپۋتاتتارىنىڭ باستاماسىمەن بٸلٸم وردالارىندا وقۋشىلاردىڭ كەرەك-جاراعىن ساقتايتىن شكافتار ورناتۋ مەسەلەسٸ قارالىپ جاتىر.
«بىلتىر مەجٸلٸسٸ دەپۋتاتى ەرسۇلتان بەكتۇرعانوۆتىڭ ۇسىنىسى نەگٸزٸندە اتالعان مەسەلەگە بايلانىستى جۇمىس توبى قۇرىلدى. سەبەبٸ, بالالار سٶمكەسٸنٸڭ سالماعى اۋىرلاي تٷسۋٸ سالدارىنان سكوليوز, وستەوحوندروز سىندى اۋرۋلار شىعۋى مٷمكٸن. سوندىقتان اتالعان اۋرۋلاردىڭ الدىن الۋ ٷشٸن مەكتەپتەردە وقۋشىلاردىڭ كەرەك-جاراعىن ساقتايتىن شكاف ورناتۋ ۇسىنىسى ەنگٸزٸلدٸ. بۇل جوبا پيلوتتىق نەگٸزدە ٶتكەن جىلدىڭ ەكٸنشٸ جارتىجىلدىعىندا جٷزەگە اسىرىلا باستادى», - دەدٸ ەلٸمٸزدٸڭ باس سانيتار دەرٸگەرٸ.
وسى ورايدا جانداربەك بەكشين اتالعان مەسەلەنٸ بٸردەن شەشۋ مٷمكٸن ەمەستٸگٸن ايتتى.
«بۇل مەسەلەنٸ جارتى جىلدىڭ ٸشٸندە شەشۋ مٷمكٸن ەمەس, سوندىقتان جوسپارلى تٷردە سىنىپتاردا وسىنداي شكافتار قويىلىپ جاتىر. سول شكافتارعا وقۋشىلار اۋىر وقۋلىقتاردى, اياق-قيٸمدەردٸ قالدىرا الادى. بۇل بالالار سٶمكەسٸنٸڭ سالماعىن جەڭٸلدەتۋگە مٷمكٸندٸك بەرەدٸ», - دەدٸ ول.
الايدا ەلٸمٸزدٸڭ باس سانيتار دەرٸگەرٸ بۇل شكافتاردىڭ قانشا مەكتەپتە قويىلعانىن ايتا العان جوق.
«ناقتى نەشە مەكتەپكە قويىلعانىن ايتا المايمىن, سەبەبٸ تامىز ايىندا بٸز مەكتەپتەردٸ تەكسەرٸپ شىعامىز. سوندا قانشا مەكتەپتە قانشا (شكاف - اۆتور) قويىلعانى انىقتالادى», - دەدٸ ەلٸمٸزدٸڭ باس سانيتار دەرٸگەرٸ.
