بٸلٸم جەنە عىلىم ۆيتسە-مينيسترٸ اسحات ايماعامبەتوۆ پەداگوگتار مەرتەبەسٸ تۋرالى زاڭدا قانداي مەسەلەلەر قامتىلاتىنىن ايتىپ بەردٸ, دەپ حابارلايدى "ۇلت اقپارات".
«5 قازاندا ەلباسىنىڭ قازاقستان حالقىنا جولداۋىندا مۇعالٸمدەردٸڭ مەسەلەسٸ كەڭٸنەن كٶتەرٸلگەنٸن بٸلەسٸزدەر. ەڭ باستى نازار اۋدارارلىق جاي - كٶپتەن بەرٸ بٸزدٸڭ ۇستازدارىمىزدىڭ كٶكەيٸندە جٷرگەن مەسەلەلەر ايتىلدى. سونىڭ بٸرٸ - پەداگوگتاردىڭ مەرتەبەسٸنە قاتىستى. بۇل رەتتە وسى زالدا كٶپتەگەن ەرٸپتەستەرٸمٸزدٸ كٶرٸپ وتىرمىن. رەكتورلار, ديرەكتورلار ون جىل بويى پەداگوگتاردىڭ مەرتەبەسٸ تۋرالى زاڭدى قابىلدايىق دەپ, مەسەلەنٸ ەر القا مەجٸلٸسٸندە كٶتەرٸپ جٷرگەن بولاتىن. سوندىقتان, ەلباسى وسى زاڭدى قابىلداۋ تۋرالى تاپسىرما بەردٸ», - دەدٸ اسحات ايماعامبەتوۆ استانادا ٶتٸپ جاتقان «نۇر وتان» پارتيياسى باستاۋىش ۇيىمدارىنىڭ رەسپۋبليكالىق فورۋمىندا.
ۆيتسە-مينيستر ٶز سٶزٸندە اتالمىش جاڭالىقتىڭ جاعىمدىلىعىن بٸردەن بايقاعانىن ايتادى.
«بارلىق ەلەۋمەتتٸك جەلٸلەردە بٷگٸنگٸ كٷنگە دەيٸن وسى مەسەلە تالقىلانىپ جاتىر. بۇل شىن مەنٸندە, بٸلٸم سالاسىن - تاعى بٸر ٷلكەن ساتىعا كٶتەرەتٸن سۇراقتاردىڭ بٸرٸ. بۇل زاڭدا پەداگوگتاردىڭ ەلەۋمەتتٸك مەرتەبەسٸن كٶتەرەتٸن ستيمۋلدار, وقۋ جٷكتەمەسٸن ازايتۋ, كەرەك ەمەس تەكسەرۋ كوميسسييالارىنان قورعاۋ, تاعى باسقا مەسەلەلەردٸ كٶتەرەتٸن بولامىز. مەن وسى مٸنبەردٸ پايدالانا وتىرىپ, سٸزدەرمەن بٸرگە وسى زاڭدى تالقىلاۋعا قاتىسۋلارىڭىزدى سۇراعىم كەلەدٸ. 2 كٷن وسىندا بولاسىزدار. بٸزگە بەرەتٸن ۇسىنىستارىڭىز بولسا, ٶتە ريزا بولار ەدٸك. قازٸر بٸز ەلەۋمەتتٸك جەلٸدە دە, گازەت پەن سايتتار ارقىلى دا ۇسىنىستاردى جيناپ جاتىرمىز. ەكٸ-ٷش ايدان كەيٸن تۇجىرىمدامانى جاساپ, جان-جاقتى حالىقپەن تالقىلاپ, پارلامەنتكە زاڭ جوباسىن ەنگٸزەتٸن بولامىز», - دەدٸ اسحات ايماعامبەتوۆ.
ۆيتسە-مينيستردٸڭ ايتۋىنشا, اتالمىش زاڭ جوباسىندا تالقىلاناتىن مەسەلەلەردٸڭ بٸرٸ - جٷكتەمەنٸ ازايتۋ.
«ٶزدەرٸڭٸز بٸلەتٸندەي, تمد ەلدەرٸنٸڭ ٸشٸندە بٸز بالالارعا سالىناتىن جٷكتەمەسٸ جاعىنان سٶزسٸز چەمپيونبىز. مەسەلەن, 11 سىنىپتاردا - 39 ساعات (...) بۇل ٶتە كٶپ. ەلبەتتە, 50-60 ساعاتقا دەيٸن ۇزارتۋعا بولار, بٸراق بۇل قادام ساپاعا قانشالىقتى ەسەر ەتەدٸ. مٸنە, سوندىقتان, مەملەكەت باسشىسى جٷكتەمەنٸ ازايتۋ قاجەتتٸگٸن ايتىپ وتىر. بٸز بالالاردىڭ جٷكتەمەسٸن ازايتا وتىرىپ, مۇعالٸمدەردٸڭ ساعاتى, جٷكتەمەسٸ, ايلىعى مەسەلەسٸن شەشەمٸز. اتالمىش زاڭ جوباسى اياسىندا پەدگوگتاردىڭ جٷكتەمەسٸن دە ازايتۋ كٶزدەلگەن. قازٸر بٸر ستاۆكانىڭ - 18 ساعات ەكەنٸن بٸلەسٸزدەر. بٸز ونى 16 ساعاتقا ازايتۋدى كٶزدەۋدەمٸز», - دەدٸ ۆيتسە-مينيستر.
ەسكە سالا كەتسەك, ەلورداداعى كونگرەس-ورتالىقتا «نۇر وتان» پارتيياسىنىڭ باستاۋىش ۇيىمدارىنىڭ رەسپۋبليكالىق فورۋمى ٶتٸپ جاتىر.
