ون كٷننەن كەيٸن ەل مەكتەپتەرٸندە ەكٸنشٸ توقسان اياقتالادى. قىسقى دەمالىس 30 جەلتوقساندا باستالادى.
مەكتەپتەردەگٸ دەمالىس 2021 جىلدىڭ 30 جەلتوقسانى مەن 2022 جىلدىڭ 9 قاڭتارى ارالىعىندا 11 كٷنگە جالعاسادى, دەپ حابارلادى بٸلٸم جەنە عىلىم مينيسترلٸگٸنٸڭ باسپاسٶز قىزمەتٸ.
«بٸرٸنشٸ سىنىپ وقۋشىلارى ٷشٸن 2022 جىلعى 7-13 اقپان ارالىعىندا قوسىمشا 7 كٷن كانيكۋل بەرٸلەدٸ» دەلٸنگەن حابارلامادا.
بٸلٸم مينيسترلٸگٸ 2021-2022 وقۋ جىلىنا ارنالعان وقۋ ۋاقىتىن بەكٸتتٸ:
- 2021-2022 وقۋ جىلى 2021 جىلدىڭ 1 قىركٷيەگٸندە باستالادى;
- وقۋ جىلىنىڭ ۇزاقتىعى بٸرٸنشٸ سىنىپتاردا – 33 وقۋ اپتاسى, 2-11 (12) سىنىپتاردا – 34 وقۋ اپتاسى.
وقۋ جىلى ٸشٸندەگٸ دەمالىس كٷندەرٸ:
- 1-11 (12) سىنىپتار كٷزدە 7 كٷن (2021 جىلدىڭ 1-7 قاراشاسى),
- قىستا 11 كٷن (2021 جىلدىڭ 30 جەلتوقسانىنان باستاپ 2022 جىلدىڭ 9 قاڭتارىنا دەيٸن),
- كٶكتەمدە 12 كٷن (2022 جىلدىڭ 19-30 ناۋرىزى) دەمالادى.
