Oqýshylar qysqy kanikýlda neshe kún demalady?

On kúnnen keiin el mektepterinde ekinshi toqsan aiaqtalady. Qysqy demalys 30 jeltoqsanda bastalady.

Mektepterdegi demalys 2021 jyldyń 30 jeltoqsany men 2022 jyldyń 9 qańtary aralyǵynda 11 kúnge jalǵasady, dep habarlady Bilim jáne ǵylym ministrliginiń baspasóz qyzmeti.

«Birinshi synyp oqýshylary úshin 2022 jylǵy 7-13 aqpan aralyǵynda qosymsha 7 kún kanikýl beriledi» delingen habarlamada.

Bilim ministrligi 2021-2022 oqý jylyna arnalǵan oqý ýaqytyn bekitti:

1. 2021-2022 oqý jyly 2021 jyldyń 1 qyrkúieginde bastalady;
2. oqý jylynyń uzaqtyǵy birinshi synyptarda – 33 oqý aptasy, 2-11 (12) synyptarda – 34 oqý aptasy.

Oqý jyly ishindegi demalys kúnderi:

1. 1-11 (12) synyptar kúzde 7 kún (2021 jyldyń 1-7 qarashasy),
2. qysta 11 kún (2021 jyldyń 30 jeltoqsanynan bastap 2022 jyldyń 9 qańtaryna deiin),
3. kóktemde 12 kún (2022 jyldyń 19-30 naýryzy) demalady.