بٸلٸم جەنە عىلىم مينيسترلٸگٸ مەكتەپ وقۋشىلارىنا وسىنداي قۇقىق بەرٸپ وتىر, دەپ حابارلايدى قازاقپارات.
«وقۋلىق مەسەلەسٸنە قاتىستى سىندى بٷگٸن مەملەكەت باسشىسى دا ايتتى. وقۋلىقتارىمىزداعى قاتەلٸكتەردٸڭ بولۋى – تٸپتٸ داۋلى تاقىرىپقا اينالىپ كەتتٸ. سوندىقتان, بۇل رەتتە امال-ەدٸستٸ تٷپكٸلٸكتٸ ٶزگەرتۋ كەرەك. جالپى, بٸز تۇجىرىمدامانى ٶزگەرتكەلٸ جاتىرمىز. كەيبٸر ەرٸپتەستەرٸمٸز ايتقانداي, وقۋلىق – قوسالقى ماتەريال دەگەن پٸكٸرگە ٶز باسىم ٷزٸلدٸ-كەسٸلدٸ قارسىمىن! وقۋلىق – كٶمەكشٸ قۇرال بوپ قالسا, نەگٸزگٸ قۇرال نە بولماق? سول سەبەپتٸ, وقۋلىق – بٸزدٸڭ وقۋشىلاردى دايىنداۋدا نەگٸزگٸ قۇرال بولىپ قالا بەرەدٸ. بۇل رەتتە اۋقىمدى ەرٸ كەشەندٸ جۇمىستى جٷرگٸزەتٸنٸمٸزدٸ ايتقىم كەلەدٸ», - دەدٸ بٸلٸم جەنە عىلىم مينيسترٸ اسحات ايماعامبەتوۆ تامىز كونفەرەنتسيياسىندا.
مينيستر ٶز سٶزٸندە اۆتورلاردىڭ, ساراپشىلاردىڭ ٶزٸ وقىتىلاتىنىن اتاپ ٶتتٸ. اسحات ايماعامبەتوۆتىڭ ايتۋىنشا, وقۋلىقتارعا قويىلاتىن تالاپتار ەزٸرلەنٸپ قويعان. جۋىق ارادا مۇعالٸمدەر بٸرلەستٸكتەرٸمەن ول تالاپتار تالقىلانباق.
«بيىل مينيسترلٸك «جەڭٸل پورتفەل» جوباسىن جٷزەگە اسىرادى. ول تۋرالى ايتتىق. بٸز اتا-انالارعا تاڭداۋ بەردٸك. وقۋشى مەسەلەن, تالاپ-تٸلەگٸ بولسا قاعاز وقۋلىقتارىن سىنىپقا, مەكتەپتە تاستاپ كەتٸپ, ٷيٸندە ەلەكتروندى وقۋلىقپەن دايىندالا الادى. ەڭ باستىسى, مينيسترلٸك وقۋلىقتاردىڭ ەلەكتروندى نۇسقالارىن پايدالانۋعا قۇقىق بەرەدٸ. ارى قاراي اتا-انالارى ٶزدەرٸ شەشەدٸ. سول سەكٸلدٸ جۇمىس دەپتەرٸ بارلىق سىنىپتارعا مٸندەتتٸ بولماۋى تيٸس. پەداگوگتار اتا-انالاردى جۇمىس دەپتەرٸن ساتىپ الۋعا مٸندەتتەمەۋٸ كەرەك», - دەدٸ اسحات ايماعامبەتوۆ.
