تانىمال قازاقستاندىق Telegram-چاتتاردا فلوريدادا مەكتەپتٸڭ ەكٸنشٸ سىنىپ وقۋشىسى تۋرالى جاڭالىق تارادى. ول ساباق كەزٸندە ماسكا تاعۋدان باس تارتقان, سوندىقتان مەكتەپ ەكٸمشٸلٸگٸ ماسكا تاعۋ رەجيمٸن توقتاتۋعا مەجبٷر بولعان. بۇل - جالعان, دەپ حابارلايدى Stopfake.kz سايتى.
سەگٸز جاسار فيونا لاشەلس مەكتەپ كەزٸندە ماسكا تاقپاي قويعان. نەتيجەسٸندە ول ساباقتان 38 رەت شەتتەتٸلگەن. ساباقتى كٶپ ٶتكٸزگەندٸكتەن ونى مەكتەپتەن شىعارىلۋى ىقتيمال. سونداي-اق, وقۋشى وقۋ جىلىنىڭ سوڭىندا ەمتيحان تاپسىرا المايتىندىقتان, ەكٸنشٸ جىلعا قالدىرىلۋى مٷمكٸن.
ٷستٸمٸزدەگٸ جىلدىڭ 14 قاراشاسىندا فيونانىڭ وقۋعا ورالاتىنى بەلگٸلٸ بولدى. بۇعان ساباق كەزٸندە مٸندەتتٸ تٷردە ماسكا تاعۋدان باس تارتۋ سەبەپ بولدى. الايدا, مەكتەپ ەكٸمشٸلٸگٸنٸڭ شەشٸمٸنە ەكٸنشٸ سىنىپ وقۋشىسى ەمەس, شتات بيلٸگٸنٸڭ بالالاردىڭ ماسكا تاعۋى مەسەلەسٸن وقۋ ورىندارىنىڭ ٶكٸلدەرٸ ەمەس, اتا-انالار شەشۋٸ كەرەك ەكەندٸگٸ تۋرالى قاۋلىسىنىڭ شىعۋى ەسەر ەتتٸ.
باق-تىڭ حابارلاۋىنشا, 15 قاراشادان باستاپ شتاتتىڭ ەكٸ مەكتەبٸندە, ونىڭ ٸشٸندە فيونا لاشەلس وقيتىن مەكتەپتە بەتپەردە تاعۋ مٸندەتتٸ ەمەس. دەمەك, كەز كەلگەن وقۋشى اتا-اناسىنان تيٸستٸ ٶتٸنٸش بولعان جاعدايدا ساباققا ماسكاسىز قاتىسۋعا قۇقىلى. فيونانىڭ مەكتەبٸندە اتا-انالاردىڭ تەك 10%-ى عانا ساباق كەزٸندە ماسكا تاعۋ مٸندەتتٸ ەمەس دەپ شەشكەن.
قورىتا ايتقاندا, ەلەۋمەتتٸك جەلٸلەردٸ قولدانۋشىلار ەكٸنشٸ سىنىپ وقۋشىسىنىڭ نارازىلىقتارى مەكتەپتە ماسكا تاعۋ رەجيمٸن جويۋعا سەبەپ بولعانىن ايتىپ, فاكتٸلەرمەن مانيپۋلياتسييالاۋدا. شىن مەنٸندە, ماسكا تاعۋ رەجيمٸ تەك وسى مەكتەپتە عانا ەمەس جەڭٸلدەتٸلگەن جوق. فلوريدا شتاتى بيلٸگٸنٸڭ شەشٸمٸ بارلىق مەكتەپتەرگە قاتىستى. فيونا لاشەللستٸڭ ٶزٸ بٸر ايدان استام ۋاقىت بويى ساباققا قاتىسپاعان, ەندٸ ونىڭ ەكٸنشٸ جىلعا قالۋ قاۋپٸ بار.
