Tanymal qazaqstandyq Telegram-chattarda Floridada mekteptiń ekinshi synyp oqýshysy týraly jańalyq tarady. Ol sabaq kezinde maska taǵýdan bas tartqan, sondyqtan mektep ákimshiligi maska taǵý rejimin toqtatýǵa májbúr bolǵan. Bul - jalǵan, dep habarlaidy Stopfake.kz saity.
Segiz jasar Fiona Lashels mektep kezinde maska taqpai qoiǵan. Nátijesinde ol sabaqtan 38 ret shettetilgen. Sabaqty kóp ótkizgendikten ony mektepten shyǵarylýy yqtimal. Sondai-aq, oqýshy oqý jylynyń sońynda emtihan tapsyra almaityndyqtan, ekinshi jylǵa qaldyrylýy múmkin.
Ústimizdegi jyldyń 14 qarashasynda Fionanyń oqýǵa oralatyny belgili boldy. Buǵan sabaq kezinde mindetti túrde maska taǵýdan bas tartý sebep boldy. Alaida, mektep ákimshiliginiń sheshimine ekinshi synyp oqýshysy emes, shtat biliginiń balalardyń maska taǵýy máselesin oqý oryndarynyń ókilderi emes, ata-analar sheshýi kerek ekendigi týraly qaýlysynyń shyǵýy áser etti.
BAQ-tyń habarlaýynsha, 15 qarashadan bastap shtattyń eki mektebinde, onyń ishinde Fiona Lashels oqityn mektepte betperde taǵý mindetti emes. Demek, kez kelgen oqýshy ata-anasynan tiisti ótinish bolǵan jaǵdaida sabaqqa maskasyz qatysýǵa quqyly. Fionanyń mektebinde ata-analardyń tek 10%-y ǵana sabaq kezinde maska taǵý mindetti emes dep sheshken.
Qoryta aitqanda, áleýmettik jelilerdi qoldanýshylar ekinshi synyp oqýshysynyń narazylyqtary mektepte maska taǵý rejimin joiýǵa sebep bolǵanyn aityp, faktilermen manipýliatsiialaýda. Shyn máninde, maska taǵý rejimi tek osy mektepte ǵana emes jeńildetilgen joq. Florida shtaty biliginiń sheshimi barlyq mektepterge qatysty. Fiona Lashellstiń ózi bir aidan astam ýaqyt boiy sabaqqa qatyspaǵan, endi onyń ekinshi jylǵa qalý qaýpi bar.
