ٷشٸنشٸ سىنىپ وقۋشىسىن زورلاپ, ونىڭ اناسىن ٶلتٸرگەن قىلمىسكەردٸڭ ٸسٸنە قاتىستى سوت پروتسەسٸ اياقتالدى, دەپ حابارلادى Sputnik قازاقستان تٸلشٸسٸ.
ەستەرٸڭٸزگە سالا كەتەيٸك, 4 شٸلدەدە قىزىلوردا قالاسىنا قاراستى "ياگودكا" باق شارۋاشىلىعى بٸرلەستٸگٸ اۋماعىندا ٷشٸنشٸ سىنىپ وقۋشىسى زورلانعان بولاتىن, ال بالاسىن قورعاماق بولعان انا قاسكٷنەمنٸڭ قولىنان قازا تاپتى. وتاعاسى بۇل ۋاقىتتا ٷيدە بولماعان, استاناعا جۇمىس ٸستەۋگە كەتكەن.
پوليتسييا بۇل قىلمىستارعا كٷدٸكتٸنٸ ٸزٸن سۋىتپاي ۇستادى. تەرگەۋدٸڭ مەلٸمەتٸنشە, ورتا جاستاعى ەر ادام بۇرىن باق شارۋاشىلىعى بٸرلەستٸگٸندە تۇرعان, ال سول كٷنٸ مۇندا بالىق اۋلاۋعا كەلٸپتٸ. ول ٸشٸمدٸك ٸشٸپ الىپ, انا مەن قىز تۇراتىن ٷيگە كٸرٸپ كەلگەن. قىزدى زورلاپ, اراشا تٷسكەن اناسىن شالباردىڭ بەلبەۋٸمەن بۋىندىرىپ ٶلتٸرەدٸ. ەيەلدٸڭ جان ايقايىن ەستٸگەن كٶرشٸلەر پوليتسييا شاقىرعان. جاراقات العان قىز اۋرۋحاناعا جاتقىزىلدى, ەيەلدٸ بٸرنەشە كٷننەن كەيٸن تۋىستارى مەن ساياجاي تۇرعىندارى جەر قوينىنا تاپسىردى.
بۇل ەكٸ قىلمىس تۋرالى ٸس تەرگەلٸپ, قىزىلوردا وبلىسى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنا بەرٸلدٸ. سوتتالۋشى قر قىلمىستىق كودەكسٸنٸڭ بٸرنەشە بابى بويىنشا كٸنەلٸ دەپ تانىلدى.
سونداي-اق سوتتا قىلمىسكەردٸڭ اقىل-ەسٸ كەم بولعاندىقتان تٷرمەدە وتىرمايتىنى حابارلاندى.
"قىلمىستىق ەرەكەتتەردٸ قابٸلەتسٸز حالدە جاساۋىنا بايلانىستى, امبۋلاتورلىق سوت-پسيحياترييالىق ساراپتامانىڭ قورىتىندىسى نەگٸزٸندە وعان مەديتسينالىق سيپاتتاعى مەجبٷرلەۋ شارالارى قولدانىلدى, ول پسيحياترييالىق ستاتسيوناردا ەمدەلەدٸ", — دەپ جازىلعان حابارلامادا.
بۇعان دەيٸن قىزدىڭ ەكەسٸ تۇراقتى باسپاناسى مەن تابىسى بولماعاندىقتان بالاسىن ٷيٸنە ەكەتە الماي جٷرگەنٸ حابارلانعان ەدٸ. قىز كەمەلەتكە تولماعانداردى بەيٸمدەۋ ورتالىعىندا تۇرىپ جاتىر.
