قر مەجٸلٸسٸنٸڭ دەپۋتاتى ومارحان ٶكسٸكباەۆ ٷكٸمەتكە نىسانداردى جەكەشەلەندٸرۋگە تۋىنداپ وتىرعان بٸرقاتار مەسەلەگە تەرەڭٸرەك ٷڭٸلۋگە كەڭەس بەردٸ, دەپ حابارلايدى Sputnik قازاقستان تٸلشٸسٸ.
حالىق قالاۋلىسى بٷگٸندە ٶزٸن-ٶزٸ اقتاپ, مەملەكەتكە پايدا كەلتٸرٸپ وتىرعان تيٸمدٸ مەكەمەلەر نەگە جەكەشەلەندٸرۋگە شىعارىلعانىن تٷسٸنبەيتٸنٸن ايتتى.
"بٷگٸن بٸز بەرٸن جەكەشەلەندٸرەمٸز دەپ جاتىرمىز. جالپى جەكەشەلەندٸرۋ نارىقتىق ەكونوميكادا كەرەك شىعار, بٸراق قاي مال يەسٸ سٷتتٸ مول بەرٸپ وتىرعان سيىرىن ساتادى? قاراپ وتىرساق, ساتىلۋعا بەرٸلٸپ وتىرعان نىسانداردىڭ كٶبٸسٸ – بٷگٸنگٸ تاڭدا ٶزٸن-ٶزٸ اقتاپ وتىرعان, رەنتابەلدٸگٸ ٶتە جوعارى, مەملەكەتكە تيٸمدٸ, جٷيەلٸ باسقارۋداعى مەكەمەلەر. سوندا ولاردى نە ٷشٸن, كٸم ٷشٸن, نەگە ساتامىز? بۇل سۇراقتى حالىق تا قويادى, مەن دە قويامىن… جاڭا ەرٸپتەستەرٸم ايتىپ كەتتٸ, كەزٸندە بٸز ەلەۋمەتتٸك مەكەمەلەردٸ, بالاباقشالاردىڭ بەرٸن ساتقىزدىق. مۇنىڭ بەرٸ حالىقارالىق ينستيتۋتتاردىڭ ۇسىنىسىمەن ساتىلدى. اۋىل شارۋاشىلىق نىساندارىن تٷگەلدەي ساتتىق. اقىر اياعىندا جەكەگە كەتكەندەردٸڭ باسىن قوسا الماي وتىرمىز قايتادان",- دەدٸ ٶكسٸكباەۆ مەجٸلٸستەگٸ ٷكٸمەت ساعاتىندا.
دەپۋتات ٶتكەنگە تالداۋ جاساپ, قاتەلٸكتٸ قايتالاماۋدىڭ جولىن قاراستىرۋ كەرەكتٸگٸن اتاپ ٶتتٸ.
"بٷگٸن, سٸزدەر بار دٷنيەنٸ ساتىپ, ەندٸ تاعى دا تيٸمدٸ جولىن ٸزدەيٸك دەپ جاتىرمىز دەيسٸزدەر. قاۋلى شىقتى, نىسانداردىڭ بارلىعىن جارييا ەتتٸڭٸزدەر. قانشاما رەسۋرس كەتتٸ, ساراپتاما جاسالدى, نىساندار باعالاندى. ەندٸ "ەير استانانى" قايتادان قارايىق دەيدٸ. جاڭاعى "تۇرعىن ٷي قۇرىلىس جيناق بانكٸن" تاعى دا قاراپ كٶرەمٸز دەپ ايتىپ جاتىرسىزدار. بۇل نە دەگەن مازاق سوندا? نەگە بٸز قايتادان ورالۋىمىز كەرەك. سەندەر سونىڭ بەرٸن قاۋلىعا كٸرەتٸن كەزدە زەردەلەپ, ساراپتاعان جوقسىڭدار ما? كٸم ساراپتادى, كٸم ۇسىنىس بەردٸ? وندا سونى شىعارىڭىزدار, سول جاۋاپ بەرسٸن بٷگٸن. ال ەندٸ قازٸر سٸزدەر كەرٸ ورالاتىن بولساڭىزدار, وندا مىناۋ تٸزٸمنٸڭ بەرٸن قايتادان قاراۋ كەرەك", — دەپ اشۋلاندى دەپۋتات.
ٶكسٸكباەۆ وسى ورايدا سەنٸمگەرلٸك باسقارۋعا بەرٸلگەلٸ جاتقان "سارىاعاش" شيپاجايىنىڭ تاعدىرىنا الاڭدادى.
"كەشە عانا ماعان حات كەلدٸ. ٶزٸن-ٶزٸ اقتاپ وتىرعان, ەلەۋمەتتٸك "سارىاعاش" شيپاجايى سەنٸمگەرلٸك باسقارۋعا ون جىلعا بەرٸلگەلٸ جاتىر ەكەن. بۇل قازاقستانداعى ەڭ ارزان جولداما بەرەتٸن, حالىققا قولجەتٸمدٸ, ەمدەلەتٸن شيپاجاي. ٶزٸن-ٶزٸ اقتاپ وتىر, بيۋدجەتتەن اقشا سۇراپ وتىرعان جوق. ەندٸ كەلٸپ, بٸز ون جىلعا سەنٸمگەرلٸك باسقارۋعا بەرمەكپٸز. سول كەزدە نە قالادى? بٸزدٸڭ ۇتارىمىز نە? مۇنىڭ بارلىعى ٷكٸمەتتٸڭ جەكەشەلەندٸرۋ مەسەلەسٸنە قايتا ورالۋىن تالاپ ەتەدٸ. قايتادان قاراڭىزدار, ساراپتاڭىزدار, بۇل مەسەلە تەرەڭدٸكتٸ, جاۋاپكەرشٸلٸكتٸ تالاپ ەتەدٸ", — دەدٸ حالىق قالاۋلىسى.
ٶكسٸكباەۆ ۇلتتىق ەكونوميكا مينيسترٸنەن كۆازيسەكتورداعى نىسانداردىڭ بالانسىندا قالعان اقشانىڭ قايدا جۇمسالاتىنىن سۇرادى.
"كۆازيمەملەكەتتٸك سەكتوردا قانشاما نىسان ساتىلدى, سونىڭ جٷز ميللياردقا جۋىعى تولىقتاي ٶزدەرٸنٸڭ بالانسىندا قالدى. ال ولار كەشە عانا بيۋدجەتتٸڭ اقشاسىمەن قالىپتاسقان كۆازيسەكتور. بٸز ونسىز دا ولارعا بٷكٸل ديۆيدەنتتٸ قالدىرىپ وتىرمىز. تيمۋر مۇراتۇلى (ۇلتتىق ەكونوميكا مينيسترٸ – (رەد.ەسكەرت.), سٸز ەكونوميستسٸز عوي, سول اقشا قانداي باعىتقا كەتەدٸ ەرتەڭ? كۆازيسەكتور ول قارجىنى نە ماقساتتا پايدالانادى? نەگە بٸز سول جاعىن ايتپايمىز? ەرتەڭ حالىق تا اقشانىڭ قايدا جۇمسالعانىن, كٸمنٸڭ قالتاسىنا كەتكەنٸن سۇرايدى. ونى باسشىلار تاعى دا بونۋس قىلىپ ٶزدەرٸنٸڭ قالتاسىنا سالاتىن شىعار?! مۇنىڭ بەرٸن كٶرٸپ جاتىرمىز عوي. نەگە سونىڭ الدىن المايمىز?", — دەپ قاپالاندى دەپۋتات.
