فوتو: قر مام
قولجازبالار جەنە سيرەك كٸتاپتار ۇلتتىق ورتالىعىنىڭ قورى تاريحي قۇندى مۇرامەن تولىقتى, دەپ حابارلايدى Ult.kz.
ۇلىبريتانييا ەلشٸلٸگٸ وكسفورد ۋنيۆەرسيتەتٸنٸڭ بودليان كٸتاپحاناسىندا ساقتالعان «MS. Arab. c. 90» شيفرلى قولجازبانىڭ 44a پاراعىنداعى ورتا ازييا كارتاسىنىڭ كٶشٸرمەسٸن ورتالىققا تابىستادى.
بۇل ارتەفاكت XI عاسىرداعى كوسمولوگييا مەن گەوگرافيياعا ارنالعان «كيتاب گارايب ەل-فۋنۋن ۋا مۋلياح ەل-ۋيۋن» («عىلىمداردىڭ عاجايىپتارى مەن كٶز سٷيسٸنەرلٸك نەرسەلەر كٸتابى») اتتى انونيمدٸ ەڭبەكتٸڭ جالعىز بەلگٸلٸ نۇسقاسىنا تيەسٸلٸ.
زەرتتەۋشٸلەردٸڭ ايتۋىنشا, قولجازبا XII عاسىردىڭ سوڭىندا – XIII عاسىردىڭ باسىندا مىسىردا جازىلعان. كارتانىڭ ەرەكشەلٸگٸ – وندا قازاقستان اۋماعىندا ورنالاسقان جانكەنت قالاسى بەينەلەنگەن. ورتا عاسىرلاردا وعىز مەملەكەتٸنٸڭ استاناسى بولعان بۇل قالا ارابشا «ەل-كارييا ەل-حاديسا» («جاڭا قالا») دەپ كٶرسەتٸلگەن. سونداي-اق كارتادا ٶڭٸردٸڭ ماڭىزدى قالالارى بەلگٸلەنگەن.
2002 جىلى ساتىپ الىنىپ, كەيٸن تولىق تسيفرلانعان قولجازبا بٷگٸندە يسلام گەوگرافيياسى مەن ورتاعاسىرلىق كٸتاپ ٶنەرٸن زەرتتەۋگە ارنالعان اسا قۇندى دەرەككٶزٸنە اينالدى.
XI عاسىرداعى بۇل كارتا ورتا ازييا مەن قازاقستان تاريحىن جاڭا قىرىنان تانىتاتىن مەدەني ەرٸ عىلىمي ماڭىزى زور مۇرا رەتٸندە باعالانۋدا.
