وڭتٷستٸك قازاقستان وبلىسىنىڭ ەكٸمدٸگٸ مەن تٷركييالىق «DOGUS» Constraction كومپانيياسى اراسىندا «ٶگەم» ٶزەنٸنٸڭ سۋىن بۇرۋ ماقساتىندا ىنتىماقتاستىق مەموراندۋمى تٷزٸلدٸ. ەندٸ اتالعان شەتەلدٸك كومپانييا ٶكٸلدەرٸ وسى ۋاعدالاستىق اياسىندا تۇجىرىمداما ەزٸرلەمەك. بۇل جۇمىستار 2018 جىلدىڭ قاڭتارىنا دەيٸن اياقتالسا, ودان كەيٸن جوبانىڭ تەحنيكالىق ەكونوميكالىق نەگٸزدەمەسٸ (تەن) مەن جوبالاۋ-سمەتالىق قۇجاتتاماسىن (جسق) ەزٸرلەۋ جۇمىستارىنىڭ كەزەڭدەرٸ باستالادى.
بۇل تۋرالى تٷرٸك كومپانيياسىنىڭ ٶكٸلدەرٸ وبلىس ەكٸمٸ جانسەيٸت تٷيمەباەۆتىڭ الدىندا تانىستىرىلىم جاساپ, «DOGUS» Constraction كومپانيياسىنىڭ قازاقستانداعى ٶكٸلٸ يۋنۋس ەمرە سۋدجۋ مەن وبلىس ەكٸمٸنٸڭ بٸرٸنشٸ ورىنباسارى دارحان ساتىبالدىنىڭ اراسىندا اتالعان قۇجاتقا قول قويىلدى.
وبلىستىق ەنەرگەتيكا جەنە تۇرعىن ٷي-كوممۋنالدىق شارۋاشىلىعى باسقارماسى ماماندارىنىڭ مەلٸمەتٸنشە, جوبا ٸسكە اسقاندا ٶگەم ٶزەنٸندە گيدروتەحنيكالىق يمارات (سوورۋجەنيە) سالىنىپ, ودان ٷش اۋدانعا - سارىاعاش, ماقتاارال جەنە قازىعۇرتقا 3-3,5 م3/سەك كٶلەمدە سۋ تارتىلادى. ودان سوڭ, تارتىلاتىن سۋاعارلار (ۆودوۆود) بويىنان كٸشٸ سۋ ەلەكتر ستانسالارى بوي كٶتەرٸپ, 51,7 مۆت ەلەكتر قۋاتى الىنادى دەپ كٷتٸلۋدە.
سونىمەن قاتار, اتالعان جوبا ٸسكە اسقان جاعدايدا, وبلىستىڭ قازىعۇرت, سارىاعاش جەنە ماقتارال اۋداندارىنىڭ 400-گە جۋىق ەلدٸ مەكەنٸندەگٸ 700 مىڭنان اسا تۇرعىن ساپالى اۋىز سۋمەن قامتاماسىز ەتٸلٸپ, اۋىز سۋعا بايلانىستى مەسەلە تولىق شەشٸمٸن تابادى.
ەسكە سالايىق, «ٶگەم» ٶزەنٸ كٶرشٸلەس ٶزبەكستاننىڭ اۋماعىندا ٸشٸنارا ورنالاسىپ, ترانسشەكارالىق ٶزەندەر قاتارىنا جاتقاندىقتان, وسى جىلدىڭ اقپانىندا قازاقستان مەن ٶزبەكستان رەسپۋبليكالارى ٷكٸمەتٸنٸڭ بٸرلەسكەن جۇمىس توبى باس قوسقان بولاتىن. وندا قوس ەلدٸڭ ٶكٸلدەرٸ ەكٸجاقتى ىنتىماقتاستىقتى جەتٸلدٸرۋ مەسەلەلەرٸ بويىنشا وتىرىسىندا «ٶگەم» ٶزەنٸنٸڭ سۋىن بۇرۋ كەلٸسٸلگەن بولاتىن.
