بٷگٸن وڭتٷستٸك قازاقستان وبلىسىنىڭ ەكٸمٸ ج.تٷيمەباەۆ سەلەكتورلىق رەجيمدە ٶتكەن اپپاراتتىق جيىندا ازىق-تٷلٸك تاۋارلارى باعالارىن تۇراقتاندىرۋ جەنە تاۋار ٶندٸرۋشٸلەر مەن ديقاندارعا ٶز ٶنٸمدەرٸن ساۋدالاۋعا مٷمكٸندٸك بەرەتٸن ەلەۋمەتتٸك بازار اشۋدى اۋدان, قالا ەكٸمدەرٸنە تاپسىردى, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
«ەلەۋمەتتٸك ماڭىزى بار ازىق-تٷلٸك تاۋار باعالارىنىڭ ٶسۋٸنە جول بەرمەۋ ماقساتىندا ٶڭٸردە بٸر اي كٶلەمٸندە ەلەۋمەتتٸك بازارلار اشۋىمىز قاجەت. ول ٷشٸن شىمكەنتتەن 1-1,5 گەكتار جەر قارالىپ, تالاپقا ساي جاساقتالۋىن, ال ٸرٸ اۋداندار 70 سوتتىق, كٸشٸ اۋداندار 50 سوتتىق جەر بٶلٸپ از ۋاقىتتىڭ ٸشٸندە تاۋار ٶندٸرۋشٸلەرگە ٶز ٶنٸمدەرٸن ساتۋعا مٷمكٸندٸك جاسالۋ كەرەك»,-دەدٸ ەكٸم. سونىمەن قاتار, ايماق باسشىسى ەلەۋمەتتٸك بازارلاردا ٶنٸمدەر اۋىل شارۋاشىلىق جەرمەڭكەلەرٸنە بەسەكەلەسەتٸندٸكتەن جەنە تاۋار ٶندٸرۋشٸلەرمەن تٸكەلەي قارىم-قاتىناس جاساۋ ارقىلى ٶنٸم باعاسىن تٶمەندەتۋگە مٷمكٸندٸك تۋاتىنىن اتاپ ٶتتٸ.
مەجٸلٸستە سٶز العان وبلىستىق كەسٸپكەرلٸك, يندۋسترييالدى-يننوۆاتسييالىق دامۋ جەنە تۋريزم باسقارماسى باسشىسىنىڭ ورىنباسارى باعلان جۇماشبەكوۆ جالپى وبىستا ەلەۋمەتتٸك ازىق-تٷلٸك تاۋارلارى باعالارىنىڭ كٷرت ٶسٸمٸ ورىن الماعانىن جەنە تاۋارلارعا جەتٸسپەۋشٸك بايقالمايتىنىن مەلٸم ەتتٸ.
ونىڭ ايتۋىنشا, باعانى تۇراقتاندىرۋ ماقساتىندا وبلىس اۋماعىنداعى ساۋدا ورىندارىنىڭ باسشىلارىمەن باعانى نەگٸزسٸز ٶسٸرمەۋ جٶنٸندە مەموراندۋمعا قول قويىلعان. سونىمەن قاتار, اۋىلشارۋاشىلىق تاۋارلارىنىڭ جەرمەڭكەسٸن ٶتكٸزۋ ارقىلى باعا تۇراقتىلىعى ساقتالۋدا. مەسەلەن, جىل باسىنان بەرٸ ٶڭٸردە 77 جەرمەڭكە ٶتكٸزٸلگەن بولسا, وندا جالپى سومماسى 639,3 ملن. تەڭگە بولاتىن 842,1 توننا ازىق-تٷلٸك تارۋارلارى ساتىلعان. ياعني, جەرگٸلٸكتٸ تاۋار ٶندٸرۋشٸلەردٸڭ جەرمەڭكەدەگٸ تٸكەلەي ساتىلىمىنىڭ ەسەبٸنەن باعالار نارىقتاعىدان تٶمەن بولعان. بۇدان بٶلەك, ول ەكك تۇراقتاندىرۋ قورىنا ازىق-تٷلٸك تاۋارلارىن جەتكٸزۋ بويىنشا جالپى سومماسى 752,3 ملن تەڭگەنٸ قۇرايتىن فيۋچەرلٸك/فورۆاردتىق كەلٸسٸم شارتتارعا قول قويىلعانىن جەتكٸزدٸ.
ايتا كەتەيٸك, بٷگٸنگٸ تاڭدا تۇراقتاندىرۋ قورىندا – 1 مىڭ توننا قانت, 2 مىڭ توننا كارتوپ, 1 مىڭ توننا پيياز, سەبٸز 1 200 توننا, كٷرٸش 70 توننا, ال سيىر ەتٸ 200 جەنە 30 توننا ماكارون ٶنٸمدەرٸ بار. مۇنان بٶلەك, قويمادا ٶتكەن جىلى الىنعان تاۋارلاردان قالعان 2500 توننا ۇن, 1 244 توننا قانت جەنە 69,1 توننا كٷرٸش ساقتالۋدا.
جيىندى قورىتىندىلاعان وبلىس ەكٸمٸ ازىق-تٷلٸك باعالارىنىڭ ٶسۋٸ حالىقتى الاڭداتاتىن ەڭ ماڭىزدى مەسەلە ەكەنٸن ايتىپ, ەربٸر اۋدان, قالا ەكٸمدەرٸنە تۇرعىنداردىڭ كٷندەلٸكتٸ تۇتىناتىن تاۋار باعالارىنىڭ ٶسۋٸنە جول بەرمەۋدٸ نىقتاپ تاپسىردى.
