وڭتٷستٸك قازاقستان وبلىسىنىڭ ەكٸمٸ, «نۇر وتان» پارتيياسى وبلىستىق فيليالىنىڭ تٶراعاسى جانسەيٸت تٷيمەباەۆ پارتييا فيليالىنىڭ باس عيماراتىندا قوعامدىق قابىلداۋ ٶتكٸزدٸ. ٶڭٸر تۇرعىندارى اۋىلدىق جەردەگٸ ەلەكتر باعانالارىنىڭ ەسكٸرگەنٸن, مەديتسينالىق ساقتاندىرۋ جٷيەسٸ, ەيەلدەر گەندەرلٸك ساياساتىنىڭ مەسەلەلەرٸن قاۋزاپ, نەزٸر تٶرەقۇلوۆتىڭ تۋىلعانىنا 125 جىل تولۋىن اتاپ ٶتۋ, تۇرعىن ٷي كەزەگٸن جىلجىتۋ جٶنٸندە كٶمەك سۇرادى. الدىنا كەلگەن ەر تۇرعىننىڭ مەسەلەسٸن مۇقييات تىڭداعان ٶڭٸر باسشىسى تيٸستٸ ورىندارعا تاپسىرمالار بەردٸ.
قوعامدىق قابىلداۋعا كەلگەن سايرام اۋدانى تەسپە ەلدٸمەكەنٸنٸڭ تۇرعىنى زەينەتكەر جامالبەك پەرنەەۆ اۋىلداعى ەلەكتر باعانالارىنىڭ ەسكٸرگەنٸن ايتىپ شاعىمداندى.
«اۋىلىمىزداعى ەلەكتر باعانالارى ەبدەن توزىپ, قۇلاۋدىڭ الدىندا تۇر. بۇل مەسەلەنٸ كٶتەرٸپ, اۋدان باسشىلىعىنا دا شاعىم تٷسٸرگەنبٸز. الايدا بۇل مەسەلەنٸڭ وڭ شەشٸمٸ بولماۋ تۇر»,- دەدٸ زەينەتكەر.
وبلىس ەكٸمٸ اتالعان مەسەلەنٸڭ 2018 جىلى ينۆەستيتسييالىق باعدارلاما اياسىندا شەشٸلەتٸنٸن ايتتى.
«سايرام اۋدانى, كٶلكەنت اۋىلدىق وكرۋگٸ, تەسپە اۋىلىندا ورناتىلعان 6,254 شاقىرىم ەلەكتر جەلٸسٸ مەن ترانسفورماتور «وڭتٷستٸك جارىق ترانزيت» جشس-نٸڭ تەڭگەرٸمٸندە. 2016 جىلى «وڭتٷستٸك جارىق ترانزيت» جشس-گٸ ينۆەستيتسييالىق باعدارلاماسى ەسەبٸنەن جارامسىز 12 دانا اعاش باعانالارى سىمدارىمەن اۋىستىرىلعان. ال بيىل قوسىمشا 1 دانا قۋاتى 100 كۆا بولاتىن ترانسفورماتور ورناتۋ جوسپاردا بار. 2018 جىلعى ينۆەستيتسييالىق باعدارلاماعا سەيكەس تۇرعىنداردى قامتاماسىز ەتۋدەگٸ 100 كۆا ترانسفورماتوردى 160 كۆا ترانسفورماتورعا, تٶمەنگٸ كەرنەۋلٸ 0,4 كۆ-تىق ەلەكتر باعانالارى مەن قوسا ەلەكتر جەلٸسٸن تولىعىمەن اۋىستىرۋ جوسپارلانعان», - دەدٸ جانسەيٸت قانسەيٸتۇلى.
مۇنان سوڭ ەكٸم الدىنا وبلىستىق ەيەلدەر كەڭەسٸنٸڭ تٶرايىمى بايان جاندوسوۆا كٸردٸ. بايان ايتبەكقىزى ٶڭٸرٸمٸزدەگٸ ەيەلدەر قاۋىمىنىڭ جەنە وتباسى قۇندىلىقتارىن ساقتاۋ تٶڭٸرەگٸندەگٸ قوردالانعان مەسەلەلەرگە توقتالدى.
الماتى قالاسىنىڭ تۇرعىنى نەزٸر تٶرەقۇلوۆ حالىقارالىق قايىرىمدىلىق قورىنىڭ پرەزيدەنتٸ ەبدٸجاپپار ساپارباەۆ قوعام قايراتكەرٸ نەزٸر تٶرەقۇلوۆتىڭ تۋىلعانىنا 125 جىل تولۋىن وڭتٷستٸك جەرٸندە اتاپ ٶتۋدٸ سۇراندى.
قازاقستاندىق دەنساۋلىق ساقتاۋ قىزمەتكەرلەرٸنٸڭ سالالىق كەسٸپوداعىنىڭ وقو فيليالىنىڭ تٶرايىمى ايانييازوۆا ريتا اۋىلدىق جەرلەردەگٸ مەديتسينالىق ساقتاندىرۋ جٷيەسٸنٸڭ ورىندالۋ بارىسىن سٶز ەتتٸ.
ال سايرام بالالار ٷيٸنٸڭ تٷلەگٸ لۋيزا ساليمجانقىزى 2013 جىلدان ٷي كەزەگٸنە تٸركەلگەنٸن, الايدا باسپاناعا قول جەتكٸزە الماي وتىرعانىن جەنە كٷيەۋٸنٸڭ جۇمىسسىز جٷرگەنٸن ايتىپ شاعىمداندى. كەزدەسۋ بارىسىندا ەكٸم شاعىمدانۋشىعا جىل سوڭىنا دەيٸن پەتەر بەرٸلەتٸنٸن مەلٸمدەپ, جۇمىسسىز جٷرگەن وتاعاسىن جاۋاپتى ازاماتتارعا ەڭبەكپەن قامتاماسىز ەتۋدٸ تاپسىردى.
