بقو قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ 26 مامىرداعى ٷكٸمٸمەن بولات ايماعامبەتوۆ قر قك 124-بابى 2-بٶلٸگٸمەن (جاس بالاعا قاتىستى ازعىندىق) جەنە 121-بابى 4-بٶلٸگٸمەن (سەكسۋالدىق سيپاتتاعى زورلىق-زومبىلىق ەرەكەتٸ) ايىپتى دەپ تانىلدى, دەپ حابارلايدى "ۇلت اقپارات".
اتالمىش سوتتىڭ باسپاسٶز قىزمەتٸ مەلٸم ەتكەنٸندەي, ورال قالاسىنىڭ تۇرعىنى ب.ايماعامبەتوۆ 2007 جىلى تۋعان ٶگەي قىزىنا كٷش قولدانباي, ازعىندىق جەنە سەكسۋالدىق سيپاتتاعى زورلىق-زومبىلىق ەرەكەتتەرٸن جاساعان.
سوتتالۋشىنىڭ كٸنەسٸ جەبٸرلەنۋشٸنٸڭ, زاڭدى ٶكٸلدٸڭ, كۋەلاردىڭ, ساراپشىلاردىڭ ايعاقتارىمەن, وقيعا بولعان جەردٸ قاراۋ, الۋ, ساراپتاما قورىتىندىلارىمەن دەلەلدەنگەن.
پروكۋرور ايماعامبەتوۆكە تٷپكٸلٸكتٸ 20 جىل باس بوستاندىعىنان ايىرۋ جازاسىن تاعايىنداۋدى سۇرادى, جەبٸرلەنۋشٸ تاراپ مۇنىمەن كەلٸستٸ.
سوت زاڭ تالاپتارىن ەسكەرە وتىرىپ, ايماعامبەتوۆكە ەڭ جوعارى جازا كەستٸ. قر قك 121-بابى 4-بٶلٸگٸمەن 15 جىل, 124-بابى 2-بٶلٸگٸمەن 7 جىل باس بوستاندىعىنان ايىرۋ جازاسىن بەلگٸلەدٸ. بۇل جازالار ٸشٸنارا قوسىلىپ, تٷپكٸلٸكتٸ 20 جىلعا باس بوستاندىعىنان ايىرىلدى. ول جازاسىن قاۋٸپسٸزدٸگٸ ەڭ جوعارى قىلمىستىق-اتقارۋ جٷيەسٸ مەكەمەسٸندە ٶتەيدٸ.
سونىمەن قاتار ايماعامبەتوۆ پەداگوگيكالىق جەنە كەمەلەتكە تولماعاندارمەن جۇمىس جاساۋعا بايلانىستى قىزمەتتەرمەن اينالىسۋ قۇقىعىنان ٶمٸر بويىنا ايىرىلدى.
سوت ٷكٸمٸ زاڭدى كٷشٸنە ەنگەن جوق.
