BQO qylmystyq ister jónindegi mamandandyrylǵan aýdanaralyq sotynyń 26 mamyrdaǵy úkimimen Bolat Aimaǵambetov QR QK 124-baby 2-bóligimen (jas balaǵa qatysty azǵyndyq) jáne 121-baby 4-bóligimen (seksýaldyq sipattaǵy zorlyq-zombylyq áreketi) aiypty dep tanyldy, dep habarlaidy "Ult aqparat".
Atalmysh sottyń baspasóz qyzmeti málim etkenindei, Oral qalasynyń turǵyny B.Aimaǵambetov 2007 jyly týǵan ógei qyzyna kúsh qoldanbai, azǵyndyq jáne seksýaldyq sipattaǵy zorlyq-zombylyq áreketterin jasaǵan.
Sottalýshynyń kinási jábirlenýshiniń, zańdy ókildiń, kýálardyń, sarapshylardyń aiǵaqtarymen, oqiǵa bolǵan jerdi qaraý, alý, saraptama qorytyndylarymen dáleldengen.
Prokýror Aimaǵambetovke túpkilikti 20 jyl bas bostandyǵynan aiyrý jazasyn taǵaiyndaýdy surady, jábirlenýshi tarap munymen kelisti.
Sot zań talaptaryn eskere otyryp, Aimaǵambetovke eń joǵary jaza kesti. QR QK 121-baby 4-bóligimen 15 jyl, 124-baby 2-bóligimen 7 jyl bas bostandyǵynan aiyrý jazasyn belgiledi. Bul jazalar ishinara qosylyp, túpkilikti 20 jylǵa bas bostandyǵynan aiyryldy. Ol jazasyn qaýipsizdigi eń joǵary qylmystyq-atqarý júiesi mekemesinde óteidi.
Sonymen qatar Aimaǵambetov pedagogikalyq jáne kámeletke tolmaǵandarmen jumys jasaýǵa bailanysty qyzmettermen ainalysý quqyǵynan ómir boiyna aiyryldy.
Sot úkimi zańdy kúshine engen joq.
