1 اقپان كٷنٸ قر مەدەنيەت جەنە سپورت مينيسترلٸگٸ تاپسىرىسى بويىنشا «Asau Art Films» قاتىسۋىمەن ش.ايمانوۆ اتىنداعى «قازاقفيلم» اق تٷسٸرگەن «وازيس» فيلمٸ پروكاتقا شىعادى, دەپ حابارلايدى "ۇلت اقپارات".
«قازاقفيلم» اق باسپاسٶز قىزمەتٸ حابارلاعانداي, فيلمدە كٶزدەگەن ماقساتتارىنا جەتۋ جولىندا ەر قايسىسىنىڭ ٶز امالدارى بار, ٶمٸرگە دەگەن كٶزقاراستارى بٸر-بٸرٸنە ۇقسامايتىن, مٸنەزدەرٸ دە مٷلدەم بٶلەك ەكٸ جٸگٸتتٸڭ تاعدىرى باياندالادى.
- بٷگٸنگٸ قازاق قوعامى رۋحاني تۇرعىدان - تٸلدٸك, دٸندٸك تۇرعىدان ەكٸگە بٶلٸنٸپ جاتىر. قازاق قازاقتى تٷسٸنبەي جاتىر, بۇل ۇلتىمىزدىڭ تراگەديياسى. وسىنىڭ جەمٸسٸن جاس ۇرپاق جيناپ جاتىر. بۇل تراگەدييانى بٸز «وازيس» فيلمٸندەگٸ كەيٸپكەرلەرٸ ارقىلى - دالادا كەزدەسكەن ەكٸ قازاقتىڭ قاقتىعىسى ارقىلى كٶرسەتۋگە تىرىستىق. بٸرٸ – دٸنٸ دە, تٸلٸ دە, تاريحى دا بۇزىلماعان, ورالمان جٸگٸت بولسا, ەكٸنشٸسٸ – الماتىداعى بالالار ٷيٸندە تەربيەلەنگەن, دٸنٸ دە جوق, تٸلٸ دە جوق, تاريحي جادى دا جوق رۋسلان ەسٸمدٸ شالا قازاق. جالپى, «وازيس» – دٸن تاقىرىبىن قوزعاپ, يمانى بۇزىلعان قازاق قوعامى ٷشٸن يماننىڭ قانشالىقتى ماڭىزدى ەكەنٸن كينو تٸلٸمەن ايتۋعا ۇمتىلعان فيلم, – دەدٸ فيلمنٸڭ ستسەناريي اۆتورى, بەلگٸلٸ جازۋشى سماعۇل ەلۋباي.
«وازيس» فيلمٸنٸڭ نەگٸزگٸ تٷسٸرۋ جۇمىستارى الماتى وبلىسى شونجا اۋىلىندا, سونىمەن قاتار الماتى قالاسىندا جٷرگٸزٸلدٸ. فيلمدەگٸ باستى رٶلدٸ ت.جٷرگەنوۆ اتىنداعى قازاق ۇلتتىق ٶنەر ينستيتۋتىنىڭ تٷلەگٸ ايدار اسارباي سومدادى.
ايتا كەتسەك, «وازيس» فيلمٸ رەجيسسەر بەگارس ەلۋبايدىڭ العاشقى جەكە جۇمىسى. ونىڭ الدىندا ول رەجيسسەر ەرلان نۇرمۇحامبەتوۆپەن بٸرگە بالالارعا ارنالعان «اڭشى بالا» فيلمٸن (2012 جىلى جارىققا شىققان) تٷسٸرگەن بولاتىن. اتالعان تۋىندى كٶپتەگەن حالىقارالىق كينوفەستيۆالدەردە جٷلدەلٸ ورىندارعا يە بولدى. مىسالى, گولليۆۋدتا ٶتكەن حالىقارالىق كينوفەستيۆالدە «شەتەلدٸڭ ٷزدٸك فيلمٸ», 2012 جىلى ٶتكەن «كينوشوك» فەستيۆالٸ شەڭبەرٸندە «كينومالىشوك» بايقاۋىندا «ٷزدٸك فيلم» جٷلدەلەرٸن يمەدەندٸ. سونداي-اق, يركۋتسكٸدە ٶتكەن «بايكال جٷرەگٸ» حالىقارالىق كينوسفەستيۆالٸندە «بالالارعا ارنالعان ٷزدٸك فيلم» جٷلدەسٸمەن ماراپاتتالعان بولاتىن. بٷگٸندە رەجيسسەر «بالا عاشىق» اتتى كەلەسٸ فيلمدٸ تٷسٸرٸپ جاتىر.
«وازيس»
فيلمدە ٶمٸرگە دەگەن كٶزقاراستارى بٸر-بٸرٸنە ۇقسامايتىن, مٸنەزدەرٸ دە مٷلدەم بٶلەك ەكٸ جٸگٸتتٸڭ تاعدىرى باياندالادى. رۋسلان - انانىڭ مەيٸرٸمٸن كٶرمەگەن تاستاندى بالا. پوليتسييا قىزمەتكەرلەرٸنەن قاشىپ جٷرگەن ول ٶزٸمەن بٸرگە بٷكٸل ەلەمدٸ جويىپ جٸبەرمەك ويى بولادى. الايدا شٶلدٸ دالادا ول جٷرەگٸندە يمانى بار, تٶڭٸرەگٸندەگٸلەردٸ ماحاببات پەن مەيٸرٸمدٸلٸك نۇرىنا بٶلەندٸرٸپ جٷرگەن جٸگٸتتٸ كەزدەستٸرەدٸ.
ٶندٸرٸسٸ: ش.ايمانوۆ اتىنداعى "قازاقفيلم" اق, «Asau Art Films» جشس قاتىسۋىمەن
جانرى: پسيحولوگييالىق دراما
ۇزاقتىعى: 88 مينۋت
قويۋشى رەجيسسەرٸ: بەگارس ەلۋباەۆ
ستسەناريي اۆتورى: سماعۇل ەلۋباەۆ, بەگارس ەلۋباەۆ
قويۋشى وپەراتورى: الەكساندر رۋبانوۆ
قويۋشى سۋرەتشٸ: دجالاليتدين يبراگيموۆ
كومپوزيتورى: ەدٸلحان بايىسباەۆ
رٶلدەردە:ايدار اسارباي, ەدٸلەت توپاەۆ, ساعات جىلگەلديەۆ جەنە باسقالار.
رەجيسسەر تۋرالى انىقتاما:
بەگارس ەلۋباي 1974 جىلى 10 جەلتوقساندا دٷنيەگە كەلدٸ. 1991 جىلى ەل فاارابي اتىنداعى قازاق ۇلتتىق ۋنيۆەرسيتەتٸنٸڭ فيلالوگييا فاكۋلتەتٸنە وقۋعا تٷسكەن. 1998-2002 جىلدار ارالىعىندا مەسكەۋدەگٸ كەسٸپكەرلەر مەن قۇقىق ينستيتۋىندا دەرٸس العان.
فيلموگرافيياسى: «اڭشى بالا» (2012 ج., تەڭ رەجيسسەرٸ), «وازيس» (2018 ج.).
