فوتو: Sputnik / ۆلاديسلاۆ ۆودنەۆ
جاڭا سالىق كودەكسٸنٸڭ ارقاسىندا كەلەسٸ جىلدان باستاپ رەسپۋبليكالىق بيۋدجەتكە قوسىمشا شامامەن 3 تريلليوننان استام تٷسٸمدەر تٷسەدٸ. بۇل تۋرالى قر پرەمەر-مينيسترٸ ولجاس بەكتەنوۆ مەلٸمدەدٸ, دەپ حابارلايدى Ult.kz.
"مەملەكەت ٶز مٸندەتتەمەلەرٸن تولىق كٶلەمدە ورىنداپ جاتىر. ورىندايدى دا. بۇعان ەشقانداي كٷمەن جوق. جالپى ەكونوميكالىق احۋال تۇراقتى. بٸراق سٸز ايتىپ ٶتكەن مەسەلەلەر جوق ەمەس. ول ٶزدەرٸڭٸز بٸلەتٸندەي, بٸر كٷندە پايدا بولعان پروبلەمالار ەمەس. بٸرنەشە جىلدار بويى قالىپتاسىپ جاتقان مەسەلەلەر. ٷكٸمەت قازٸرگٸ تاڭدا ونىڭ بەرٸن شەشۋ ٷشٸن بەلسەندٸ جۇمىس اتقارىپ جاتىر. ٷكٸمەتتٸڭ باستاماسىمەن ەلٸمٸزدە سالىق رەفورماسى جٷرٸپ جاتىر. وسى جۋىردا عانا جاڭا سالىق كودەكسٸ قابىلداندى. بٷگٸنگٸ مٷمكٸندٸكتٸ پايدالانا وتىرىپ, كونسترۋكتيۆتٸ ورتاق جۇمىس ٷشٸن دەپۋتاتتىق كورپۋسقا العىسىمدى بٸلدٸرەمٸن", - دەگەن ٷكٸمەت باسشىسى جاڭا سالىق كودەكسٸنٸڭ ارقاسىندا كەلەسٸ جىلدان باستاپ رەسپۋبليكالىق بيۋدجەتكە قوسىمشا شامامەن 3 تريلليوننان استام تٷسٸمدەر تٷسەدٸ دەپ ەسەپتەيتٸنٸن ايتتى.
ولجاس بەكتەنوۆ بۇل قارجىنىڭ بارلىعى تەك دامۋ ماقساتتارىنا باعىتتالاتىنىن جەتكٸزدٸ.
"دامۋ ماقساتتارى دەگەنٸمٸز ول بٸرٸنشٸ كەزەكتە ٸرٸ ينفراقۇرىلىمدىق نىسانداردى ٸسكە قوسۋ, ەلەكتر قۋات كٶزدەرٸن, اۆتوموبيل جەنە تەمٸرجول جولدارىنىڭ جەلٸسٸن دامىتۋ, ينجەنەرلٸك جەلٸلەردٸ جاڭعىرتۋ سيياقتى ماڭىزدى مٸندەتتەرگە جولداناتىن بولادى. ال بۇل سالالار ۇزاقمەرزٸمدٸ تۇراقتى ەكونوميكالىق ٶسٸمدٸ قامتاماسىز ەتەدٸ. سوندىقتان بٸز وسى باعىتتاردا بەلسەندٸ ەرٸ تيٸمدٸ جۇمىس جاسايتىن بولساق, ەلٸمٸزدە تۇراقتى ەكونوميكالىق ٶسٸم بولادى. ونىڭ نەتيجەسٸندە سالىقتىق بازا كەڭەيەدٸ. جەنە رەسپۋبليكالىق بيۋدجەتكە تٷسٸمدەر تٷسەدٸ. سونىڭ ارقاسىندا مەملەكەت ەرٸ قاراي دا ٶز مٸندەتتەرٸن ورىندايدى", - دەدٸ ول.
سونداي-اق ول كەلەسٸ ٷش جىلعا ارنالعان رەسپۋبليكالىق بيۋدجەتتٸڭ جوباسىن ٷكٸمەتتە دايىنداپ جاتقاندارىن جەتكٸزدٸ.
ٷكٸمەت باسشىسىنىڭ سٶزٸنشە 2026 جىلى بيۋدجەت تاپشىلىعىن قازٸرگٸ 2,7%-دان 2,5%-عا دەيٸن تٶمەندەتٸپ, 2027 جىلى 1,8%-عا دەيٸن, 2028 جىلى 1,4 %-عا دەيٸن بيۋدجەت تاپشىلىعىن تٶمەندەتۋ جوسپارلانعان.
"مەملەكەت باسشىسى ۇلتتىق قوردىڭ قارجىسىن بيۋدجەت تاپشىلىعىن جابۋ ٷشٸن ەمەس, تەك قانا رەسپۋبليكالىق ماڭىزى بار ٸرٸ ينفراقۇرىلىمدىق جوبالاردى سالۋ كەرەك دەپ بٸزگە ناقتى تاپسىرما قويدى. بٸز وسى تاپسىرمالاردى مٷلتٸكسٸز ورىندايمىز", - دەدٸ ولجاس بەكتەنوۆ.
