بۇعان دەيٸن رەسەي قورعانىس مينيسترلٸگٸ "بۋچانىڭ بەيبٸت تۇرعىندارى رەسەي ەسكەرٸ 30 ناۋرىزدا شىعىپ كەتكەننەن كەيٸن ٶلگەن" دەگەن ەدٸ. ال سپۋتنيكتەن تٷسٸرٸلگەن سۋرەتتەر بۇل ۆەدومستۆونىڭ ۋەجٸن جوققا شىعاردى. مۇنى The New York Times باسىلىمى جازدى, دەپ حابارلايدى ازاتتىق.
گازەت مەلٸمەتٸنە قاراعاندا, ۆيدەو مەن سپۋتنيك سۋرەتتەرٸ كٶشەدەگٸ مەيٸتتەر ٷش اپتا بۇرىن پايدا بولعانىن كٶرسەتەدٸ. بۇل كەزدە بۋچا قالاسىن رەسەي ەسكەرٸ باقىلاپ تۇرعان.
2 سەۋٸردە جەرگٸلٸكتٸ ەكٸمشٸلٸك قىزمەتكەرٸ تٷسٸرگەن ۆيدەونىڭ بٸرٸندە يابلۋنسكيي كٶشەسٸندە ادام مەيٸتتەرٸ شاشىلىپ جاتقانى كٶرٸنەدٸ. The New York ۇسىنعان Maxar Technologies كومپانيياسىنىڭ سپۋتنيكتەن تٷسٸرٸلگەن سۋرەتتەرٸ كەمٸ 11 مەيٸت كٶشەدە 11 ناۋرىزدان بەرٸ جاتقانىن كٶرسەتكەن.
"كەي مەيٸتتەر جارىلىس شۇقىرىنىڭ, ٶزگەلەرٸ مەشينەلەردٸڭ جانىندا جاتىر. كەيبٸرٸنٸڭ قولى ارتىنا قايىرىلىپ, اق ماتامەن بايلانعان" دەپ جازادى The New York Times.
يابلۋنسكيي كٶشەسٸندە تٷسٸرٸلگەن ەكٸنشٸ ۆيدەودان ٷش مەيٸت بايقالادى. بٸرٸ ۆەلوسيپەدتٸڭ, ەكٸنشٸسٸ مەشينەنٸڭ جانىندا جاتىر. سپۋتنيك سۋرەتتەرٸ بۇلاردىڭ 20-21 ناۋرىز ارالىعىندا پايدا بولعانىن كٶرسەتكەن.
رەسەي بۋچانىڭ بەيبٸت ادامدارىنىڭ ٶلٸمٸ جايلى ٶزٸنە قاراتا ايتىلعان ايىپتاردى تەرٸسكە شىعارىپ وتىر. رەسەيدٸڭ بٸرٸككەن ۇلتتار ۇيىمىنداعى تۇراقتى ٶكٸلٸ ۆاسيليي نەبەنزيا نيۋ-يوركتە ٶتكەن باسپاسٶز كونفەرەنتسيياسىندا "بۋچا قالاسىنداعى جاعداي – رەسەي ەسكەرٸن ديسكرەديتاتسييالاۋ ٷشٸن ەدەيٸ جاسالعان ارانداتۋ" دەپ اتادى. نەبەنزيانىڭ سٶزٸنشە, "مەسكەۋ قولىندا رەسەي ەسكەرٸنٸڭ بۇعان ەش قاتىسى جوعىن بٸلدٸرەتٸن دەلەل بار".
رەسەي 4 سەۋٸردە بۋچاداعى جاعدايعا بايلانىستى بۇۇ قاۋٸپسٸزدٸك كەڭەسٸن شاقىرۋدى تالاپ ەتتٸ, الايدا كەڭەسكە تٶراعالىق ەتٸپ وتىرعان ۇلىبريتانييا ۆەتو قويدى. نەبەنزيا مۇنى "قاۋٸپسٸزدٸك كەڭەسٸنٸڭ پراكتيكاسىندا بولماعان ٶرەسكەل قادام" دەپ اتادى.
بريتانييا قاۋٸپسٸزدٸك كەڭەسٸنٸڭ تٶراعاسى رەتٸندە رەسەيدٸڭ بۋچاعا بايلانىستى سۇرانىسىن قاۋٸپسٸزدٸك كەڭەسٸنٸڭ سەيسەنبٸ, 5 سەۋٸردە ٶتەتٸن ۋكرايناعا بايلانىستى كەزدەسۋٸمەن ۇشتاستىرۋدى ۇيعارعان.
