بٷگٸن مەجٸلٸس تٶراعاسى نۇرلان نىعماتۋلين جاپونييانىڭ قازاقستانداعى تٶتەنشە جەنە ٶكٸلەتتٸ ەلشٸسٸ تاتسۋحيكو كاسايدى قابىلدادى, دەپ حابارلايدى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ.
نۇرلان نىعماتۋلين ەلشٸنٸ قازاقستانداعى ديپلوماتييالىق ميسسيياسىنىڭ باستالۋىمەن قۇتتىقتاپ, ەكٸ ەلدٸڭ سىندارلى جەنە دوستىق قاتىناستارى ودان ەرٸ تەرەڭدەپ, كەڭەيە تٷسەتٸنٸنە سەنٸم بٸلدٸردٸ.
كەزدەسۋ بارىسىندا قازاقستان پرەزيدەنتٸ نۇرسۇلتان نازارباەۆ پەن جاپونييانىڭ پرەمەر-مينيسترٸ سيندزو ابەنٸڭ تۇراقتى بايلانىستارى ەلدەر اراسىنداعى ىقپالداستىقتىڭ دامۋىنا قۋاتتى سەرپٸن بەرٸپ, ونى كەڭەيتٸلگەن ستراتەگييالىق ەرٸپتەستٸك دەڭگەيٸنە جەتكەنٸن پالاتا سپيكەرٸ اتاپ ٶتتٸ.
وسى ورايدا نۇرلان نىعماتۋليننٸڭ يادرولىق قاۋٸپسٸزدٸك پەن ورنىقتى دامۋ سالاسىنداعى ىنتىماقتاستىقپەن قاتار ەكٸ جاقتى جەنە «ورتالىق ازييا + جاپونييا» ديالوگى اياسىندا جوعارى تەحنولوگييالار, بايلانىس, ەنەرگەتيكا, ەكولوگييا, اۋىل شارۋاشىلىعى سالاسىنداعى ٶزارا سەرٸكتەستٸكتٸ كٷشەيتۋگە نازار اۋداردى.
مەجٸلٸس تٶراعاسى قازاقستان مەن جاپونييا پارلامەنتشٸلەرٸنٸڭ ٶزارا ٸس-قيمىلى استانا مەن توكيو اراسىنداعى جان-جاقتى ىنتىماقتاستىقتى دامىتۋعا ىقپال ەتەتٸنٸنە سەنٸم بٸلدٸردٸ.
ٶز كەزەگٸندە تاتسۋحيكو كاساي قازاقستان-جاپونييا قارىم-قاتىناستارىنىڭ دامۋ قارقىنىن جوعارى باعالاپ, بٸزدٸڭ ەلٸمٸزدٸڭ بارلىق سالالارىنداعى بەلسەندٸ دامۋىن اتاپ ٶتتٸ. سونداي-اق, جاپون ەلشٸسٸ قازاقستاننىڭ جەنە پرەزيدەنتٸمٸزدٸڭ اۋقىمدى بەيبٸت باستامالارىنىڭ ماڭىزدىلىعىنا توقتالدى.
سونىمەن بٸرگە, تاتسۋحيكو كاساي ەكٸجاقتى بايلانىستاردى ودان ەرٸ نىعايتۋ ٷشٸن بٸرگە جۇمىس ٸستەۋگە تولىق دايىن ەكەنٸن جەتكٸزدٸ.
