بٷگٸن مەجٸلٸس سپيكەرٸ نۇرلان نىعماتۋليننٸڭ تٶراعالىعىمەن پالاتانىڭ جالپى وتىرىسى ٶتتٸ. وندا دەپۋتاتتار سىبايلاس جەمقورلىققا قارسى ٸس-قيمىل مەسەلەلەرٸ تۋرالى زاڭ جوباسىن بٸرٸنشٸ وقىلىمدا ماقۇلدادى, دەپ حابارلايدى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ.
مەجٸلٸس تٶراعاسى اتاپ ٶتكەندەي, زاڭ جوباسىنا ەنگٸزٸلگەن جاڭا تٷزەتۋلەر ارقىلى اعىمداعى جىلى پارلامەنت سەسسيياسىنىڭ اشىلۋىندا مەملەكەت باسشىسى قاسىم-جومارت توقاەۆتىڭ تاپسىرماسى جٷزەگە اسىرىلدى.
-
- وسى ماقۇلدانعان زاڭ جوباسى ەلٸمٸزدٸڭ اشىق جەنە تۇراقتى دامۋى جولىنداعى تاعى بٸر ماڭىزدى قادام دەۋگە بولادى. سەبەبٸ, ەربٸر دەموكراتييالىق دامىعان ەلدە سىبايلاس-جەمقورلىققا جول جوق. سوندىقتان, تٸكەلەي مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسىمەن ەزٸرلەنگەن وسى زاڭ جوباسى جەمقورلىقپەن كٷرەستٸ ودان ەرٸ كٷشەيتۋگە باعىتتالىپ وتىر. وسى جولدا زاڭ جوباسىنا جەمقورلىقپەن كٷرەستٸ جٷيەلٸ تٷردە جٷرگٸزۋگە ارنالعان كٶپتەگەن ٶزگەرٸستەر ەنگٸزٸلدٸ. ونىڭ باستى ماقساتى - كەز كەلگەن زاڭ بۇزۋدىڭ الدىن-الۋ جەنە بولدىرماۋ, – دەدٸ نۇرلان نىعماتۋلين.
مەجٸلٸس دەپۋتاتتارى مەملەكەت باسشىسىنىڭ تاپسىرماسىنا سەيكەس, قىلمىستىڭ كەز كەلگەن تٷرٸن ارانداتقانى ٷشٸن قىلمىستىق جاۋاپكەرشٸلٸكتٸ سىبايلاس جەمقورلىققا قارسى ورگان قىزمەتكەرلەرٸنە عانا ەمەس, جالپى كەز كەلگەن قۇقىق قورعاۋ ورگاندارىنىڭ قىزمەتكەرلەرٸنە بەلگٸلەۋدٸ ۇسىندى.
باس پروكۋراتۋرانىڭ, سىبايلاس جەمقورلىققا قارسى ٸس-قيمىل اگەنتتٸگٸنٸڭ, ٸشكٸ ٸستەر جەنە قارجى مينيسترلٸكتەرٸنٸڭ ٶكٸلدەرٸ دەپۋتاتتاردىڭ بۇل ۇسىنىسىمەن كەلٸسٸپ, قۇجات جوباسى ەكٸنشٸ وقىلىمعا دەيٸن پىسىقتالاتىن بولادى.
سونىمەن قاتار, بٷگٸنگٸ جالپى وتىرىستا مەجٸلٸس دەپۋتاتتارى كٶتەرگەن تاعى بٸر مەسەلە ٶز شەشٸمٸن تاپتى. ول جٶنٸندە مەجٸلٸس تٶراعاسى نۇرلان نىعماتۋلين:
-
- ەندٸ تەك بٸرٸنشٸ باسشىلار عانا ەمەس, كۆازيمەملەكەتتٸك سەكتوردا قىزمەت ەتەتٸن لاۋازىمدى تۇلعالار دا جەمقورلىق ٷشٸن جاۋاپقا تارتىلاتىن بولادى. بۇل نورما بويىنشا دا مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسى جٷزەگە اسىرىلادى. بۇل ەدٸل جەنە دۇرىس قادام دەپ ەسەپتەيمٸن. ونى قولداۋىمىز كەرەك, - دەدٸ.
تالقىلاۋدى قورىتىندىلاعان مەجٸلٸس تٶراعاسى وسى زاڭ جوباسىنىڭ نەتيجەسٸندە سىبايلاس جەمقورلىققا قارسى كٷرەستٸڭ تيٸمدٸلٸگٸ ارتاتىنان اتاپ ٶتتٸ.
سونداي-اق, زاڭ جوباسىمەن قۇقىق قولدانۋ پراكتيكاسىندا تۋىنداعان قۇقىقتىق ولقىلىقتار مەن كولليزييالاردى جويۋعا, سونداي-اق سىبايلاس جەمقورلىققا قارسى ٸس-قيمىل جٶنٸندەگٸ ۋەكٸلەتتٸ ورگاننىڭ مەرتەبەسٸ مەن ۇيىمدىق قىزمەتٸنە قاتىستى مەسەلەلەردٸ رەتتەۋگە باعىتتالعان نورمالار بەكٸتٸلەدٸ.
نۇرلان نىعماتۋليننٸڭ ايتۋىنشا, وسى زاڭ جوباسىنىڭ نەتيجەسٸندە سىبايلاس جەمقورلىققا قارسى كٷرەستٸڭ تيٸمدٸلٸگٸ ارتادى.
