مەجٸلٸستٸڭ جالپى وتىرىسىندا تيٸستٸ زاڭ جوباسىن تالقىلاۋ بارىسىندا الداعى ۋاقىتتا ينتەرنەتٸ جوق اۋىلداردا كەسٸپكەرلەردٸڭ ەسەپتٸلٸگٸن تەك ەلەكتروندى نۇسقادا تاپسىرۋ قانداي پروبلەماعا الىپ كەلەتٸنٸ ايتىلدى, دەپ حابارلايدى قازاقپارات تٸلشٸسٸ.
«قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قازاقستان رەسپۋبليكاسىنداعى كەسٸپكەرلٸك قىزمەت سالاسىندا جاڭا رەتتەۋشٸلٸك ساياساتتى ەنگٸزۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن بٸرٸنشٸ وقىلىمدا تالقىلاۋ كەزٸندە ينتەرنەت ناشار ەلدٸ مەكەندەردە كەسٸپكەرلٸك سۋبەكتٸلەرٸ ەسەپتەر مەن حابارلاندىرۋدى ەلەكتروندى نۇسقادا بەرە الماسا قانداي قادامدار جاسالاتىنى سۇرالدى.
«دەپۋتاتتار اقپاراتتىق تەتٸكتەر تالاپتارىن ورىنداۋدى قاعاز جەنە ەلەكتروندى نۇسقادا ساقتاۋ مٷمكٸندٸگٸ تۋرالى تٷزەتۋ ەنگٸزٸدٸ. دەپۋتاتتاردىڭ تٷزەتۋٸ بويىنشا سٸزدٸڭ كٶزقاراسىڭىز قانداي?», - دەپ سۇرادى دەپۋتات ۆەرا كيم.
ٶز كەزەگٸندە ۇلتتىق ەكونوميكا مينيسترٸ ەسەت ەرعاليەۆ دەپۋتاتتار ۇسىنىسىن قولدايتىنىن ايتتى.
«ەسەپتەردٸ تاپسىرۋ فورماسى قاعاز ەرٸ ەلەكتروندى نۇسقادا بولۋى كەرەك دەپ سانايمىز. ەگەر ساپالى ينتەرنەت قولجەتٸمدٸ بولماسا, وندا كەسٸپكەر ەسەپتٸلٸكتٸ قاعاز نۇسقادا دا تاپسىرا الۋى كەرەك», - دەدٸ مينيستر.
وسى تۇرعىدا مەجٸلٸس تٶراعاسى نۇرلان نىعماتۋلين زاڭ جوباسىن پىسىقتاۋ كەزٸندەگٸ مينيسترلٸك مەن «اتامەكەن» پالاتاسىنىڭ بۇل باعىتتاعى قادامدارىن سىنعا الدى.
«سونى پارلامەنتكە كەلٸپ تٷسٸندٸڭٸز بە? بٷگٸن ەسەپتٸلٸكتٸڭ ەكٸ فورماسىنا قاتىستى دەپۋتاتتاردىڭ پوزيتسيياسىن قولداپ وتىرسىزدار. زاڭ جوباسى دايىندالعان كەزدە نەگە تەك ەلەكتروندى نۇسقانى قالدىرۋ كەرەكتٸگٸن قولدادىڭىزدار?! بۇل نەعىلعان پوزيتسييا, كەسٸپكەرلەر مٷددەسٸن قورعاماي پالاتا قايدا قاراپ وتىر? كەسٸپكەرلەر ناشار ينتەرنەتٸمەن ەسەپتٸلٸكتٸ قالاي جٷرگٸزەدٸ? ەرينە, تسيفرلىق ەسەپتٸلٸككە كٶشۋ تالابى ەشقانداي كٷمەن تۋدىرمايدى, بٸراق بۇل باعىتتا تيٸستٸ دايىندىق كەرەك. ەڭ الدىمەن, بارلىق ەلدٸ مەكەندەر تۇراقتى ينتەرنەتكە قول جەتكٸزٸپ الۋى تيٸس. ەگەر ساپالى ينتەرنەت بولماسا, تولىقتاي تسيفرلى ەسەپتٸلٸككە كٶشۋ پروبلەما تۋدىراتىنى تٷسٸنٸكتٸ عوي. ينتەرنەتٸ ناشار اۋىلدار بار ەكەنٸ بەلگٸلٸ. ەكٸنشٸدەن, كەيبٸر كەسٸپكەرلەر ەلەكتروندىق نۇسقادا ەسەپتٸلٸكتٸ تاپسىرۋعا دايىن ەمەس شىعار. مىسالى, اۋىلداعى شاعىن دٷكەندٸ الساق, ول دٷكەندە بٸر عانا ادام جۇمىس ٸستەيدٸ. ونىڭ يەسٸ دە, ساتۋشىسى دا, بۋحگالتەرٸ دە سول كٸسٸ. ەگەر ونىڭ ەلەكتروندى تەحنيكاسى بولماسا, تسيفرلى قۇجاتتارمەن قالاي جۇمىس ٸستەيدٸ. ال ەندٸ مينيسترلٸك ۇسىنىسىنا قاراساق, وسى ەسەپتٸلٸكتٸ ۋاقىتىلى تاپسىرماسا, اتالعان كەسٸپكەر جاۋاپكەرشٸلٸككە تارتىلادى», - دەپ توقتالدى مەجٸلٸس تٶراعاسى.
وسى ورايدا ن. نىعماتۋلين اۋىلدارعا ساپالا ينتەرنەت جەتپەسە, ەسەپتٸلٸكتٸڭ قاعاز نۇسقاسىنان باس تارتىپ, تەك ەلەكتروندى نۇسقانى ەنگٸزۋ دٷربەلەڭ تۋداراتىنىن ايتتى.
«مينيستر مىرزا, وسىنداي قۇجاتتى ەزٸرلەپ, پارلامەنتكە ەنگٸزگەن كەزدە نەنٸ ويلايسىزدار?! ەگەر كەسٸپكەرلەرگە وسىنداي تالاپتاردى ەنگٸزسەڭٸزدەر, وندا ٶزدەرٸڭٸزگە دە جوعارى تالاپ قويىڭىزدار. الداعى ۋاقىتتا بارشا ەسەپتٸلٸك تسيفرلىق سيپاتتا بولاتىنىن جاقسى تٷسٸنەمٸز جەنە وسى فورماتتى قولدايمىز. دەگەنمەن تيٸستٸ جاعداي جاساۋ كەرەك. تەك وسىدان كەيٸن بۇل فورماتقا كٶشكەن جٶن», - دەدٸ مەجٸلٸس تٶراعاسى.
تالقىلاۋدان كەيٸن, زاڭ جوباسىن ەكٸنشٸ وقىلىمعا دەيٸن قاراۋ كەزٸندە تيٸستٸ قادامداردى پىسىقتاۋ تاپسىرىلدى.
