مەجٸلٸس تٶراعاسى نۇرلان نىعماتۋلين دەنساۋلىق ساقتاۋ مينيسترٸ الەكسەي تسويدى حالىققا جاقىن بولۋعا شاقىردى, دەپ حابارلايدى "ۇلت اقپارات".
«وكوپتان شىعاتىن كەز كەلدٸ. قۇرمەتتٸ مينيستر مىرزا, حالىقتىڭ مۇڭ-مۇقتاجىن تىڭداۋعا شىعۋ كەرەك. ادامدارمەن سانيتارلىق دەرٸگەردٸڭ قاۋلىسى ارقىلى بايلانىسقاندى دوعارۋ كەرەك. اۋرۋحاناعا, ەمحاناعا بارىڭىز. ەسٸرەسە, اۋداندىق مەديتسينالىق ۇيىمداردى ارالىپ شىعىڭىز, ونداعى كەزەكتە تۇرعان ادامداردى تىڭداڭىز. مەنٸڭ ويىمشا, سول كەزدە مەديتسينالىق كٶمەك ساپاسى مەن وسى كٶرسەتكٸشكە قول جەتكٸزۋ جايىندا قاجەتتٸ مەلٸمەت الاسىز. جالپى ٶز جۇمىسىڭىز جايىندا حالىقتىڭ پٸكٸرٸن ەستيسٸز», - دەدٸ نىعماتۋلين مەجٸلٸستٸڭ جالپى وتىرىسىندا.
سپيكەر مينيسترگە ستاتيستيكانى, ەۋروپانى مىسالعا كەلتٸرۋدٸ توقتاتىپ, حالىقپەن بايلانىس ورناتۋعا كەڭەس بەردٸ.
«الەكسەي ۆلاديميروۆيچ, قازٸر دەنساۋلىق جٷيەسٸنە وڭاي تيٸپ جاتقان جوق, سالماق تٷسٸپ وتىر. بٸراق جيناقتالاتىن كەز جەتتٸ. ورتالىق كوممۋنيكاتسييالار قىزمەتٸنٸڭ زالىندا عانا بايلانىس ورناتۋ جەتكٸلٸكسٸز. قاعازدان نەمەسە سۋفلەردان باياندامانى وقىپ, كەتٸپ قالاسىز, جۋرناليستەر سۇراقتارىنىڭ جارتىسىنا دا جاۋاپ الا المايدى. ادامدارمەن تٸلدەسٸڭٸز, بٸز كٸم ٷشٸن ەڭبەك ەتٸپ جٷرمٸز? بٸزدٸڭ سايلاۋشىلارىمىز سولار عوي. ەل باسشىلىعى سٸزدٸ قولدادى, پارلامەنت قولدادى, اقشا بٶلٸنٸپ جاتىر, جۇمىس ٸستەيتٸن ۋاقىت كەلدٸ», - دەدٸ نىعماتۋلين.
