بٷگٸن پالاتا سپيكەرٸ نۇرلان نىعماتۋليننٸڭ تٶراعالىعىمەن ٶتكەن جالپى وتىرىستا ٷكٸمەت پەن ەسەپ كوميتەتٸنٸڭ 2020 جىلعا ارنالعان ەسەپتەرٸ تىڭدالدى, دەپ حابارلايدى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ.
وندا مەجٸلٸس تٶراعاسى رەسپۋبليكالىق بيۋدجەتتٸ يگەرۋدٸڭ ٶزەكتٸ مەسەلەلەرٸنە توقتالىپ:
- بىلتىردان بەرٸ ەلٸمٸزدە قالىپتاسقان جاعداي بارشاڭىزعا بەلگٸلٸ. بٷكٸل ەلەمدٸ قامتىعان كورونوۆيرۋس پاندەميياسى بٸزدٸڭ ٶمٸرٸمٸزگە دە كٶپتەگەن ٶزگەرٸستەر الىپ كەلدٸ. بٸراق تا, ەلٸمٸزدٸ دامىتۋ, حالقىمىزدى قورعاۋ جولىنداعى ماقساتتار, مٸندەتتەر, جۇمىستار بٸر كٷنگە دە توقتاعان جوق. سوندىقتان, ەلەۋمەتتٸك-ەكونوميكالىق تۇراقتىلىقتى ساقتاۋعا قاتىستى جۇمىستار دەر كەزٸندە قولعا الىندى, - دەدٸ.
نۇرلان نىعماتۋلين حالىقتى قولداۋ ٷشٸن داعدارىسقا قارسى شارالار قابىلدانعانىن, ول قاراجاتتار بارلىق ەلەۋمەتتٸك مٸندەتتەمەلەردٸ جٷزەگە اسىرۋعا جەنە وتاندىق ەكونوميكانى قولداۋعا ىقپال ەتكەنٸن ايتتى. مەسەلەن, اتالعان كەزەڭدە ۇلتتىق قوردان كەپٸلدەندٸرٸلگەن ترانسفەرت رەتٸندە 4,8 تريلليون تەڭگە بٶلٸنگەن.
ٷكٸمەت قابىلداعان داعدارىسقا قارسى شارالار ەلٸمٸز بويىنشا جۇمىسسىزدىقتى 4,9% دەڭگەيٸنەن اسىرماۋعا جەنە ورتاشا ايلىق جالاقىنى 7,3% - عا ۇلعايتۋعا جول اشتى. اۋىل شارۋاشىلىعى ٶندٸرٸسٸنٸڭ ٶسٸمٸ 5,6% قۇرادى.
الايدا, نۇرلان نىعماتۋلين بيۋدجەتتٸڭ ورىندالۋىندا ەلٸ ورىن العان كەمشٸلٸكتەر بارىن العا تارتا كەلٸپ, مەملەكەت قاراجاتىن ۇتىمدى, نەتيجەلٸ جەنە تيٸمدٸ يگەرۋ كەرەكتٸگٸنە باسا نازار اۋداردى.
سونىمەن قاتار وتىرىس بارىسىندا حالىقتى ۋاقىتشا جۇمىسپەن قامتۋ شارالارىنا قاتىستى بٸرقاتار مەسەلەلەر باستى نازاردا بولدى.
ەسەپ كوميتەتٸنٸڭ قورىتىندىسى بويىنشا «جۇمىسپەن قامتۋدىڭ جول كارتاسى» اياسىندا 2020 جىلى 239 مىڭ ادام جۇمىسقا ورنالاستىرىلعان.
الايدا, جوبالاردىڭ قىسقا مەرزٸمدٸلٸگٸنە بايلانىستى قازٸردٸڭ ٶزٸندە 158 مىڭ ادام جۇمىستان بوساتىلدى. ال جۇمىسقا ورنالاسقانداردىڭ 17%-ى بٸر اي عانا جۇمىس ٸستەگەن.
وسى رەتتە, نۇرلان نىعماتۋلين بۇل بار-جوعى 4,5 پايىز عانا قۇراپ وتىرعانىن العا تارتا كەلٸپ:
- ەيتەۋٸر «ەكٸ قولعا بٸر كٷرەك»,- دەپ, ۋاقىتشا جۇمىسقا الىپ بارامىز.
بٸراق تا, ونى تۇراقتى شەشٸم دەپ ايتۋعا بولمايدى. سەبەبٸ, قالعان ۋاقىتتا, مىسالى, كٷزدە, قىستا نە ٸستەيدٸ? ول كەزدە دە جۇمىس ٸستەۋ كەرەك قوي, ول كەزدە دە وتباسىن اسىراۋ كەرەك قوي, - دەدٸ.
پالاتا سپيكەرٸنٸڭ پٸكٸرٸنشە, حالىقتى تۇراقتى, تيٸمدٸ, ساپالى ەڭبەكپەن قامتاماسىز ەتۋ كەرەك. بۇل جۇمىس ەسەپ بەرۋ ٷشٸن, بايانداما ٷشٸن ەمەس, شىن مەنٸندە, حالىقتىڭ جاعدايىن جاقسارتۋ ٷشٸن قاجەت.
وسىعان وراي, مەجٸلٸس تٶراعاسى ەلەۋمەتتٸك قورعاۋ مينيسترٸنە اتالعان مەسەلەلەرگە ەسٸرەسە, تۇراقتى جۇمىستارعا ەرەكشە نازار اۋدارۋ قاجەتتٸگٸن ەسكەرتە وتىرىپ, وسى جۇمىستى دۇرىس ۇيىمداستىرۋ كەرەكتٸگٸن ايتتى.
