بٷگٸن پالاتا سپيكەرٸ نۇرلان نىعماتۋليننٸڭ تٶراعالىعىمەن ٶتكەن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇرعىن ٷي باعدارلامالارى وپەراتورلارىنىڭ سانىن قىسقارتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى "ۇلت اقپارات".
«تۇرعىن-ٷي ساياساتى ەرقاشاندا كٷن تەرتٸبٸنەن تٷسپەيتٸن ماڭىزدى مەسەلە ەكەنٸ بارشاڭىزعا بەلگٸلٸ. وسى جولدا مەملەكەت باسشىسىنىڭ تاپسىرماسىمەن ەزٸرلەنٸپ, ماقۇلدانعان بٷگٸنگٸ زاڭ جوباسى اتالعان سالاداعى سۇراقتاردى ۋاقىت تالابىنا سەيكەس, ودان ەرٸ, تيٸمدٸ شەشۋگە ىقپال ەتەدٸ دەپ بٸلەمٸز. سەبەبٸ, ەندٸ, قازاقستاندا تۇرعىن ٷي ساياساتىن جٷزەگە اسىراتىن بٸرىڭعاي وپەراتور قۇرىلادى. ول حالقىمىزعا, سونىڭ ٸشٸندە, ەلەۋمەتتٸك قولداۋدى قاجەت ەتەتٸن ازاماتتار اراسىندا قولجەتٸمدٸ باسپانا مەسەلەسٸن شەشۋگە كەڭ جول اشاتىن بولادى», - دەدٸ نۇرلان نىعماتۋلين.
زاڭ جوباسى تۇرعىن ٷي باعدارلامالارىنىڭ جۇمىس ٸستەپ تۇرعان وپەراتورلارى «قازاقستان يپوتەكالىق كومپانيياسى» اق, «بەيتەرەك دەۆەلوپمەنت» اق مەن «تۇرعىن ٷي قۇرىلىسىنا كەپٸلدٸك بەرۋ قورى» اق-نى تۇرعىن ٷي قۇرىلىسىنىڭ بٸرىڭعاي وپەراتورى ەتٸپ بٸرٸكتٸرۋگە, سونداي-اق ولاردىڭ بٸرٸن-بٸرٸ قايتالايتىن فۋنكتسييالارىن جويۋعا جەنە جالپى ەكٸمشٸلٸك شىعىستارىن قىسقارتۋعا باعىتتالعان.
نەتيجەسٸندە, جالپى ەكٸمشٸلٸك شىعىندار 42% - عا ازايادى.
وسى رەتتە مەجٸلٸس تٶراعاسى نەگٸزگٸ باسىمدىقتار مۇعالٸمدەرگە, دەرٸگەرلەرگە, بيۋدجەت ۇيىمدارىنىڭ قىزمەتكەرلەرٸنە, سونداي-اق ورتاشا تابىس دەڭگەيٸ جەنە ورتاشادان تٶمەن مەملەكەتتٸك قىزمەتشٸلەردٸ قامتيتىنىن اتاپ ٶتتٸ.
«جالپى, بٸرىڭعاي وپەراتور قۇرۋ بٸزدٸڭ ازاماتتارىمىز ٷشٸن تۇرعىن ٷيدٸڭ قولجەتٸمدٸلٸگٸن قامتاماسىز ەتۋگە باعىتتالعان كەشەندٸ تۇرعىن ٷي ساياساتىن قالىپتاستىرۋعا ىقپال ەتەدٸ», - دەدٸ نۇرلان نىعماتۋلين.
زاڭ جوباسىندا قازاقستان رەسپۋبليكاسىنىڭ 3 كودەكسٸ مەن 4 زاڭىنا ٶزگەرٸستەر مەن تولىقتىرۋلار ەنگٸزۋ ۇسىنىلادى.
سونىمەن قاتار قۇجات جوباسىندا تۇرعىن ٷي قۇرىلىسى بٸرىڭعاي وپەراتورىنىڭ يپوتەكالىق تۇرعىن ٷي قارىزدارىنا جەنە كٶپپەتەرلٸ تۇرعىن ٷيدٸڭ قۇرىلىسىن اياقتاۋعا كەپٸلدٸكتەر بەرۋ, ينۆەستيتسييالىق جوبالاردى قارجىلاندىرۋ جەنە ٸسكە اسىرۋ جٶنٸندەگٸ قىزمەتٸن رەگلامەنتتەۋ بويىنشا دا نورمالار كٶزدەلگەن.
