اكتەر نۇرسۇلتان جاقسىگەنگە قاتىستى قىلمىستىق ٸس بويىنشا سوت ٷكٸمٸ شىقتى, دەپ حابارلايدى ult.kz.
ول 2 جىل 3 ايعا باس بوستاندىعىنان ايىرىلىپ, سوت زالىندا قاماۋعا الىندى. بۇل تۋرالى جەبٸرلەنۋشٸ فاريزا سابىرەليەۆانىڭ ادۆوكاتى مەلٸمدەدٸ.
ٸس الماتى وبلىسى قاراساي اۋداندىق سوتىندا قارالعان. جاقسىگەنگە قازاقستان رەسپۋبليكاسى قىلمىستىق كودەكسٸنٸڭ 274-بابى 2-بٶلٸگٸ 3-تارماعى بويىنشا ايىپ تاعىلعان. اتالعان باپ ونلاين-پلاتفورمالاردى پايدالانا وتىرىپ, كٶرٸنەۋ جالعان اقپارات تاراتقانى ٷشٸن جاۋاپكەرشٸلٸكتٸ قاراستىرادى.
«سوت نۇرسۇلتان جاقسىگەندٸ كٸنەلٸ دەپ تانىپ, وعان 2 جىل 3 اي مەرزٸمگە باس بوستاندىعىنان ايىرۋ جازاسىن تاعايىندادى. جازاسىن قىلمىستىق-اتقارۋ جٷيەسٸنٸڭ قاۋٸپسٸزدٸگٸ ورتاشا مەكەمەسٸندە ٶتەيدٸ», – دەپ جازدى ادۆوكات.
فاريزانىڭ ٶزٸ ەلەۋمەتتٸك جەلٸدە نامىسىنىڭ قورعالعانىنا كٶڭٸلٸ بوساپ جىلاپ قالدى.
سونىمەن قاتار سوت فاريزا سابىرەليەۆانىڭ ازاماتتىق تالابىن ٸشٸنارا قاناعاتتاندىرعان. نەتيجەسٸندە جاقسىگەننەن ونىڭ پايداسىنا 5 ميلليون تەڭگە ٶندٸرٸلەتٸن بولدى.
سوت ٷكٸمٸ جارييالانعاننان كەيٸن اكتەر زالدا بٸردەن قاماۋعا الىنعان.
ەسكە سالايىق, نۇرسۇلتان جاقسىگەن مەن ونىڭ بۇرىنعى جۇبايى فاريزا سابىرەليەۆا اراسىندا سوت داۋى بولعان. سابىرەليەۆا بۇعان دەيٸن ەلەۋمەتتٸك جەلٸدە ۆيدەو جارييالاپ, ٶزٸ تۋرالى شىندىققا جاناسپايتىن ەرٸ ابىرويىنا نۇقسان كەلتٸرەتٸن اقپاراتتىڭ بەلگٸلٸ بٸر ۋاقىت ارالىعىندا تاراتىلعانىن ايتقان.
