Akter Nursultan Jaqsygenge qatysty qylmystyq is boiynsha sot úkimi shyqty, dep habarlaidy ult.kz.
Ol 2 jyl 3 aiǵa bas bostandyǵynan aiyrylyp, sot zalynda qamaýǵa alyndy. Bul týraly jábirlenýshi Fariza Sabyrálievanyń advokaty málimdedi.
Is Almaty oblysy Qarasai aýdandyq sotynda qaralǵan. Jaqsygenge Qazaqstan Respýblikasy Qylmystyq kodeksiniń 274-baby 2-bóligi 3-tarmaǵy boiynsha aiyp taǵylǵan. Atalǵan bap onlain-platformalardy paidalana otyryp, kórineý jalǵan aqparat taratqany úshin jaýapkershilikti qarastyrady.
«Sot Nursultan Jaqsygendi kináli dep tanyp, oǵan 2 jyl 3 ai merzimge bas bostandyǵynan aiyrý jazasyn taǵaiyndady. Jazasyn qylmystyq-atqarý júiesiniń qaýipsizdigi ortasha mekemesinde óteidi», – dep jazdy advokat.
Farizanyń ózi áleýmettik jelide namysynyń qorǵalǵanyna kóńili bosap jylap qaldy.
Sonymen qatar sot Fariza Sabyrálievanyń azamattyq talabyn ishinara qanaǵattandyrǵan. Nátijesinde Jaqsygennen onyń paidasyna 5 million teńge óndiriletin boldy.
Sot úkimi jariialanǵannan keiin akter zalda birden qamaýǵa alynǵan.
Eske salaiyq, Nursultan Jaqsygen men onyń burynǵy jubaiy Fariza Sabyrálieva arasynda sot daýy bolǵan. Sabyrálieva buǵan deiin áleýmettik jelide video jariialap, ózi týraly shyndyqqa janaspaityn ári abyroiyna nuqsan keltiretin aqparattyń belgili bir ýaqyt aralyǵynda taratylǵanyn aitqan.
