الماتى وبلىسى قاراساي اۋداندىق سوتىندا اكتەر نۇرسۇلتان جاقسىگەنگە قاتىستى قىلمىستىق ٸس قارالا باستادى. وعان قىلمىستىق كودەكستٸڭ 274-بابى 2-بٶلٸگٸنٸڭ 3-تارماعى, ياعني ونلاين-پلاتفورمالاردى پايدالانا وتىرىپ كٶرٸنەۋ جالعان اقپارات تاراتتى دەگەن ايىپ تاعىلىپ وتىر, دەپ حابارلايدى ult.kz.
ەگەر اكتەردٸڭ كٸنەسٸ سوتتا دەلەلدەنسە, وعان 3 مىڭ اەك-كە دەيٸن, ياعني 12,975 ميلليون تەڭگەگە دەيٸن ايىپپۇل سالىنۋى مٷمكٸن. سونىمەن قاتار 800 ساعاتقا دەيٸن قوعامدىق جۇمىسقا تارتۋ, ٷش جىلعا دەيٸن باس بوستاندىعىنان ايىرۋ نەمەسە وسى مەرزٸمگە باس بوستاندىعىن شەكتەۋ جازاسى قاراستىرىلعان.
قازٸر نۇرسۇلتان جاقسىگەن ٷيقاماقتا وتىر. بۇعان دەيٸنگٸ سوت وتىرىسىندا ونىڭ ادۆوكاتى بۇلتارتپاۋ شاراسىن ٷيقاماقتان ەشقايدا كەتپەۋ تۋرالى قولحاتقا اۋىستىرۋدى سۇراعان. الايدا سۋديا قورعاۋ تاراپىنىڭ ٶتٸنٸشٸن قاناعاتتاندىرماعان.
ٸس اكتەردٸڭ بۇرىنعى جۇبايى فاريزا سابىراليەۆامەن اراسىنداعى داۋعا بايلانىستى قوزعالعان. بۇعان دەيٸن سابىراليەۆا ەلەۋمەتتٸك جەلٸدە ٶزٸ تۋرالى شىندىققا جاناسپايتىن ەرٸ ابىرويىنا نۇقسان كەلتٸرەتٸن اقپارات تاراتىلعانىن مەلٸمدەگەن.
ونىڭ ايتۋىنشا, قىلمىستىق ٸس اياسىندا نۇرسۇلتان جاقسىگەن ودان كەشٸرٸم سۇراعان. الايدا بۇرىنعى جۇبايى كەشٸرٸمدٸ قابىلداماي, ٸستٸ سوتقا جەتكٸزگەن.
ايتا كەتەيٸك, نۇرسۇلتان جاقسىگەن رۋسلان ٶتەپبايعا پٸكٸر بٸلدٸرٸپ, ەكس-جۇبايىنا بىلاپىت سٶزدەردٸ ونىڭ اتىنان باسقا بٸرەۋلەر جازعانىن ايتقان.
