قازاقستاندىقتار تۇڭعىش پرەزيدەنت نۇرسۇلتان نازارباەۆتىڭ تەۋەلسٸز قازاقستاننىڭ قالىپتاسۋىنا قوسقان ٷلەسٸن كونستيتۋتسييادا بەكٸتۋدٸ ۇسىنۋدا. بۇل تۋرالى مەملەكەتتٸك بيلٸكتٸڭ تارماقتارى اراسىندا ٶكٸلەتتٸكتەردٸ قايتا بٶلۋ مەسەلەلەرٸ جٶنٸندەگٸ جۇمىس توبىنىڭ ٷشٸنشٸ وتىرىسىنان كەيٸن قازاق گۋمانيتارلىق زاڭ ۋنيۆەرسيتەتٸ ازاماتتىق-قۇقىقتىق زەرتتەۋلەر عىلىمي-زەرتتەۋ ينستيتۋتىنىڭ ديرەكتورى تٶلەش قاۋدىروۆ ايتتى, دەپ حابارلايدى قازاقپارات.
«كونستيتۋتسييالىق رەفورمانىڭ ٶزٸ قوعام اراسىندا زور سٸلكٸنٸس تۋدىردى. كوميسسييا ٶز ۇسىنىسىن جٸبەرگەن ازاماتتاردىڭ بارلىعىنا ريزاشىلىعىن بٸلدٸرەدٸ. رەفورما باسقا دا جولمەن جٷرگٸزٸلٸپ جاتقاندىعىن ەستە ۇستاۋ ماڭىزدى. بۇل تەك قانا كونستيتۋتسييالىق ٶزگەرٸستەر عانا ەمەس. بٸز 45-تەن 39 ٶكٸلەتتٸكتٸ ٷكٸمەت پەن پارلامەنتكە بەرەتٸندٸگٸن ساناپ شىقتىق. ٶز ەركٸمەن 39 ٶكٸلەتتٸكتٸ ەش قيىندىقسىز اتقارۋشى بيلٸككە بەرە سالۋ ەلەمدٸك وقيعا ەكەندٸگٸن اتاپ ٶتكٸم كەلەدٸ. جۇمىس جٷرٸپ جاتىر, زاڭ جوباسى ەزٸرلەنۋدە. ول ايدىڭ سوڭىنا دەيٸن پارلامەنتكە ەنگٸزٸلۋٸ تيٸس», - دەدٸ قاۋدىروۆ.
ونىڭ ايتۋىنشا, ەل ازاماتتارىنان كەلٸپ تٷسكەن ۇسىنىستار سان الۋان.
«تۇڭعىشى پرەزيدەنت نۇرسۇلتان نازارباەۆتىڭ رٶلٸن كونستيتۋتسييا مەتٸنٸندە بەكٸتۋ تۋرالى دا ۇسىنىس بولدى. تٸپتٸ, ول ٶكٸلەتتٸكتەرٸنٸڭ باسىم كٶپشٸلٸگٸن بەرٸپ وتىرعان جوق پا دەگەن الاڭداۋشىلىق تا بولدى. ۇسىنىستار سايلاۋدان باستاپ بيلٸكتٸڭ جوعارى تارماقتارى ٶكٸلەتتٸكتەرٸنە دەيٸنگٸ بٸزدٸڭ قوعامدىق-ساياسي ٶمٸرٸمٸزٸڭ سان الۋان بٶلٸكتەرٸن قامتيدى», - دەدٸ ول.
ونىڭ سٶزٸنە قاراعاندا, زاڭ جوباسىنا قاتىستى شەشٸم ەلٸ قابىلدانعان جوق.
«ول ەزٸرلەۋ جەنە تالقىلاۋ ساتىسىندا تۇر. بۇل زاڭ جوباسىن جاقسارتا تٷسەتٸن بارىنشا قۇندى ۇسىنىستار مٸندەتتٸ تٷردە ەسكەرٸلەدٸ», - دەدٸ تٶلەش قاۋدىروۆ.
ايتا كەتەيٸك, بۇعان دەيٸن ساياسي رەفورمالار جٶنٸندەگٸ جۇمىس توبىنا 500-دەن استام ۇسىنىس تٷسكەنٸن حابارلاعان بولاتىنبىز.
.jpeg)