قازاقستان پرەزيدەنتٸ نۇرسۇلتان نازارباەۆ تاتارستان رەسپۋبليكاسىنىڭ پرەزيدەنتٸ رۋستام ميننيحانوۆپەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەلٸسسٶزدەر بارىسىندا تاراپتار ەكٸ جاقتى قاتىناستاردىڭ قازٸرگٸ مەسەلەلەرٸ جەنە ٶزارا ىنتىماقتاستىقتى دامىتۋدىڭ الداعى جوسپارلارى جٶنٸندە ەڭگٸمەلەستٸ.
مەملەكەت باسشىسى ەكٸ ەل اراسىنداعى بايلانىستاردى نىعايتۋدىڭ پەرسپەكتيۆتٸ باعىتتارىنا توقتالىپ, تاتارستاننىڭ ەلەۋمەتتٸك-ەكونوميكالىق دامۋىنىڭ قارقىنى جوعارى ەكەنٸن اتاپ ٶتتٸ.
نۇرسۇلتان نازارباەۆ قازاقستان مەن تاتارستان اراسىندا باۋىرلاستىق ەرٸ سەنٸمدٸ قارىم-قاتىناس ورناعانىن ايتتى.
قازاقستان پرەزيدەنتٸ ساۋدا-ەكونوميكالىق جەنە ينۆەستيتسييالىق ىنتىماقتاستىقتى جانداندىرۋدىڭ ماڭىزدىلىعىنا نازار اۋداردى.
– سٸزدەردە ٸت-تەحنولوگييالار سالاسى جاقسى دامىپ كەلەدٸ. بٸزدٸڭ جاستارىمىز بۇل تەجٸريبەنٸ زەرتتەۋٸ كەرەك. ٶڭٸرارالىق ىنتىماقتاستىق تا ٸلگەرٸلەپ كەلەدٸ. ەكٸ جاقتى ساۋدا كٶلەمٸ 700 ميلليون دوللارعا دەيٸن ٶستٸ. ەندٸ 1 ميلليارد دوللار كٶرسەتكٸشٸنە قول جەتكٸزۋ كەرەك, – دەدٸ مەملەكەت باسشىسى.
قازاقستان پرەزيدەنتٸ ماشينا جاساۋ, قورعانىس جەنە عارىش ٶنەركەسٸبٸ سالالارىندا بٸرلەسكەن كەسٸپورىندار قۇرۋ مٷمكٸندٸگٸ جٶنٸندە ايتتى.
نۇرسۇلتان نازارباەۆ تاتارستاننىڭ مۇناي ٶنٸمدەرٸن قايتا ٶڭدەۋ سالاسىنداعى تەجٸريبەسٸن اتاپ ٶتتٸ.
– بارلىق مەملەكەتتەر بالامالى ەنەرگييا كٶزدەرٸن پايدالانۋعا كٶشەتٸن بولادى. بٸراق, تاياۋ 50 جىل ٸشٸندە مۇناي مەن گازعا دەگەن سۇرانىس تا ساقتالا بەرەدٸ. وسى ۋاقىت كەزەڭٸن پايدالانىپ, بٸز ٶڭدەۋ ٶنەركەسٸبٸن قۇرۋىمىز كەرەك, – دەدٸ مەملەكەت باسشىسى.
سونىمەن قاتار, قازاقستان پرەزيدەنتٸ اۋىل شارۋاشىلىعى سالاسىنداعى ىنتىماقتاستىق مەسەلەلەرٸنە نازار اۋداردى.
– اۋىل شارۋاشىلىعى عىلىمىن دامىتۋ قاجەت. رەسەيگە ەت ٶنٸمدەرٸن دە جەتكٸزە الامىز. بٸز جوعارى ساپالى سيىر ەتٸن ٶندٸرۋ ٷشٸن شەت ەلدەن اسىل تۇقىمدى ٸرٸ قارا مالدى الىپ كەلدٸك, – دەدٸ نۇرسۇلتان نازارباەۆ.
مەملەكەت باسشىسى قازاقستاننىڭ كٶلٸك-ترانزيت ەلەۋەتٸن دامىتۋدىڭ جەنە ينفراقۇرىلىمدىق باعدارلامالاردى جٷزەگە اسىرۋدىڭ نەتيجەلەرٸنە توقتالدى.
قازاقستان پرەزيدەنتٸ مەدەني-گۋمانيتارلىق ىنتىماقتاستىق, سونىڭ ٸشٸندە بٸلٸم بەرۋ مەن مەديتسينا سالاسىنداعى بايلانىستاردى نىعايتۋ مەسەلەلەرٸنە نازار اۋداردى.
– قازان قالاسىنىڭ تابىستى دامىپ كەلە جاتقانىنا قۋانىشتىمىن. رەسەيمەن ٶزارا جالپى قارىم-قاتىناسىمىز تۇرعىسىنان العاندا تاتارستان جەتەكشٸ ورىنداردىڭ بٸرٸندە. بٸز ەكٸ حالىقتىڭ يگٸلٸگٸ ٷشٸن ىنتىماقتاستىعىمىزدى جالعاستىرا بەرەتٸن بولامىز, – دەدٸ مەملەكەت باسشىسى.
نۇرسۇلتان نازارباەۆ ر.ميننيحانوۆتىڭ ەلدەرٸمٸز اراسىنداعى دوستىق قاتىناستاردى, ٶزارا تٷسٸنٸستٸك پەن سەنٸمدٸ نىعايتۋعا قوسقان ٷلەسٸن اتاپ ٶتٸپ, تاتارستان رەسپۋبليكاسىنىڭ پرەزيدەنتٸن بٸرٸنشٸ دەرەجەلٸ «دوستىق» وردەنٸمەن ماراپاتتادى.
رۋستام ميننيحانوۆ ەكونوميكانىڭ تٷرلٸ سەكتورلارىنداعى تيٸمدٸ ەكٸ جاقتى ىنتىماقتاستىقتىڭ ماڭىزدىلىعىن اتاپ ٶتتٸ.
– بٷگٸندە قازاقستان – بٸزدٸڭ باستى سەرٸكتەسٸمٸز. تابىستى بٸرلەسكەن جوبالاردى جٷزەگە اسىرۋ تەجٸريبەسٸ ماڭىزدى بولىپ سانالادى, – دەدٸ تاتارستان رەسپۋبليكاسىنىڭ پرەزيدەنتٸ.
ر.ميننيحانوۆ قازاقستانداعى بٸلٸم بەرۋ جٷيەسٸنٸڭ دامۋ قارقىنىن اتاپ ٶتٸپ, ستۋدەنت الماسۋ ٷدەرٸسٸن جانداندىرۋعا دايىن ەكەنٸن جەتكٸزدٸ.
تاتارستان پرەزيدەنتٸ استاناداعى حالىقارالىق «ەكسپو-2017» كٶرمەسٸن ارالاپ كٶرگەن كەزدە العان ەسەرٸ جٶنٸندە ايتتى.
– «ەكسپو-2017» كٶرمەسٸ جوعارى دەڭگەيدە ٶتتٸ. سٸزدٸڭ ارقاڭىزدا قۋاتتى ەرٸ زاماناۋي الاڭ بوي كٶتەردٸ. وسى كەشەننٸڭ بازاسىندا «استانا» حالىقارالىق قارجى ورتالىعىنىڭ اشىلۋى ايتۋلى وقيعا بولادى دەپ ويلايمىن. كەلەشەكتە قازاقستانداعى ەرٸپتەستەرٸمٸزبەن بٸرگە «استانا» حالىقارالىق قارجى ورتالىعى اياسىندا جۇمىس ٸستەگٸمٸز كەلەدٸ, – دەدٸ ر.ميننيحانوۆ.
