نۇرسۇلتان نازارباەۆ بولاشاق ۇرپاققا حات جازىپ قالدىردى

قازاقستان پرەزيدەنتٸ «نازارباەۆ زيياتكەرلٸك مەكتەپتەرٸ» دەربەس بٸلٸم بەرۋ مەكەمەسٸنٸڭ 10 جىلدىعىنا ارنالعان «ۇلى دالا مۇراگەرلەرٸ» اتتى فورۋمعا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.

ەلباسى فورۋم باستالار الدىندا نازارباەۆ زيياتكەرلٸك مەكتەپتەرٸ وقۋشىلارىنىڭ عىلىمي جوبالارى قويىلعان كٶرمەنٸ ارالاپ كٶرٸپ, وسى بٸلٸم بەرۋ مەكەمەلەرٸن ودان ەرٸ دامىتۋ ستراتەگيياسى جٶنٸندەگٸ باياندامانى تىڭدادى.

نۇرسۇلتان نازارباەۆ سٶيلەگەن سٶزٸندە فورۋمعا قاتىسۋشىلاردىڭ بەرٸن زيياتكەرلٸك مەكتەپتەردٸڭ 10 جىلدىق مەرەيتويىمەن قۇتتىقتاپ, بۇل مەكتەپتەر ەلٸمٸزدٸڭ بٸلٸم بەرۋ جٷيەسٸندە ەرەكشە ورىن الاتىنىن اتاپ ٶتتٸ.

– زيياتكەرلٸك مەكتەپتەر مەملەكەتٸمٸزدەگٸ ورتا بٸلٸم بەرۋ جٷيەسٸنٸڭ ەتالونىنا اينالدى. بٷگٸندە قازاقستاننىڭ بارلىق مەكتەپتەرٸ سٸزدەرگە قاراپ بوي تٷزەيدٸ. ٶسكەلەڭ ۇرپاقتىڭ قازٸرگٸ زامانعى تالاپتارعا ساي بولۋى بازالىق بٸلٸمگە تٸكەلەي بايلانىستى, – دەدٸ مەملەكەت باسشىسى.

قازاقستان پرەزيدەنتٸ ٶڭٸرلەردە اشىلعان 20 زيياتكەرلٸك مەكتەپتٸ قازٸرگٸ كەزدە 8 مىڭنان استام وقۋشى بٸتٸرٸپ شىققانىن ايتتى.

– ەلٸمٸزدەگٸ ەربٸر دارىندى بالانىڭ ەلەمنٸڭ ٷزدٸك ستاندارتتارى بويىنشا بٸلٸم الۋىنا مٷمكٸندٸك تۋعىزۋ بٸز ٷشٸن ماڭىزدى بولدى. ونىڭ باستى قاعيداتتارى – وقۋ ٷدەرٸسٸنٸڭ جٷيەلٸلٸگٸ, ماقساتتاردىڭ ايقىندىعى جەنە تەجٸريبە جٷزٸندە وقىتۋ, – دەدٸ ەلباسى.

مەملەكەت باسشىسى بٸلٸم بەرۋدٸڭ وزىق ەدٸستەمەلەرٸن جەنە ٸرٸكتەۋدٸڭ قاتاڭ جٷيەسٸن ەنگٸزۋ نەتيجەسٸندە نازارباەۆ زيياتكەرلٸك مەكتەپتەرٸنٸڭ وقۋشىلارى ماتەماتيكالىق ساۋاتتىلىق بويىنشا ەلەمنٸڭ ٷزدٸك 10 ەلٸنٸڭ وقۋشىلارىنىڭ قاتارىنا قوسىلعانىن اتاپ ٶتتٸ.

– بٷگٸندە مۇندا ەلٸمٸزدٸڭ بارلىق ٶڭٸرٸنەن كەلگەن بالالار بٸلٸم الۋدا. سولاردىڭ 3 مىڭنان استامى – كٶپ بالالى جەنە تۇرمىسى تٶمەن وتباسىلاردىڭ بالالارى بولسا, 2,5 مىڭى – اۋىلدىق جەرلەر مەن شاعىن قالالاردان كەلگەن وقۋشىلار. بۇل – ەلەۋمەتتٸك ەدٸلەتتٸلٸكتٸڭ جەنە ەربٸر تالانتتى بالانىڭ ٶزٸن-ٶزٸ تانىتۋى ٷشٸن جاسالعان مٷمكٸندٸكتٸڭ ناقتى كٶرسەتكٸشٸ, – دەدٸ نۇرسۇلتان نازارباەۆ.

سونىمەن قاتار, قازاقستان پرەزيدەنتٸ زيياتكەرلٸك مەكتەپتەردٸ ٸلگەرٸلەتۋدٸڭ وڭ قارقىنىن ساقتاپ, ولاردى ودان ەرٸ دامىتۋدىڭ جاڭا باعىتتارىن ايقىنداۋ قاجەتتٸگٸنە نازار اۋداردى.

– قازٸردٸڭ ٶزٸندە تسيفرلىق تەحنولوگييالار, بيوينجەنەرييا جەنە روبوتتاندىرۋ سالالارىندا جۇمىس ٸستەي الاتىن جاڭا ماماندار قاجەت. الداعى 10-15 جىل ٸشٸندە جاساندى ينتەللەكت پەن اۆتوماتتاندىرۋ تەحنولوگييالارى ٶمٸرٸمٸزدٸڭ اجىراماس بٶلٸگٸنە اينالادى, – دەدٸ ەلباسى.

سونداي-اق, مەملەكەت باسشىسى يننوۆاتسييالىق تەحنولوگييالار ەنگٸزۋ تۇرعىسىنان وقۋشىلاردىڭ جاڭا كەسٸپتەرگە بەيٸمدەلۋٸنٸڭ ماڭىزدىلىعىنا توقتالدى.

– ەلەم كٷن سايىن دامىپ كەلەدٸ, ٷنەمٸ يننوۆاتسييالىق جەنە جاڭا دٷنيەلەر اشىلۋدا. سوندىقتان جىلدام ٶزگەرٸپ جاتقان ٶمٸر تالاپتارىنا ساي بولۋ ٷشٸن سٸزدەرگە زاماناۋي تەحنولوگييالاردى مەڭگەرۋ قاجەت, – دەدٸ نۇرسۇلتان نازارباەۆ.

بۇدان بٶلەك, قازاقستان پرەزيدەنتٸ وقۋشىلاردىڭ STEاM-دايىندىعىن كٷشەيتٸپ, العان بٸلٸمدەرٸن جوبالىق جەنە زەرتتەۋ جۇمىستارىن ورىنداۋ ارقىلى تەجٸريبەدە جٷزٸندە قولدانۋدى قامتاماسىز ەتۋدٸڭ ماڭىزدىلىعى تۋرالى ايتتى.

– اعىلشىن تٸلٸنەن اۋدارعاندا, STEاM دەگەنٸمٸز – جاراتىلىستانۋ عىلىمدارى, تەحنولوگييالار, ينجەنەرييا, ٶنەر جەنە ماتەماتيكا سالالارى. بٸر سٶزبەن ايتقاندا, قازٸرگٸ زاماندا سۇرانىسقا يە بولىپ كەلە جاتقان پەندەر. مۇنداي پەنارالىق جەنە قولدانبالى ەدٸستٸ قولدانۋ بالالاردى سىني ويلاۋعا ٷيرەتەدٸ. سونىڭ ارقاسىندا جاڭاشىلدار مەن ٶنەرتاپقىشتاردىڭ جاڭا بۋىنى قالىپتاسادى, – دەدٸ ەلباسى.

مەملەكەت باسشىسى تٶرتٸنشٸ باعىت رەتٸندە شەت تٸلدەردٸ مەڭگەرۋدٸڭ ماڭىزدىلىعىن اتاپ ٶتتٸ.

– بيىلعى وقۋ جىلىندا زيياتكەرلٸك مەكتەپتەردە وقۋشىلاردىڭ تاڭداۋى بويىنشا ەكٸنشٸ شەت تٸلٸن مەڭگەرۋ قولعا الىندى. جاھاندانۋ جاعدايىندا شەت تٸلدەرٸن بٸلۋدٸڭ ماڭىزى اسا زور. تٸلدەردٸ بٸلۋ باسقا ەلدەردەگٸ ادامداردىڭ مەنتاليتەتٸ مەن مەدەنيەتٸن تٷسٸنۋگە جول اشىپ, جوعارى بٸلٸم الۋ جەنە جۇمىسقا ورنالاسۋ بارىسىندا تاڭداۋ جاساۋ اياسىن كەڭەيتۋگە مٷمكٸندٸك بەرەدٸ, – نۇرسۇلتان نازارباەۆ.

قازاقستان پرەزيدەنتٸ وقۋشىلاردىڭ ەموتسييالىق ينتەللەكتٸسٸن دامىتۋ مەسەلەلەرٸنە توقتالدى.

– ەموتسييالىق ينتەللەكت قازٸرگٸ زاماندا بەسەكەگە قابٸلەتتٸ تۇلعانىڭ ماڭىزدى قاسيەتٸ سانالادى. اياسى تار تەحنيكالىق قۇزىرەتتٸلٸكتەرگە قاراعاندا, ادامداردى سەندٸرە الۋ, ولارعا جاناشىرلىقپەن قاراپ, تىڭداي بٸلۋ, تٶزٸمدٸلٸك تانىتۋ قابٸلەتتەرٸ سۇرانىسقا كٶبٸرەك يە بولادى, – دەدٸ ەلباسى.

سوڭىندا مەملەكەت باسشىسى زيياتكەرلٸك مەكتەپتەردٸڭ 10 جىلدىق مەرەيتويى دامۋدىڭ جاڭا كەزەڭٸ جەنە ەلٸمٸزدٸڭ ٶركەندەۋٸ جولىنداعى جاڭا اۋقىمدى جەتٸستٸكتەردٸڭ باستاۋى بولاتىنىنا سەنٸم بٸلدٸردٸ.

– قازٸرگٸ كەزدە تەرەڭ بٸلٸم الۋ, شەت تٸلدەرٸن جەنە زاماناۋي تەحنولوگييالاردى مەڭگەرۋ بەرٸمٸزدٸڭ باستى مٸندەتٸمٸز بولۋعا تيٸس. سٸزدەر سوندا عانا العا قويعان ماقساتتارعا قول جەتكٸزٸپ, بيٸك بەلەستەردٸ باعىندىرا الاسىزدار, – دەدٸ نۇرسۇلتان نازارباەۆ.

فورۋم بارىسىندا وقۋشىلار ەلباسىنا «ۋاقىت كاپسۋلاسىن» ۇسىنىپ, اتالمىش مەكتەپ تٷلەكتەرٸنە امانات حات جازىپ قالدىرۋدى سۇرادى.

– «وسىنداي ەرەكشە ماڭىزدى مەيرام كٷنٸ العاشقى زيياتكەرلٸك مەكتەپكە «ۋاقىت كاپسۋلاسىن» تابىس ەتكٸمٸز كەلەدٸ. وسىعان بايلانىستى نازارباەۆ زيياتكەرلٸك مەكتەپتەرٸنٸڭ 2068 جىلعى تٷلەكتەرٸنە امانات حات جازىپ قالدىرۋدى ٶتٸنەمٸز», - دەدٸ اتالعان مەكتەپتٸڭ تٷلەگٸ, نازارباەۆ ۋنيۆەرسيتەتٸنٸڭ ستۋدەنتٸ ابىلاي ساتىلحان.

مەملەكەت باسشىسى جاستاردىڭ سۇراۋىنا قولداۋ بٸلدٸردٸ.

– «بۇل, 2068 جىلعى ۇرپاققا ارنالعان. قازاقتا «ەلۋ جىلدا ەل جاڭا» دەگەن سٶز بار. ول كەزدە جاڭا تەحنولوگييالار بولادى, ادامدار 100-120 جىل جاساۋى مٷمكٸن. سوندىقتان, قۇداي بۇيىرتسا, وسى جەتٸستٸكتەردٸ سول كەزدە كٶرەسٸزدەر, بۇل حاتتى اشىپ, وقيسىزدار»,- دەدٸ نۇرسۇلتان نازارباەۆ.