ەلٸمٸزدەگٸ ٶزەكتٸ پروبلەمالاردىڭ بٸرٸ – حالىقتى باسپانامەن قامتاماسىز ەتۋ. وسى ورايدا, تۇرعىن ٷي قۇرىلىسى مەسەلەلەرٸن شەشۋ ماقساتىندا ەلباسى تاپسىرماسىمەن «نۇرلى جەر» باعدارلاماسى قابىلداندى. بۇل باعدارلاما – ۇزاق مەرزٸمگە جوسپارلانعان جەنە تۇرعىن ٷي قۇرىلىسىنا قاتىستى بارلىق مەسەلەلەردٸ قامتيتىن كەشەندٸ قۇجات.
باعدارلاما اياسىندا 15 جىلدا 1,5 ملن وتباسىن باسپانامەن قامتاماسىز ەتۋ كٶزدەلٸپ وتىر. جەكە تۇرعىن ٷي سالۋ, يپوتەكا الۋ, جالعا بەرٸلەتٸن ٷي, جەر ۋچاسكەلەرٸ جەنە تاعى باسقا كٶپتەگەن مەسەلەلەر وسى باعدارلاما اياسىندا وڭ شەشٸمٸن تاباتىن بولادى.
2017-2031 جىلدار ارالىعىندا جٷزەگە اسىرىلۋى تيٸس باعدارلامانىڭ نەگٸزگٸ ماقساتى – تٷرلٸ ەلەۋمەتتٸك توپتاردىڭ تۇرعىن ٷيگە قول جەتكٸزۋٸن قامتاماسىز ەتۋ. بٸرٸنشٸدەن, تۇرعىن ٷي ساتىپ الۋعا مٷمكٸندٸگٸ جوق ەلەۋمەتتٸك ەلسٸز توپتاردى جالعا بەرٸلەتٸن ٷيلەرمەن قامتۋ; ەكٸنشٸدەن, تۇراقتى جالاقىسى بار جەنە بيۋدجەتتٸك سالا قىزمەتشٸلەرٸنە قۇرىلىس جيناق جٷيەسٸ ارقىلى باسپانا بەرۋ; ٷشٸنشٸدەن, العاشقى جارنا قۇيۋعا مٷمكٸندٸگٸ بار ازاماتتارعا ەكٸنشٸ دەڭگەيلٸ بانكتەر ارقىلى مەملەكەت سۋبسيدييالاعان كرەديتپەن تۇرعىن ٷي الۋدى ۇسىنۋ. سونداي-اق, ازاماتتارعا مەملەكەتتٸك قولداۋمەن جەكە تۇرعىن ٷي قۇرىلىسىن جٷرگٸزۋ مٷمكٸندٸگٸن بەرۋ.
ياعني, كەز كەلگەن ادام ٶز مٷمكٸندٸگٸنە ساي تۇرعىن ٷي جاعدايىن جاقسارتا الادى. باعدارلاما حالىقتى جيناق جٷيەسٸنٸڭ ارتىقشىلىقتارىنا, ٷي ساتىپ الۋدىڭ تٷرلٸ جولدارىنا, نارىق تالابىنا بەيٸمدەيدٸ. مەملەكەتكە يەك ارتپاي, باسپانالى بولۋدىڭ مٷمكٸندٸكتەرٸن ۇسىنادى. بۇل جٶنٸندە بايانداما جاساعان ينۆەستيتسييالار جەنە دامۋ مينيسترلٸگٸ جەڭٸس قاسىمبەك مىرزا بٸرنەشە باعىتقا توقتالىپ ٶتكەن. بٸرٸنشٸ باعىت, قوعامداعى ەلەۋمەتتٸك ەلسٸز توپتارعا ارنالعان ساتىپ الۋ مٷمكٸندٸگٸنسٸز جالعا بەرٸلەتٸن ٷيلەر سالۋ. قوعامداعى ەلەۋمەتتٸك ەلسٸز توپتار ٷنەمٸ مەملەكەت قامقورلىعىندا. ولارعا تۇراقتى تٷردە كٶمەك كٶرسەتٸلەدٸ. سول كٶمەكتەردٸڭ ەڭ باستىسى – ولاردىڭ باسپانا مەسەلەسٸن شەشۋ. بۇل باعىت بويىنشا جىل سايىن ەلٸمٸزدە شامامەن 3 مىڭ پەتەر سالىنادى. بۇل مەملەكەت تاراپىنان كٶرسەتٸلەتٸن ٷلكەن قولداۋ.
ايتا كەتۋ كەرەك, الماتى وبلىسىندا قازٸرگٸ تاڭدا 15 مىڭنان استام ازامات ەلەۋمەتتٸك ەلسٸز توپتار قاتارىندا باسپاناعا كەزەكتە تۇر. 2017 جىلى الماتى وبلىسىندا 16 مىڭ شارشى مەتر تۇرعىن ٷيدٸڭ قۇرىلىسى باستالدى. بۇل – 304 باسپانا. ونىڭ 240 پەتەرٸ 2017 جىلى, 64 پەتەرٸ 2018 جىلى پايدالانۋعا بەرٸلەدٸ. ال بيىل 150 مىڭ شارشى مەتر (2687 پەتەر) ساتىپ الۋ مٷمكٸندٸگٸنسٸز جالعا بەرٸلەتٸن ٷيلەر قۇرىلىسىنا 25 ملرد تەڭگە قاراستىرىلعان جەنە ٶڭٸرلەر اراسىندا 1,5 ملرد تەڭگەدەن بٶلٸندٸ.
ەكٸنشٸ باعىت – جەكە تۇرعىن ٷي قۇرىلىسىن دامىتۋ. ۋچاسكەنٸ ەلگە تاراتپاي تۇرىپ, جەرگٸلٸكتٸ بيلٸك مٸندەتتٸ تٷردە ينفراقۇرىلىم جٷرگٸزۋٸ تيٸس. بۇل – نەگٸزگٸ تالاپتارىنىڭ بٸرٸ. جىل سايىن 80 ملرد تەڭگە بٶلٸنەدٸ. ونىڭ ٸشٸندە 50 ملرد تەڭگە كٶپقاباتتى ٷيلەرگە ينجەنەرلٸك كوممۋنيكاتسييالىق ينفراقۇرىلىم جٷرگٸزۋگە جەنە 30 ملرد تەڭگە جەكە تۇرعىن ٷي سالۋعا كٶزدەلگەن. وبلىس ورتالىقتارىندا جەكە ٷي قۇرىلىسىنىڭ پيلوتتىق جوباسىن ٸسكە اسىرۋ باستالدى. پيلوتتىق جوبا بويىنشا بٸرىڭعاي سەۋلەتتٸك ستيلدە باسپانا سالىنادى. وعان قازاقستاندا ٶندٸرٸلەتٸن قۇرىلىس ماتەريالدارى قولدانىلاتىن بولادى.
الماتى وبلىسىندا پيلوتتىق جوبا بويىنشا جەكە تۇرعىن ٷي قۇرىلىسى ەلٸ باستالعان جوق. اقتٶبە جەنە سولتٷستٸك قازاقستان وبلىستارىندا جٷزەگە اسىرىلۋدا. وبلىستىڭ قۇرىلىس اۋداندارىنا 494 شاقىرىم ينجەنەرلٸك جەلٸ جٷرگٸزٸلەدٸ. ونىڭ ٸشٸندە جەكە تۇرعىن ٷيگە ارنالعان 5232 جەر ۋچاسكەسٸن ينجەنەرلٸك كوممۋنيكاتسييامەن قامتاماسىز ەتۋ كٶزدەلگەن. وبلىستا جەر ۋچاسكەسٸن الۋعا 140 مىڭنان استام ادام ٶتٸنٸش بەرگەن.
ٷشٸنشٸ باعىت – تۇرعىن ٷي قۇرىلىس جيناق جٷيەسٸ ارقىلى كرەديتتٸك تۇرعىن ٷي سالۋ. مۇنداعى باستى ماقسات – قاراجاتىن جيناقتاعان كەز كەلگەن ادامنىڭ باسپاناعا قول جەتكٸزۋٸن قامتاماسىز ەتۋ. تۇرعىن ٷي قۇرىلىس جيناق جٷيەسٸ ەلٸمٸزدە سەتتٸ جۇمىس جاساۋدا. بۇل – حالىق ٷشٸن ەڭ وڭتايلى جٷيە. ٶيتكەنٸ 3 جىلدىق مەرزٸمنەن كەيٸن قاجەتتٸ سومانىڭ 50 پايىزىنا قول جەتكٸزگەن سالىمشىلار جىلدىق 3,5 نەمەسە 5 پايىزدىق زايىمدار الا الادى. بۇنى نارىقتاعى باسقا كرەديتتٸك پايىزدارىمەن سالىستىرۋعا كەلمەيدٸ. سوندىقتان ەربٸر ازامات مەملەكەت تاراپىنان جاسالىپ جاتقان مٷمكٸندٸكتٸ دۇرىس پايدالانۋى قاجەت.
سونداي-اق, مەملەكەتتٸك كەسٸپورىندارعا ٶز قىزمەتشٸلەرٸنە باسپانا ساتىپ الۋ ٷشٸن قاجەتتٸ العاشقى جارنا مٶلشەرٸن (15-30 پايىز) جيناقتاۋعا ىقپال ەتۋ جولىن قاراستىرۋ ۇسىنىلدى. وسى باعىت بويىنشا ەكٸمدٸكتەر تاراپىنان تٷسٸندٸرۋ جۇمىستارى جٷرگٸزٸلۋدە. سوماعا جىل سايىنعى مەملەكەتتٸك سىياقى 20 پايىزدىق مٶلشەردە بەلگٸلەندٸ. قازٸرگٸ تاڭدا ەلٸمٸزدە 800 مىڭنان استام جيناق سالىمشىسى بار. بۇل 435 ملرد تەڭگەنٸ قۇرايدى. حالىقتىڭ سۇرانىسىنا سەيكەس باعدارلاما اياسىندا تۇرعىن ٷي قۇرىلىسىن ارتتىرۋ قولعا الىندى. بٸر ايتا كەتەرلٸگٸ, 15 جىل ٸشٸندە 285 مىڭ پەتەر سالۋ جوسپارلانىپ وتىر. سونىڭ ٸشٸندە الماتى وبلىسىندا 34 مىڭ شارشى مەتر ٷي سالىنادى. بۇل – 672 پەتەر. جيناق جٷيەسٸندە 36 مىڭ سالىمشى بولسا (12 ملرد قارجى جيناقتاعان), 35 مىڭ ادام كەزەكتە تۇر.
تٶرتٸنشٸ باعىت – قۇرىلىس سالۋشى كومپانييالاردى باسپانا سالۋعا ىنتالاندىرۋ. وسى ماقساتتا ەكٸنشٸ دەڭگەيدەگٸ بانكتەر ارقىلى ولارعا مەملەكەتتٸك سۋبسيدييا بەرۋ كٶزدەلگەن. بۇعان رەسپۋبليكالىق بيۋدجەتتەن 11 ملرد تەڭگە قاراستىرىلدى. قۇرىلىس كومپانييالارى ەكٸنشٸ دەڭگەيدەگٸ بانكتەردەن العان كرەديتتەرٸنٸڭ 7 پايىزىن مەملەكەت سۋبسيدييالايتىن بولادى. بۇل كۇرىلىس كومپانييالارىنىڭ كرەديتتەرٸن جەڭٸلدەتۋگە بەرٸلگەن مٷمكٸندٸك. وسى ارقىلى 600 مىڭ شارشى مەتر تۇرعىن ٷي سالىناتىن بولادى. ونىڭ 50 پايىزى قۇرىلىس جيناق بانكٸ سالىمشىلارىنا بەلگٸلەنگەن باعادا بەرٸلمەكشٸ. بۇل تۇرعىدا الماتى وبلىسىنداعى قۇرىلىستى سۋبسيدييالاۋعا 1 ملرد تەڭگە كٶزدەلٸپ وتىر. ال ەكٸنشٸ دەڭگەيدەگٸ بانك ۇلتتىق بانكتٸڭ بازالىق ستاۆكاسىنان 5 پايىزدان اسىرماي قارىز بەرۋٸ تيٸس.
بەسٸنشٸ باعىت – جەڭٸلدەتٸلگەن يپوتەكالىق كرەديت بەرۋ جٷيەسٸن ارتتىرۋ.
حالىق جاڭادان سالىنعان پەتەرگە قول جەتكٸزۋٸ ٷشٸن يپوتەكانى سۋبسيدييالاۋ ۇسىنىلدى. بانكتەر پەتەر الۋعا استانا جەنە الماتى قالالارى ٷشٸن 20 ملن, ال ٶڭٸرلەر ٷشٸن 15 ملن تەڭگەدەن اسپايتىن يپوتەكالىق نەسيە بەرەدٸ. ياعني, قۇرىلىس جيناق قاراجاتى جوق كەز كەلگەن ازامات ەكٸنشٸ دەڭگەيلٸ بانكتەر ارقىلى پەتەر ساتىپ الۋ قۇقىعىنا يە بولادى. ازاماتتار باسپانا قۇنىنىڭ باستاپقى 30 پايىز جارناسىن جيناپ, 10 پايىزدىق ٷستەمەمەن مەملەكەت سۋبسيدييالاعان نەسيەنٸ الا الادى.
ينۆەستيتسييالار جەنە دامۋ مينيسترٸ جەڭٸس قاسىمبەك مىرزانىڭ پٸكٸرٸنشە, بيىل «نۇرلى جەر» باعدارلاماسى بويىنشا 10 ملن شارشى مەتر تۇرعىن ٷيدٸ پايدالانۋعا بەرۋ جوسپارلانعان. «بۇل – 100 مىڭ پەتەر. ونىڭ 1,5 ملن شارشى مەترٸ مەملەكەتتٸك ينۆەستيتسييا ەسەبٸنەن سالىنسا, قازٸرگٸ تاڭدا الماتى وبلىسىندا 59 مىڭ شارشى مەتر باسپانانىڭ قۇرىلىسى جٷرگٸزٸلۋدە. حالىقتى قولجەتٸمدٸ باسپانامەن قامتاماسىز ەتۋ – مەملەكەتتٸڭ باستى مٸندەتٸ. بۇل شارالار كٶپتەگەن ازاماتتارعا تۇرعىن ٷي مەسەلەسٸن شەشۋگە مٷمكٸندٸك بەرەدٸ. ول جەكە ينۆەستيتسييا تارتۋمەن جەنە ازاماتتار جيناعىنىڭ نەگٸزٸندە جٷزەگە اسادى», – دەدٸ مينيستر.
بالامالى ەنەرگييا كٶزدەرٸ داميدى
استانادا قر ينۆەستيتسييالار جەنە دامۋ بٸرٸنشٸ ۆيتسە-مينيسترٸ اليك ايدارباەۆتىڭ قاتىسۋىمەن ٶتكەن حروم كەن ورنىن يگەرۋ حالىقارالىق قاۋىمداستىق مٷشەلەرٸنٸڭ كەزدەسۋٸندە «قازحروم» تۇك» اق-تىڭ جەنە تۇتاستاي العاندا ERG-دىڭ قازاقستان رەسپۋبليكاسىنىڭ يندۋسترييالىق-يننوۆاتسييالىق دامۋ مەملەكەتتٸك باعدارلاماسىن جەنە مەملەكەت باسشىسىنىڭ يندۋسترييا 4.0 ەلەمەنتتەرٸن ەنگٸزە وتىرىپ ٷشٸنشٸ جاڭعىرۋ جٶنٸندەگٸ جولداۋىن ٸسكە اسىرۋدا بەلسەندٸ اتسالىسىپ كەلە جاتقانى سٶز بولدى.
ايدارباەۆ مىرزا حالىق سانىنىڭ ارتۋى مەن جاڭا كٶلٸك تٷرلەرٸنٸڭ دامۋى بالامالى ەنەرگەتيكانىڭ جالپىەلەمدٸك بولات ٶنٸمٸنٸڭ ارتۋىنا ەكەلەتٸنٸن ايتىپ, بۇل ٶز كەزەگٸندە فەرروقورىتۋ ٶندٸرٸسٸن جەنە تيٸستٸ شيكٸزات بازاسىن دامىتۋدى تالاپ ەتەتٸنٸنە توقتالدى. وسىعان وراي, ICDA قىزمەتٸ ٶزەكتٸ جەنە سۇرانىسقا يە بولماق. سونداي-اق, ول «قازحروم» تۇك» اق-تىڭ فەرروقورىتۋ ٶندٸرٸسٸن دامىتۋ جەنە جاڭا قۋاتتى ٸسكە قوسۋدا قاراعاندى وبلىسىندا سالىنىپ جاتقان كەشەندٸ قورىتپالار زاۋىتىنىڭ ٷزٸلٸسسٸز جۇمىس ٸستەپ جاتقانىن اتاپ ٶتتٸ.
ەلباسىنىڭ تاپسىرماسى بويىنشا 2025 جىلعا دەيٸن ٶنەركەسٸپتٸڭ بازالىق سالالارىن تەحنولوگييالىق قايتا قارۋلاندىرۋ جٶنٸندەگٸ كەشەندٸ شارالاردى ەزٸرلەۋ بويىنشا, ٷكٸمەت تٶرتٸنشٸ ٶنەركەسٸپتٸك تٶڭكەرٸستٸڭ ەلەمەنتتەرٸن ەنگٸزۋ جۇمىستارىن ٸسكە اسىرىپ جاتقانى ايتىلدى. ەلەمدٸك حروم ٶنەركەسٸبٸندە قازاقستاننىڭ الاتىن ورنى ەرەكشە جەنە حروم كەنٸن ٶندٸرۋ بويىنشا ەكٸنشٸ جەنە فەرروحروم ٶندٸرٸسٸ بويىنشا ٷشٸنشٸ ورىندارعا يە. بۇدان باسقا حروم كەنٸن جەنە فەرروحرومدى ەكسپورتتاۋدىڭ كٶلەمٸ بويىنشا وڭتٷستٸك افريكادان كەيٸن ەكٸنشٸ ورىندا.
ICDA (حروم كەن ورنىن يگەرۋ بويىنشا حالىقارالىق قاۋىمداستىق) قاتىسۋشىلارىنىڭ جينالىسى ٶنەركەسٸپتٸك ەكوجٷيەسٸنٸڭ ٶندٸرۋ, ٶڭدەۋ, تۇتىنۋ, ساتۋ جەنە قىزمەت كٶرسەتۋ سيياقتى بارلىق سالالارى ٸشٸندەگٸ جوعارى دەڭگەيدەگٸ ەلەمدٸك حروم ٶنەركەسٸبٸنٸڭ كەسٸبيلەرٸنٸڭ كەزدەسۋٸ بولىپ تابىلادى. شاراعا قاتىسقان 150 دەلەگات ٶنەركەسٸپتٸڭ نەگٸزگٸ مەسەلەلەرٸن تالقىلادى جەنە سوڭعى ماكروەكونوميكالىق تەندەنتسييالاردى تالدادى. نارىقتىڭ جاڭا قوزعالىستى كٷشٸ سونىمەن قاتار حروم ٶنەركەسٸبٸ بويىنشا باسقا دا سوڭعى مەلٸمەتتەرٸ ساراپتالدى.
ينۆەستيتسييا تارتۋدىڭ ۇلتتىق جوباسى
«Kazakh Invest» ۇلتتىق كومپانيياسى» اق-نىڭ قولداۋىمەن ينۆەستيتسييا تارتۋ مەن ساقتاپ قالۋ ۇلتتىق ستراتەگييا جوباسىنىڭ جەنە «Kazakh Invest» كومپانيياسىنىڭ تانىستىرىلىمى كەزٸندە قر پرەمەر-مينيسترٸ باقىتجان ساعىنتاەۆ, قر ينۆەستيتسييالار جەنە دامۋ مينيسترٸ جەڭٸس قاسىمبەك, ەلەم بانكٸنٸڭ ينۆەستيتسييالىق احۋال مەسەلەلەرٸ بويىنشا وفيس باسشىسى يۆان نيماك, «Kazakh Invest» ۇلتتىق كومپانييا» اق باسقارما تٶراعاسى ماقسات قاباشەۆ, «Kazakh Invest» ۇلتتىق كومپانييا» اق ديرەكتورلار كەڭەسٸنٸڭ تەۋەلسٸز مٷشەسٸ الپاسلان كوركماز سٶز سٶيلەدٸ.
«Kazakh Invest» ۇلتتىق كومپانيياسى» اق قازاقستان رەسپۋبليكاسى ينۆەستيتسييالار جەنە دامۋ مينيسترلٸگٸنٸڭ قۇرىلىمىنا كٸرەدٸ. ول شيكٸزاتتىق ەمەس ەكسپورتتى دامىتۋ جەنە ٸلگەرلەتۋ جٷيەسٸنٸڭ ۇلتتىق وپەراتورى, سونداي-اق شەتەل ينۆەستورلارىن تارتۋ جەنە ولارمەن جۇمىس ٸستەۋ جٶنٸندەگٸ مامانداندىرىلعان مەملەكەتتٸك كومپانييا.
مەملەكەتتٸڭ ەكونوميكاسىنا ينۆەستيتسييا تارتۋ – قازاقستاننىڭ مەملەكەتتٸك باسىمدىقتارىنىڭ بٸرٸ. ينۆەستيتسييا تارتۋ بويىنشا جەتەكشٸ ورىندى ساقتاۋ تۋرالى ەلباسىنىڭ حالىققا جولداۋىندا ايتىلعان تاپسىرماسىن ورىنداۋ ماقساتىندا, ايماقتا قازٸرگٸ تاڭدا قازاقستان ٷكٸمەتٸ ەكٸ باعىتتا جۇمىس ٸستەۋدە. بۇل – ينۆەستيتسييا تارتۋ جەنە ساقتاپ قالۋ بويىنشا مەملەكەتتٸك ستراتەگييانى ەزٸرلەۋ جەنە «KAZAKH INVEST» ۇلتتىق كومپانيياسىن ٸسكە قوسۋ.
ەلەم بانكٸنٸڭ ينۆەستيتسييالىق كليمات مەسەلەلەرٸ بويىنشا وفيس باسشىسى يۆان نيماك ۇلتتىق ستراتەگييا جوباسىن تانىستىرا كەلە: «قازٸرگٸ تاڭدا تيٸمدٸلٸكتٸ ٸزدەگەن ينۆەستورلاردىڭ قازاقستانعا نازار اۋدارعاندارى جٶن بولادى. ولارعا ۇزاق مەرزٸمدٸ ينۆەستيتسييادان پايدانى بارىنشا كٶبەيتۋگە مٷمكٸندٸك بەرەتٸن ىڭعايلى ينۆەستيتسييالىق احۋال قىزىقتى. باسقا دامۋشى نارىقتار اراسىندا قازاقستاننىڭ تارتىمدى ەكەنٸنە وسىنداي ينۆەستورلاردىڭ كٶزٸن جەتكٸزۋ قاجەت. ول ٷشٸن قازاقستاننىڭ بەسەكەلەستٸك ارتىقشىلىقتارىن انىقتايتىن كٷشتەردٸ شوعىرلاندىرۋ كەرەك. سوندا ەكونوميكانىڭ ماڭىزدى سەكتورلارىنا ينۆەستيتسييا تارتۋ جەڭٸل بولادى», – دەدٸ.
«Kazakh Invest» ۇك» اق-نىڭ ينۆەستورلارمەن جەنە مەملەكەتتٸك ورگاندارىمەن ٶزارا ٸس-قيمىلى, مٸندەتٸ مەن ماقساتى تۋرالى باسقارما تٶراعاسى ماقسات قاباشەۆ ايتىپ ٶتتٸ. ونىڭ نەگٸزگٸ مٸندەتٸ – قازاقستان ٷكٸمەتٸ اتىنان ٸرٸ ينۆەستورلارمەن جەنە ماقساتتى ترانسۇلتتىق كومپانييالارمەن كەلٸسسٶزدەر جٷرگٸزۋ. وسىعان بايلانىستى «Kazakh Invest» باستى فۋنكتسيونالدىق مٸندەتٸ شەتەلدٸك ينۆەستورعا قازاقستاندا يدەيادان باستاپ ٶندٸرٸستٸڭ اشىلۋىنا جەنە ونىڭ ەكسپورتقا شىعۋىنا دەيٸن تولىق قولداۋ كٶرسەتۋ, ياعني ينۆەستيتسييالىق جوبانىڭ ٸسكە اسۋىنىڭ بارلىق كەزەڭٸندە قولداۋ كٶرسەتۋ. ول مەملەكەت ەكونوميكاسىنا ينۆەستيتسييا تارتۋدىڭ ايتارلىقتاي تيٸمدٸ دە ۇتىمدى جەنە بيزنەسكە باعىتتالعان ٷلگٸسٸنە ٶتۋ دەگەن سٶز.
Kazakh Invest «بٸر تەرەزە» قاعيداتىنا سٷيەنە وتىرىپ, ينۆەستورلاردىڭ قر مەملەكەتتٸك ورگاندارىنىڭ ٶكٸلدەرٸمەن ٶزارا ٸس-قيمىل جاساۋ قاجەتتٸلٸگٸن جوياتىن نەمەسە ازايتاتىن قىزمەتتٸ ٸسكە اسىراتىن بولادى. «Kazakh Invest» ينۆەستورلارعا كٶرسەتەتٸن مەملەكەتتٸك قىزمەتتەر جٷيەسٸندە بٸرىڭعاي رۇقسات نٷكتەسٸنە اينالادى, ونىڭ ٸشٸنە ينۆەستيتسييالىق جەڭٸلدٸكتەر تٷرٸندە ينۆەستورلارعا مەملەكەتتٸك قولداۋ, سونىمەن قاتار الداعى ينۆەستيتسييالىق جوبالاردى ٸسكە اسىرۋعا جەنە پايدالانۋعا قاجەتتٸ تٷرلٸ رۇقساتتار مەن كەلٸسۋلەردٸ بەرۋ كٸرەدٸ. بۇل رەتتە ٸس جٷزٸندە مەملەكەتتٸك قىزمەت كٶرسەتۋ بويىنشا شەشٸمدەردٸ جاۋاپتى مەملەكەتتٸك ورگاندار قابىلداسا, «Kazakh Invest» رٶلٸ قاجەتتٸ قۇجاتتاردى جيناۋ, مەجٸلٸس بارىسىندا ينۆەستور ىقىلاسىن ۇسىنۋ, رۇقسات ەتٸلەتٸن قۇجاتتاردى بەرۋ بولىپ سانالادى.
«Kazakh Invest» ۇك» اق باسقارما تٶراعاسى ماقسات قاباشەۆتٸڭ ايتۋى بويىنشا, شەتەلدٸك ينۆەستوردىڭ قازاقستانداعى بٷگٸنگٸ جەتٸستٸگٸ – ول مەملەكەتتٸڭ ەرتەڭگٸ گٷلدەنۋٸ.
ەڭبەك قاۋٸپسٸزدٸگٸ باستى نازاردا
ەڭبەكتٸ قورعاۋ جەنە ٶنەركەسٸپتٸك قاۋٸپسٸزدٸك بويىنشا جىل سايىنعى «KIOSH-2017» 7-شٸ قازاقستان حالىقارالىق كونفەرەنتسيياسى جەنە كٶرمە اشىلدى. شارا بٷكٸلەلەمدٸك ەڭبەكتٸ قورعاۋ كٷنٸنە بايلانىستى ۇيىمداستىرىلدى.
كونفەرەنتسييانىڭ ماقساتى – مەملەكەتتٸك ورگانداردىڭ, بيزنەستٸڭ, قوعامدىق ۇيىمداردىڭ كٷش-جٸگەرٸن كەسٸپورىندارداعى جاراقاتتانۋدى ازايتۋعا, ٶندٸرٸستٸك نىساندارداعى اپات قاۋپٸن ازايتۋعا, قورشاعان ورتا مەن قوعامعا كەلتٸرٸلەتٸن ىقتيمال شىعىندى بارىنشا ازايتۋعا, كەسٸبي اۋرۋلاردىڭ الدىن الۋعا, ەڭبەك ٶنٸمدٸلٸگٸن ارتتىرۋعا باعىتتاۋ.
شاراعا «ەڭبەك قىزمەتٸنٸڭ بارىسىندا جۇمىسشىلاردىڭ ٶمٸرٸ مەن دەنساۋلىعىن ساقتاۋ جەنە ەڭبەك قاۋٸپسٸزدٸگٸ مەن گيگيەناسىن قامتاماسىز ەتۋ», «جەكە جەنە ۇجىمدىق قورعاۋ قۇرالدارىن قامتاماسىز ەتۋدٸڭ جەنە سەرتيفيكاتتاۋدىڭ ٶزەكتٸ مەسەلەلەرٸ», «ەڭبەكتٸ قورعاۋداعى تەورييا مەن تەجٸريبەنٸ بٸرٸكتٸرۋ ارتىقشىلىقتارى مەن مٷمكٸنشٸلٸكتەرٸ, عىلىمي قىزمەتتەگٸ جاڭا نەتيجەلەر, رەفورمالار, زاماناۋي ٷردٸستەر», «قازاقستاننىڭ قاۋٸپتٸ ٶندٸرٸستٸك نىساندارىنداعى قاۋٸپسٸزدٸكتٸ, سونىڭ ٸشٸندە ٶرت قاۋٸپسٸزدٸگٸن قامتاماسىز ەتۋ», «جۇمىس ورىندارىنداعى ماماننىڭ دەنساۋلىعى مەن قاۋٸپسٸزدٸگٸن قامتاماسىز ەتۋ, سونداي-اق العاشقى كٶمەك كٶرسەتۋدٸڭ ماڭىزدىلىعى» تاقىرىپتارىنا ارنالعان 5 سەسسييا كٸردٸ.
«قازاقستان رەسپۋبليكاسىنىڭ قاۋٸپتٸ ٶندٸرٸستٸك نىساندارىنداعى ٶنەركەسٸپتٸك قاۋٸپسٸزدٸك جاعدايى تۋرالى» تاقىرىبىمەن شارانىڭ بٸرٸنشٸ سەسسيياسىنىڭ العاشقى كٷنٸ قر ينۆەستيتسييالار جەنە دامۋ مينيسترلٸگٸنەن يندۋسترييالىق دامۋ جەنە ٶنەركەسٸپتٸك قاۋٸپسٸزدٸك كوميتەتٸ تٶراعاسىنىڭ ورىنباسارى نۇربەك قۇنانباەۆ بايانداما جاسادى.
انار لەپەسوۆا,
"تٷركٸستان" گازەتٸ
