«نۇرلى جەر»: اقتٶبەدەگٸ اۋىل حالقى جەر تەلٸمدەرٸن الدى

اقتٶبەنٸڭ ەيتەكە بي اۋدانىندا 26 مىڭنان استام ادام تۇرادى. ونىڭ 900-گە جۋىعى جەر تەلٸمٸن الىپ, ٷي سالۋعا ارىز بەرگەن ەكەن. العاشقىلارى وسىدان 10 جىل بۇرىن جوسپار قۇرعانىمەن, جەر تەلٸمٸ بيىل تاراتىلىپ جاتىر.

«وسىدان 25 جىل بۇرىن بٸز ويلاعان جوق ەدٸك, كومسومول كەنتٸندە تەمٸر جول سالىنادى, ورتالىقتاندىرىلعان سۋ قۇبىرى تارتىلىپ, گاز كەلەدٸ, زامان تالابىنا ساي تاس جول تٶسەلەدٸ دەپ. بٸز تەۋەلسٸزدٸگٸمٸزدٸڭ ارقاسىندا ٶز بايلىعىمىزدى ٶزٸمٸز پايدالانىپ, ٶزٸمٸزدٸڭ ەكونوميكالىق ساياساتىمىزدى جٷرگٸزٸپ جاتىرمىز. حالىق تۇرمىسىنىڭ جاقسارۋىنا بايلانىستى ٷكٸمەتكە, جەرگٸلٸكتٸ بيلٸك ٶكٸلدەرٸنە تاپسىرما بەرٸلدٸ. جەر الامىن دەگەن ادامعا جەر بەرٸپ, ينفراقۇرىلىمىن جاساۋدى مٸندەتتەدٸ. ەيتەكە بي اۋدانىندا 900-گە جۋىق ادام جەر الۋعا ارىز بەرگەن ەكەن. كەلەر جىلى جەر كەزەگٸندەگٸ بارلىق ادامعا جەر ۋچاسكەسٸ بەرٸپ, ٷي سالۋىنا مٷمكٸندٸك جاسالۋى قاجەت»,-دەيدٸ وبلىس ەكٸمٸ بەردٸبەك ساپارباەۆ. ٶڭٸر باسشىسى جاستارعا ٷلكەن ٷمٸت ارتاتىنىن ايتىپ, ەرٸنبەي ەڭبەك ەتۋگە شاقىردى.

جەر تەلٸمٸ قۇجاتىن العانداردىڭ بٸرٸ بايرامباي پاتشاەۆ. ول 10-جىلدان استام ۋاقىت بويى جەر الا الماي جٷر.

«مەن 2005 جىلدان بەرٸ ەيتەكە بي اۋدانىنىڭ تۇرعىنىمىن. وتباسىمىزبەن تەمٸرجول سالاسىندا ەڭبەك ەتٸپ جٷرمٸز. بٸز تەۋەلسٸزدٸگٸمٸزدٸڭ 25 جىلدىعىندا قۋانىشقا كەنەلٸپ وتىرمىز. ەلباسىمىزدىڭ كٶرەگەن ساياساتىنىڭ, «نۇرلى جەر» باعدارلاماسىنىڭ ارقاسىندا بيىل جەر تەلٸمٸنٸڭ قۇجاتى تاپسىرىلدى. قۋانىشتىسى, جەر ۋچاسكەسٸندە گاز, جارىق, سۋ بار»,- دەدٸ اۋدان تۇرعىنى بايرامباي پاتشاەۆ.

ايتا كەتەيٸك, اقتٶبە وبلىسىندا 130 مىڭنان استام ادام جەر كەزەگٸندە تۇر. باسىم بٶلٸگٸ اقتٶبە قالاسىنا ٷي سالۋدى ماقسات ەتكەن.

«اۋداندا بيىل 288 جەر تەلٸمٸ دايىن تۇر. ەلەكتر جەلٸسٸ تارتىلىپ, سۋ قۇبىرى جٷرگٸزٸلدٸ. گاز دا كەلٸپ جاتىر. ال 2017 جىلعا 251 جەر تەلٸمٸ دايىندالدى»,- دەيدٸ ەيتەكە بي اۋداندىق تۇرعىن ٷي-كوممۋنالدىق شارۋاشىلىعى, سەۋلەت, قالا قۇرىلىسى بٶلٸمٸنٸڭ باس مامانى ەرلان شاعاتاەۆ.