مەجٸلٸس تٶراعاسى نۇرلان نىعماتۋليننٸڭ تٶراعالىعىمەن پالاتانىڭ جالپى وتىرىسى ٶتٸپ, وندا دەپۋتاتتار ساقتاندىرۋ جەنە باعالى قاعازدار نارىعىن رەتتەۋ مەن دامىتۋ مەسەلەلەرٸنە قاتىستى زاڭ جوباسىن بٸرٸنشٸ وقىلىمدا ماقۇلدادى, دەپ حابارلايدى قازاقپارات.
«وسى زاڭ جوباسىن تالقىلاۋ بارىسىندا دەپۋتاتتار جەڭٸل جول-كٶلٸك وقيعالارى كەزٸندە جەنە زارداپ شەككەندەر بولماعان جاعدايدا, اۆتوكٶلٸك يەلەرٸنٸڭ ٶزارا كەلٸسٸمٸ بويىنشا پوليتسييا شاقىرۋسىز جەنە سوت شەشٸمٸنسٸز حاتتاما رەسٸمدەپ, ياعني ساقتاندىرۋ تٶلەمٸن جەدەلدەتٸلگەن جەنە وڭايلاتىلعان تٷردە الۋ تۋرالى ۇسىنىستارىن جەتكٸزدٸ», - دەلٸنگەن مەجٸلٸس باسپاسٶز قىزمەتٸنٸڭ مەلٸمەتٸندە.
مەجٸلٸس تٶراعاسى نۇرلان نىعماتۋلين دەپۋتاتتاردىڭ ۇسىنىسىن قولداي وتىرىپ, وسى زاڭ جوباسى جوعارىدا ايتىلعانداي ساقتاندىرۋ تٶلەمٸنٸڭ جەڭٸلدەتٸلگەن سىزباسىن قولدانا الاتىنىن اتاپ ٶتتٸ. ياعني, پوليتسييا حاتتاماسىن رەسٸمدەمەي جەنە ەكٸمشٸلٸك سوتتىڭ شەشٸمٸنسٸز.
سونىمەن قاتار, وتىرىستا دەپۋتاتتار ازاماتتاردىڭ قور نارىعىنا قاتىسۋ اياسىن كەڭەيتۋ قاجەتتٸگٸ تۋرالى مەسەلەسٸن كٶتەردٸ.
نۇرلان نىعماتۋلين جەكە ينۆەستورلاردىڭ قۇقىقتارىن قورعاۋ شارالارىن كٷشەيتۋ, ول بٸرٸنشٸ كەزەكتە بٸزدٸڭ وتاندىق قور نارىعىمىزدى دامىتۋ ٷشٸن قاجەت ەكەنٸن ايتتى.
2012 جىلى ەلباسى ازاماتتارىمىزدىڭ IPO ارقىلى جەكەشەلەندٸرۋ پروتسەستەرٸنە قاتىسۋ مٸندەتٸن قويعانىنا نازار اۋدارعان پالاتا تٶراعاسى «قازترانسويل», «كەگوك» جەنە «كcell» اكتسييالارى ٸسكە اسىرىلعانىن, بٸراق بۇل پروتسەسكە, ونىڭ ٸشٸندە جەكەشەلەندٸرۋ پروتسەستەرٸنە حالىقتىڭ قاتىسۋىنىڭ اشىق جەنە قاۋٸپسٸز تەتٸگٸ بولماعاندىقتان, جەكە ينۆەستور نارىققا كەلمەگەنٸن العا تارتتى.
سونداي-اق, مەجٸلٸس تٶراعاسى بيىلعى جىلى مەملەكەت باسشىسى رەفورمالار جٶنٸندەگٸ جوعارى كەڭەس تۋرالى وتىرىسىندا ەربٸر ازاماتتىڭ ۇلتتىق بايلىقتىڭ بٸر بٶلٸگٸن الۋ مٷمكٸندٸگٸ بولۋى ٷشٸن اكتسييالاردى بٸرٸنشٸ كەزەكتە جەكە تۇلعالارعا – قازاقستان ازاماتتارىنا ٶتكٸزە وتىرىپ, «حالىقتىق IPO» باعدارلاماسىن قايتا باستاۋ مٸندەتٸن قويعانىن اتاپ ٶتتٸ.
نۇرلان نىعماتۋليننٸڭ ايتۋىنشا, بۇل قازاقستاننىڭ قور نارىعىنىڭ ٶسۋٸ اياسىندا ٶتە ٶزەكتٸ.
اگەنتتٸكتٸڭ مەلٸمەتٸنشە, ونىڭ كٶلەمٸ سوڭعى 5 جىلدا 3 ەسەدەن استامعا ٶسٸپ, 47 تريلليون تەڭگەگە نەمەسە جٸٶ-نٸڭ 67%-ىنا جەتتٸ.
«قور نارىعى, شىن مەنٸندە, قازٸرگٸ كەزدەگٸدەي كاپيتالدى قايتا بٶلۋ ورنى عانا ەمەس, حالىقتىڭ قوسىمشا تابىس كٶزدەرٸنٸڭ بٸرٸ بولۋى كەرەك», - دەدٸ پالاتا سپيكەرٸ.
مىسالى, كٶرشٸ رەسەيدە, بٶلشەك ينۆەستورلاردىڭ ٷلەسٸ 10% نەمەسە 15 ميلليون ادامدى قۇرايدى.
جالپى زاڭ جوباسى ٶمٸردٸ ساقتاندىرۋدىڭ جاڭا ەلەۋمەتتٸك ماڭىزدى ٶنٸمدەرٸن ەندٸرۋ جولىمەن ساقتاندىرۋ نارىعىن جەنە باعالى قاعازدار نارىعىن ودان ەرٸ دامىتۋ, ساقتاندىرۋ قىزمەتتەرٸن تۇتىنۋشىلاردىڭ جەنە قور نارىعىندا ينۆەستورلاردىڭ قۇقىقتارىن قورعاۋ شارالارىن كٷشەيتۋ, ساقتاندىرۋدىڭ كەپٸلدٸك بەرٸلەتٸن سىنىپتارىنىڭ تٸزبەسٸن كەڭەيتۋ, ساقتاندىرۋ نارىعى مەن باعالى قاعازدار نارىعىنىڭ كٶرسەتٸلەتٸن قىزمەتتەرٸن تسيفرلاندىرۋ ٷشٸن قۇقىقتىق جاعدايلار جاساۋ ماقساتىندا ەزٸرلەنگەن.
