قر پارلامەنتٸ مەجٸلٸسٸنٸڭ جالپى وتىرىسىندا پالاتا تٶراعاسى نۇرلان نىعماتۋلين جول پوليتسيياسى قىزمەتكەرلەرٸنە الاتاياقتىڭ قايتارىلۋى تۋرالى ەزٸلدەدٸ, دەپ حابارلايدى قازاقپارات.
«قازاقستان مەن ارمەنييا ٷكٸمەتتەرٸ اراسىنداعى ازاماتتىق قورعانىس, تٶتەنشە جاعدايلاردىڭ الدىن الۋ مەن ولاردى جويۋداعى ىنتىماقتاستىق كەلٸسٸمٸن راتيفيكاتسييالاۋ تۋرالى» زاڭ جوباسىن تالقىلاۋدا مەجٸلٸس تٶراعاسى ٸشكٸ ٸستەر مينيسترٸنەن قازاقستاندىق تاراپتىڭ شىعىندارىن ٶتەۋ تۋرالى سۇراق قويدى.
«تٶتەنشە جاعدايدا كٶمەكتەسۋ ٷشٸن العاشقى ٷش تەۋلٸكتە قازاقستاندىق قۇتقارۋ جاساعى ٶز قاراجاتىن جۇمسايدى. ياعني, ٷش تەۋلٸككە جەتەرلٸك ازىق-تٷلٸك, شاتىر, تٶسەك-ورىن, جابدىقتار بەرٸلەدٸ. ودان كەيٸنگٸ كٷندەر ٷشٸن كٶمەك سۇراعان مەملەكەت بارلىق قاۋٸپ-قاتەر سەيٸلگەنشە قارجىلاندىرۋى تيٸس», - دەپ جاۋاپ بەردٸ قر ٸشكٸ ٸستەر مينيسترٸ ەرلان تۇرعىمباەۆ.
وسى ورايدا نۇرلان نىعماتۋلين العاشقى تەۋلٸكتەر شىعىنىن ٷكٸمەتتٸك كوميسسييا ٶتەيتٸنٸن اتاپ ٶتتٸ.
«كەيٸنٸرەك ٷكٸمەتتٸك كوميسسييا شەشٸمٸمەن بارلىق شىعىندارىڭىز ٶتەلەدٸ. تاعى دا ٸشكٸ ٸستەر مينيسترلٸگٸنٸڭ ەسەبٸ تٷگەل. ولارعا قازٸر قاراجات باسقا نەرسەگە كەرەك. الاتاياقتى قايتارىپ بەردٸ عوي. بۇل دۇرىس. حيرۋرگكە قانداۋىرى (سكالپەل) قانداي ماڭىزدى بولسا, پوليتسەي ٷشٸن دە الاتاياق ماڭىزدى», - دەدٸ مەجٸلٸس تٶراعاسى.
ەسكە سالا كەتسەك, ٸشكٸ ٸستەر مينيسترلٸگٸ 1 قىركٷيەكتەن باستاپ جول قوزعالىسىن رەتتەۋ ٷشٸن الاتاياقتى قايتا قولدانۋعا كٶشەدٸ. ەندٸ پوليتسەيدٸڭ ٷستٸندە سارى تٷستٸ كەۋدەشە, جارىق شاعىلىستىرعىش قولعاپ, سونداي-اق الاتاياق, جەنە ىسقىرعىش بولادى.
