بٷگٸن مەجٸلٸستە پالاتا تٶراعاسى نۇرلان نىعماتۋلين قازاقستانعا العاش رەت مەملەكەتتٸك ساپارمەن كەلگەن قىرعىز رەسپۋبليكاسىنىڭ پرەزيدەنتٸ سادىر جاپاروۆپەن كەزدەستٸ, دەپ حابارلايدى "ۇلت اقپارات".
نۇرلان نىعماتۋلين, ەڭ الدىمەن, سادىر جاپاروۆتى قىرعىز رەسپۋبليكاسىنىڭ پرەزيدەنتٸ بولۋىمەن قۇتتىقتاپ, قىرعىز ەلٸنٸڭ دامۋى مەن ٶركەندەۋٸنە باعىتتالعان ساياسي جٷيەنٸ رەفورمالاۋعا قاتىستى الدا تۇرعان ماڭىزدى مٸندەتتەرٸن تابىستى ورىنداۋ ٷشٸن سەتتٸلٸك تٸلەدٸ.
سونىمەن قاتار, مەجٸلٸس تٶراعاسى قىرعىز پرەزيدەنتٸنٸڭ مەملەكەتتٸك ساپارى قازاقستان مەن قىرعىزستان ەلدەرٸ تەۋەلسٸزدٸگٸنٸڭ 30 جىلدىعىندا ٶتٸپ جاتقانىنا باسا نازار اۋداردى.
نۇرلان نىعماتۋلين باستى ماقسات - تاريحي بايلانىستى ساقتاپ, ودان ەرٸ نىعايتۋ ەكەنٸن جەتكٸزدٸ.
سونداي-اق, بارلىق باعىتتا, سونىڭ ٸشٸندە پارلامەنتتٸك ىنتىماقتاستىق ارقىلى باۋىرلاس ەكٸ ەلدٸڭ دوستىعىن ودان ەرٸ تەرەڭدەتۋ ٷشٸن تيٸستٸ جۇمىستاردى جالعاستىراتىنىن اتاپ ٶتتٸ.
كەزدەسۋدە قوس مەملەكەت اراسىندا ساياسي كەلٸسپەۋشٸلٸكتەر جوق ەكەنٸن جەنە ەكٸجاقتى قارىم-قاتىناستار جٷيەلٸ دامىپ كەلە جاتقانىن العا تارتقان پالاتا سپيكەرٸ بۇنىڭ بەرٸ ەلباسى نۇرسۇلتان ەبٸشۇلى نازارباەۆتىڭ ەڭبەگٸ ەكەنٸن جەنە قازاقستان رەسپۋبليكاسىنىڭ تۇڭعىش پرەزيدەنتٸ ەردايىم قىرعىزستانمەن ٶزارا ٸس-قيمىلدىڭ ەرەكشە ماڭىزىن اتاپ كٶرسەتەتٸنٸنە توقتالدى.
سونىمەن بٸرگە, مەملەكەت باسشىسى قاسىم-جومارت كەمەلۇلى توقاەۆ قىرعىزستانمەن ىنتىماقتاستىققا ٷلكەن مەن بەرەتٸنٸن ايتقان مەجٸلٸس تٶراعاسى قازاقستان مەن قىرعىزستاننىڭ قارىم-قاتىناسى جاڭا دەيگەيگە كٶتەرٸلەتٸنٸنە نازار اۋداردى.
كەزدەسۋ بارىسىندا نۇرلان نىعماتۋلين مەرتەبەلٸ مەيمانعا VII شاقىرىلىمداعى پارلامەنت مەجٸلٸسٸنٸڭ قىزمەتٸمەن تانىستىرىپ, پارلامەنتارالىق ىنتىماقتاستىقتى نىعايتۋ مەن كەڭەيتۋدٸڭ ماڭىزى تۋرالى ايتىپ, قالىپتاسقان دەستٷرلٸ ەرٸپتەستٸك قارىم-قاتىناستى جالعاستىراتىنىنا توقتالدى.
ٶز كەزەگٸندە مەرتەبەلٸ مەيمان بٸزدٸڭ ەلٸمٸزدٸڭ جاڭا پارلامەنتتٸك قۇرامىنىڭ جۇمىسىنا سەتتٸلٸك تٸلەدٸ.
سونداي-اق, قازاقستاننىڭ تۇڭعىش پرەزيدەنتٸ نۇرسۇلتان ەبٸشۇلى نازارباەۆتىڭ ەكٸ ەل اراسىنداعى ىنتىماقتاستىقتى نىعايتۋ جولىنداعى تاريحي رٶلٸن جوعارى باعالايتىنىن جەنە ٶزارا تۋىستىق جەنە دوستىق قۇندىلىقتاردى ودان ەرٸ ٶركەندەتۋگە ٷلەس قوساتىنىن ايتتى.
