ماڭعىستاۋ وبلىسىنىڭ ەكٸمٸ نۇرلان نوعاەۆ اقتاۋدان تۇرعىن ٷي قورىنان جالدامالى باسپانا العان جاڭاٶزەن قالاسىنىڭ تۇرعىندارى - بٸر توپ ەيەلمەن, سونداي-اق اقتاۋ قالاسىنىڭ كٶپبالالى انالارىمەن كەزدەستٸ, دەپ حابارلايدى قازاقپارات.
ٶڭٸر ەكٸمٸ باسپاسٶز قىزمەتٸنٸڭ مەلٸمەتٸنشە, ەكٸمدٸككە كەلگەن انالار جاڭاٶزەن قالاسىنان اقتاۋعا قونىستاندىرۋ باعدارلاماسى اياسىندا 2019-2022 جىلدارى ارالىعىندا جالعا بەرٸلگەن پەتەرلەرٸن جەكەشەلەندٸرٸپ بەرۋدٸ تالاپ ەتكەن. سونداي-اق پەتەردٸ جالعا الۋ جەنە كوممۋنالدىق قىزمەتتەر ٷشٸن تٶلەنەتٸن تٶلەم اقىسىن الىپ تاستاۋ تۋرالى تالاپ قويعان.
ماڭعىستاۋ وبلىسىنىڭ ەكٸمٸ نۇرلان نوعاەۆ قولدانىستاعى زاڭناماعا سەيكەس جالعا بەرٸلەتٸن تۇرعىن ٷي جەكەشەلەندٸرۋگە جاتپايتىنىن تٷسٸندٸرگەن.
«اقتاۋ قالاسىندا ارەنداعا بەرٸلگەن پەتەرلەردٸڭ جالعا الۋ مەرزٸمٸنە شەكتەۋ قويىلمايدى. ەگەر كەلٸسٸمشارتتا تٸركەلگەن ادام قايتىس بولعان جاعدايدا جالعا الۋ كەلٸسٸمشارتى قالعان وتباسى مٷشەلەرٸنە ۇزارتىلىپ بەرٸلەدٸ.
قولدانىستاعى «تۇرعىن ٷي قاتىناستارى تۋرالى» قر زاڭى بويىنشا سٸزدەر تۇراتىن پەتەرلەر كوممۋنالدىق تۇرعىن ٷي قورىنان ساتىپ الۋ قۇقىعىنسىز بەرٸلەدٸ. جالعا بەرٸلەتٸن تۇرعىن ٷي جەكەشەلەندٸرۋگە جاتپايدى. كوممۋنالدىق قىزمەتتەرگە قاتىستى, ەگەر سٸزدٸڭ تابىسىڭىز تٶلەمدٸ تولىق ٶتەۋگە مٷمكٸن بولماسا, وندا «تۇرعىن ٷي قاتىناستارى» تۋرالى زاڭعا سەيكەس قاجەتتٸ قۇجاتتار جيناپ, تۇرعىن ٷي كٶمەگٸن الا الاسىز», - دەدٸ نۇرلان نوعاەۆ.
باسپانانى جالداۋ اقىسى ٷيدٸڭ شارشى مەترٸنە بايلانىستى 8-دەن 12 مىڭ تەڭگەگە دەيٸن اۋىتقيدى.
«كەزدەسۋگە وبلىستىق مەسليحات دەپۋتاتتارى دا قاتىسىپ, جينالعانداردى كوميسسييا جۇمىسىن جالعاستىرۋعا شاقىردى. مەسليحاتتىڭ بٸرقاتار دەپۋتاتى انالار كٶتەرگەن مەسەلەلەردٸ قاراۋ ٷشٸن پارلامەنتكە حات جولدادى. كەزدەسۋ قورىتىندىسى بويىنشا كوميسسييا جۇمىسىن جالعاستىرۋ تۋرالى شەشٸم قابىلداندى», - دەپ اتاپ ٶتەدٸ وبلىس ەكٸمدٸگٸنٸڭ باسپاسٶز قىزمەتٸنەن.
