پارلامەنت مەجٸلٸسٸنٸڭ دەپۋتاتى نۇرلان دۋلاتبەكوۆ پرەزيدەنت جولداۋىنا قاتىستى پٸكٸر بٸلدٸرٸپ, ەندٸگٸ كەزەكتە پارلامەنت قالاي جۇمىس جٷرگٸزەتٸنٸنە قاتىستى ويىن ايتتى, دەپ حابارلايدى قازاقپارات.
«مەنٸڭ ويىمشا, بٷگٸنگٸ جولداۋدا ەلدەگٸ ەڭ ٶزەكتٸ مەسەلەلەردٸڭ بەرٸ قامتىلدى. ياعني, پرەزيدەنت جاعدايدى باقىلاپ, بٸلٸپ وتىر. بٸز جۋىردا عانا باتىس ٶڭٸرٸندە بولىپ, سايلاۋشىلارىمىزبەن كەزدەستٸك. سوندا ايتىلعان پروبلەمالاردىڭ بارلىعى بٷگٸنگٸ جولداۋدا كٶتەرٸلٸپ جاتقانىنا قاتتى قۋانىپ وتىرمىن. مەسەلەن, تۋريستٸك كلاستەردٸ كٶتەرۋدە قانداي مەسەلەلەردٸ قاۋزاۋ كەرەك, قانداي سۇراقتاردىڭ تٶڭٸرەگٸندە جۇمىس ٸستەۋ كەرەكتٸگٸنە مەملەكەت باسشىسى جان-جاقتى توقتالدى.
مەن پرەزيدەنت جولداۋىنداعى كٶپ مەسەلەلەردٸڭ ٸشٸنەن حالىقتى ەلەۋمەتتٸك قولداۋ تەتٸكتەرٸن ەرەكشە اتاپ ٶتەر ەدٸم. ونىڭ ٸشٸندە كٶلٸك قاتىناسىنا قاتىستى مەسەلەلەر كٶتەرٸلدٸ. جاڭاٶزەن قالاسىندا سايلاۋشىلار ماڭعىستاۋ ٶڭٸرٸنە جەتۋ, تەمٸر جولمەن قاتىناۋ قيىندىعىن, ەۋە قاتىناسىنىڭ باعاسى شەكتەن تىس قىمبات ەكەنٸن ايتقان بولاتىن. بٷگٸن پرەزيدەنتٸمٸز وسى مەسەلەلەردٸ كٶتەردٸ», - دەدٸ نۇرلان دۋلاتبەكوۆ پارلامەنتتٸڭ بٸرلەسكەن وتىرىسىنان كەيٸن تٸلشٸلەردٸڭ ساۋالدارىنا جاۋاپ بەرە وتىرىپ.
مەجٸلٸس دەپۋتاتىنىڭ ايتۋىنا قاراعاندا, پرەزيدەنت كەلەسٸ جىلى ۇلى ابايدىڭ 175 جىلدىعىن توي رەتٸندە اتاپ ٶتٸپ قانا قويماي, اقىن شىعارمالارىن باسقا قىرىنان ۇعىنۋعا شاقىرىپ وتىر.
«بۇل مەسەلەلەر تٶڭٸرەگٸندە پارلامەنتتٸڭ الدىندا ٷلكەن مٸندەتتەر تۇر. پرەزيدەنت سايلاۋالدى باعدارلاماسىن تولىعىمەن جٷزەگە اسىرۋعا بەكٸنٸپ وتىر. پارلامەنت وسى رەتتە كٶپتەگەن زاڭدارعا ٶزگەرٸستەر ەنگٸزۋٸ تيٸس», - دەدٸ مەجٸلٸسمەن.
ەسكە سالا كەتسەك, بٷگٸن قر پرەزيدەنتٸ قاسىم-جومارت توقاەۆ قازاقستان حالقىنا جولداۋىن جارييالادى.
