ەركٸن كٷرەستەن توكيو وليمپياداسىنىڭ قولا جٷلدەگەرٸ نۇريسلام ساناەۆ جارتىلاي فينالدىق بەلدەسۋدە ٷندٸستاندىق راۆي كۋماردى نە ٷشٸن تٸستەپ العانىن ايتتى دەپ جازادى Olympic.kz.
"كۋماردى ەدەيٸ تٸستەگەن جوقپىن. مٷمكٸن, جەڭٸلٸپ جاتقاندا قالاي دا ۇتامىن دەگەن ويمەن اۆتوماتتى تٷردە جاسالعان شىعار. دەل سول كەزدە تٸستەگەنٸمدٸ سەزگەن دە جوقپىن.
تەك كٸلەمنەن تٷسكەن سوڭ ويلاندىم. سۋرەتتەردٸ كٶردٸم. دەرەۋ قارسىلاسىمنان كەشٸرٸم سۇرادىم. ەرينە, كٷرەس ەرەجەسٸندە قارسىلاستى تٸستەۋگە بولمايدى. مەنٸكٸ اعاتتىق.
كٸلەمدەگٸ قىزۋمەن ٷندٸلٸك بالۋاندى قالاي تٸستەپ العانىمدى دا بٸلمەي قالدىم", - دەيدٸ ول.
بۇل جايت ٷندٸلٸكتەردٸڭ اشۋىن كەلتٸرگەنٸمەن, UWW سپورتشىنىڭ ەرەكەتٸنە ەدەيٸ جاسالماعان رەاكتسييا دەگەن باعا بەرٸپ, قازاقستاندىق بالۋانعا قاتىستى تەرتٸپتٸك شارا قولدانبايتىنىن مەلٸمدەگەن.
توكيو وليمپياداسىندا نۇريسلام ساناەۆ 57 كەلٸدە سىنعا تٷسٸپ, جارتىلاي فينالدا راۆي كۋماردان جەڭٸلدٸ. قولا مەدال ٷشٸن ٶتكەن بەلدەسۋدە بولگارييالىق قارسىلاسىنان باسىم تٷستٸ.
ەسكە سالا كەتەيٸك, توكيو وليمپياداسىندا نۇريسلام ساناەۆتىڭ ٸسٸنە شاعىمدانعان ٷندٸلٸك سپورتشى اقىرى فينالدا ٶزٸ دە رەسەيلٸك سپورتشىنى تٸستەپ العان بولاتىن.
ودان بٶلەك, 2012 جىلعى لوندون وليمپياداسىندا, كەرٸسٸنشە ٷندٸ بالۋانى سۋشيل كۋمار قازاقستاندىق اقجٷرەك تاڭاتاروۆتى قۇلاعىنان تٸستەپ العان ەدٸ.
تٶرەشٸلەر كۋماردى بۇل قىلىعى ٷشٸن جازالاماۋدى ۇيعارعان. ٷندٸستان ٶكٸلٸ فينالعا جولداما الىپ, اقجٷرەك تاڭاتاروۆ وليمپيادانىڭ قولا جٷلدەسٸنە يە بولادى.
