ەلٸمٸزگە بەلگٸلٸ فۋتبولشى نۇربول جۇماسقاليەۆ سپورتتان كەتەتٸندٸگٸن حابارلادى. ول بٷگٸن «توبىل» ساپىندا سوڭعى مەرتە جاسىل الاڭعا شىعىپ, پەتروپاۆلدىڭ «قىزىلجار» كومانداسى قاقپاسىنا گول سوقتى, دەپ حابارلايدى "ۇلت اقپارات".
نۇربول جۇماسقاليەۆ 1981 جىلعى 11 مامىردا ورال قالاسىندا دٷنيەگە كەلگەن. فۋتبولشىلىق مانسابىن 1998 جىلى ورالدىڭ «نارىن» كومانداسى ساپىندا باستادى. 1999-2000 جىلداردا تالدىقورعاننىڭ «جەتٸسۋ» كلۋبىندا ويىن كٶرسەتسە, 2000-2010 جىلداردا قوستانايدىڭ «توبىلىنىڭ» جەيدەسٸن كيدٸ. ال 2011-2012 جىلداردا استانانىڭ «لوكوموتيۆٸندە» دوپ تەپسە, ودان كەيٸن تٶرت جىل بويى قايتادان «توبىلدىڭ» نامىسىن قورعادى. 2017 جىلى پاۆلوداردىڭ «ەرتٸسٸندە» 7 ويىن ٶتكٸزٸپ قايتقانىمەن, سول جىلى «توبىلعا» قايتا كەلدٸ.
بيىلعى بٸرٸنشٸلٸكتە قولا جٷلدەگەر اتانعان «توبىلدى» بٷگٸنگٸ «قىزىلجارمەن» ٶتكەن ويىننان كەيٸن ماراپاتتاۋ رەسٸمٸ ٶتتٸ. اتالمىش شارا بارىسىندا نۇربول جۇماسقاليەۆ ٶزٸنٸڭ اتالمىش شەشٸمٸ جايىندا جانكٷيەرلەرٸنە ايتتى.
«بٷگٸن ايماق جۇرتشىلىعى ٷشٸن ماڭىزدى كٷن. كوماندا اتىنان قولدۋ بٸلدٸرگەن بارلىق ازاماتاتتارعا ريزاشىلىق بٸلدٸرگٸمٸز كەلەدٸ. ەرٸپتەستەرٸمدٸ دە ٷلكەن جەتٸستٸگٸممەن قۇتتىقتايمىن. بٷگٸنگٸ ويىن مەن ٷشٸن ەرەكشە بولدى. فۋتبولشىلىق مانسابىمداعى سوڭعى كەزدەسۋمدٸ ٶتكٸزدٸم», - دەدٸ نۇربول جۇماقاليەۆ.
ەستەرٸڭٸزگە سالا كەتەلٸك, بيىلعى جىلدىڭ تامىز ايىندا كٶكشەتاۋدىڭ «وقجەتپەسٸ» ساپىندا وينايتىن بەلگٸلٸ فۋتبولشى ەلٸبەك بٶلەشوۆ فۋتبولشىلىق مانسابىن اياقتاعانىن مەلٸم ەتتٸ. ال ٷستٸمٸزدەگٸ جىلدىڭ باسىندا سامات سماقوۆ سپورتپەن قوش ايتىسقانىن جارييالاپ «اقتٶبە» كومانداسىنىڭ ديرەكتورى بولىپ تاعايىندالعان ەدٸ. سونداي-اق, بٷگٸن ەلەمگٸ بەلگٸلٸ فۋتبولشى اندرەي ارشاۆين الماتىنىڭ «قايراتى» ساپىندا سوڭعى ويىنىن ٶتكٸزدٸ.
