نۇر-سۇلتان قالاسىنىڭ ەكٸمٸ بٷگٸنگٸ جول-كٶلٸك وقيعاسىنان قايتىس بولعانداردىڭ وتباسىنا جەنە زارداپ شەككەندەرگە جان-جاقتى كٶمەك كٶرسەتۋدٸ تاپسىردى, دەپ حابارلادى قالا ەكٸمدٸگٸنٸڭ رەسمي سايتى.
"قايتىس بولعان جانداردىڭ تۋعان-تۋىستارىنا ەكٸمدٸك اتىنان جەنە ٶز اتىمنان قايعىرا كٶڭٸل ايتامىن. بٷگٸنگٸ اپات سالدارىنان ەكٸ ادام قايتىس بولىپ, 36 ادام تٷرلٸ جاراقات العان. قازٸر ولار مەديتسينالىق كٶمەك الۋدا", - دەدٸ باقىت سۇلتانوۆ ەكٸمدٸكتە ٶتكەن جينالىستا.
وسى ورايدا ەكٸم بٷگٸنگٸ جول-كٶلٸك وقيعاسىنان قايتىس بولعانداردىڭ وتباسىنا, زارداپ شەككەندەرگە جان-جاقتى كٶمەك كٶرسەتۋدٸ جەنە جول اپاتىنىڭ سەبەبٸن انىقتاۋدى تاپسىردى.
قالالىق قوعامدىق دەنساۋلىق ساقتاۋ باسقارما باسشىسى قامالجان نادىروۆتىڭ ايتۋىنشا, وقيعا ورنىندا جەدەل جەردەمنٸڭ 19 بريگاداسى جۇمىس ٸستەپ جاتىر. بارلىعى 36 ادام زارداپ شەككەن, ەكٸ ادام قايتىس بولىپ, 26 ادام اۋرۋحاناعا جاتقىزىلعان. قازٸر ٷش ادامعا وپەراتسييا جاسالۋدا, تاعى تٶرت ادام دايىندالۋدا. ولاردىڭ قاتارىندا 1983 جىلى تۋعان فيليپپين ەلٸنٸڭ ازاماتى بار, ونىڭ جاعدايى اۋىر. الدىن الا دياگنوزى: "كەۋدە قۋىسى جاراقاتتانعان جەنە جامباسى سىنعان". زارداپ شەگۋشٸلەرمەن پسيحولوگتار جۇمىس ٸستەۋدە", – دەدٸ ق.نادىروۆ.
جول پاتىنا جەدەل جەردەم كٶلٸگٸ دە تٷسكەن. ونىڭ ٸشٸندە ەكٸ فەلدشەر مەن جٷرگٸزۋشٸ بولعان. جٷرگٸزۋشٸ دٸن امان. ال بٸر فەلدشەر جابىق باس سٷيەك-مي جاراقاتىمەن بٸرٸنشٸ قالالىق اۋرۋحاناعا جەتكٸزٸلگەن.
بٷگٸن ۇلى دالا كٶشەسٸ مەن قابانباي باتىر داڭعىلى قيىلىسىندا ٷش اۆتوبۋس پەن جەڭٸل كٶلٸكتەر جول اپاتىنا ۇشىرادى. قالا ماڭىنا قاتىنايتىن № 303 باعدارداعى اۆتوبۋس № 12 اۆتوبۋسىمەن سوقتىعىسقان بولاتىن.
