نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا كوروناۆيرۋس جۇقتىرعان 14 جاڭا ناۋقاستىڭ جاي-كٷيٸ تۋرالى ايتىپ بەردٸ, دەپ حابارلايدى قازاقپارات.
«14 ادامنىڭ بارلىعى بٸر رەيسپەن كەلگەن جوق. بەس ادام – قالاداعى ينفەكتسييالىق بلوكتىڭ ستاتسيونارىندا جاتقان. قالعان 9 ادام – ەپيدەميولوگييالىق جاعدايى قولايسىز ەلدەردەن كەلگەن جولاۋشىلاردى تەكسەرۋ بارىسىندا تابىلدى. ونىڭ ٸشٸندە 4 ادام – باس سانيتارلىق دەرٸگەردٸڭ قاۋلىسى بويىنشا ەپيدەميولوگييالىق جاعدايى قولايسىز دەپ تانىلعان يتالييا مەن وڭتٷستٸك كورەيادان كەلگەن», - دەدٸ باسقارما باسشىسى ورتالىق كوممۋنيكاتسييالار قىزمەتٸندەگٸ بريفينگتە
ونىڭ ايتۋىنشا, بٸر ناۋقاس جۇقپالى اۋرۋلار اۋرۋحاناسىندا ورتاشا دەڭگەيدەگٸ جەدەل رەسپيراتورلىق ۆيرۋستىق ينفەكتسييا دياگنوزىمەن جاتقان. ونى قوسىمشا تەكسەرۋ بارىسىندا كوروناۆيرۋستىق ينفەكتسييا تابىلدى جەنە ەم تاعايىندالدى.
«بارلىعىنىڭ جاعدايى قاناعاتتانارالىق, كلينيكالىق بەلگٸلەر جوق. بارلىعى نۇر-سۇلتان قالاسىنىڭ كٶپبەيٸندٸ مەديتسينالىق ورتالىعىنىڭ ينفەكتسييالىق ستاتسيونارىنا جاتقىزىلدى», - دەدٸ س. قيسىقوۆا.
ايتا كەتەيٸك, نۇر-سۇلتاندا كوروناۆيرۋس بويىنشا تاعى 14 جاڭا ناۋقاس تٸركەلدٸ.
وسىلايشا, قاۋٸپتٸ ٸندەتپەن اۋىرعاندار سانى 27-گە جەتتٸ. ونىڭ ٸشٸندە 16 جاعداي - نۇر-سۇلتاندا, 11 فاكتٸ - الماتىدا تٸركەلگەن.
سونداي-اق, قازاقستاندا تٶتەنشە جاعداي جارييالانىپ, ازاماتتاردىڭ 15 سەۋٸرگە دەيٸن ەل اۋماعىنان شىعۋىنا تىيىم سالىندى.
