ەلوردا ەكٸمٸ باقىت سۇلتانوۆ پەن قر دەنساۋلىق ساقتاۋ مينيسترٸ ەلجان بٸرتانوۆ جول-كٶلٸك وقيعاسىندا زارداپ شەككەندەردٸڭ جاعدايىن بٸلٸپ قايتتى, دەپ حابارلايدى Sputnik Elorda Aqparat اگەنتتٸگٸنە سٸلتەمە جاساپ.
ٷش ناۋقاستىڭ جاعدايى ٶتە اۋىر. ولار جاساندى تىنىس الۋ اپپاراتىنا قوسىلعان.
"ٶكٸنٸشكە قاراي, بٸر ناۋقاستىڭ وڭ اياعىن كەسۋگە تۋرا كەلدٸ. سول اياعى دا سىنعان. كەيٸن وعان مەتاللوسينتەز جاساۋدى جوسپارلاپ وتىرمىز. امان الىپ قالامىز دەپ سەنەمٸن. ەكٸنشٸ ەيەلدٸ ەمدەۋگە دە بار كٷشٸمٸزدٸ سالىپ جاتىرمىز. ەزٸرگە اياعىن كەسپەي, مەتالمەن بەكٸتٸپ قويدىق. ولار, ەرينە, جاراقات بٶلٸمٸندە ۇزاق ۋاقىت بويى ەمدەلەتٸن بولادى", - دەيدٸ №2 كٶپبەيٸندٸ قالالىق اۋرۋحانانىڭ باس دەرٸگەرٸ يۆان لي.
ايتا كەتسەك, ەكٸنشٸ قالالىق اۋرۋحاناعا 29 ادام تٷسكەن. ولاردىڭ ون تٶرتٸ امبۋلاتورييالىق ەم الدى. زارداپ شەككەندەرگە مەديتسينالىق جەنە باستاپقى حيرۋرگييالىق كٶمەك كٶرسەتٸلٸپ, ٷيلەرٸنە جٸبەرٸلدٸ.
"قازٸر 1 ادام ستاتسيوناردا ەم الىپ جاتىر. ولاردىڭ سەگٸزٸ تٷرلٸ دەرەجەدەگٸ جاراقاتپەن تراۆموتولوگييا بٶلٸمٸنە جٸبەرٸلدٸ. ٷشەۋٸ جان ساقتاۋ بٶلٸمٸندە جەنە ەكٸ ناۋقاس حيرۋرگييا بٶلٸمٸندە", - دەدٸ يۆان لي.
ونىڭ ايتۋىنشا, بٸرٸنشٸ كٷنٸ بەس ادامعا شۇعىل وتا جاسالعان. بٸر ناۋقاستىڭ اياعى كەسٸلٸپ, ٶزگە زارداپ شەگۋشٸلەردٸڭ سىنعان اياقتارى ورنىنا كەلتٸرٸلدٸ. تاعى دا قوسىمشا وتا جاساۋ جوسپارلانىپ وتىر.
"بٸر ەيەلگە لاپاروتومييا جاسادىق. قازٸر بارلىق ناۋقاستاردىڭ جاعدايى قاناعاتتانارلىق. ادام ٶلٸمٸ بولعان جوق. بارلىق زارداپ شەككەندەرگە كٶمەك كٶرسەتٸلدٸ. بەرٸن امان الىپ قالامىز دەپ سەنەمٸن. بٸر ناۋقاستىڭ جاعدايى ٶتە اۋىر بولدى. قازٸر دە ٶتە اۋىر, بٸراق تۇراقتى جاعدايدا", - دەدٸ يۆان لي.
ەسكە سالا كەتسەك, 26 ناۋرىزدا نۇر-سۇلتان قالاسىنداعى ۇلى دالا كٶشەسٸ مەن قابانباي باتىر داڭعىلى قيىلىسىندا جانتٷرشٸگەرلٸك جول اپاتى بولدى. ٷش اۆتوبۋس سوقتىعىسىپ, بٸرنەشە اۆتوكٶلٸككە, سونىڭ ٸشٸندە جەدەل جەردەم كٶلٸگٸنە دە زاقىم كەلدٸ. اپات سالدارىنان 1966 جىلى تۋعان اۆتوبۋس جٷرگٸزۋشٸسٸ مەن 26 جاستاعى جولاۋشى كٶز جۇمدى.
جول اپاتىنان قايتىس بولعان ايزات نٷرەكەنوۆا - قاراعاندى وبلىسىنىڭ تۇرعىنى. جالعىزباستى انانىڭ ارتىندا كەمەلەتتٸك جاسقا تولماعان بٸر بالاسى قالدى. ال جٷرگٸزۋشٸ اباي وسپانوۆ تٶرت بالانىڭ ەكەسٸ ەدٸ.
