ٷكٸمەت باسشىسىنىڭ ورىنباسارى رومان سكليار ەلوردادا ەلەكتر ەنەرگيياسىنىڭ اجىراتىلۋ سەبەپتەرٸن انىقتاۋ جٶنٸندەگٸ كوميسسييانىڭ العاشقى وتىرىسىن ٶتكٸزدٸ, دەپ حابارلايدى primeminister.kz.
پرەزيدەنت قاسىم-جومارت توقاەۆتىڭ تاپسىرماسىمەن نۇر-سۇلتاننىڭ سول جاعالاۋىندا ەلەكتر ەنەرگيياسىنىڭ ٶشٸپ قالۋ سەبەپتەرٸن انىقتاۋ جەنە وسى پروبلەمانى شەشۋ ٷشٸن الدىن-الا شارالار قولدانۋ ماقساتىندا قۇرىلعان ارنايى كوميسسييانىڭ العاشقى وتىرىسى ٶتتٸ.
وتىرىس اياسىندا ەنەرگەتيكا مينيسترلٸگٸنە جارىقتىڭ اعىتىلۋ سەبەپتەرٸن انىقتاۋ ٷشٸن شۇعىل تٷردە ساراپتاما جٷرگٸزۋ تاپسىرىلدى, الداعى ۋاقىتتا وسىنداي جاعدايلار قايتالانباۋى ٷشٸن تيٸستٸ تەكسەرٸس جٷرگٸزۋ قاجەتتٸگٸ اتالىپ ٶتتٸ.
كوميسسييا جۇمىسى وپەراتيۆتٸ رەجيمدە جالعاسۋدا.
ەسكە سالساق, مەملەكەت باسشىسى قاسىم-جومارت توقاەۆ ەلوردانىڭ باسىم بٶلٸگٸندە جارىقتىڭ سٶنٸپ قالۋىنا ەكەپ سوقتىرعان اپاتتى جاعدايعا بايلانىستى ٷكٸمەتكە ارنايى كوميسسييا قۇرۋدى تاپسىرعان ەدٸ.
