Úkimet basshysynyń orynbasary Roman Skliar elordada elektr energiiasynyń ajyratylý sebepterin anyqtaý jónindegi komissiianyń alǵashqy otyrysyn ótkizdi, dep habarlaidy primeminister.kz.
Prezident Qasym-Jomart Toqaevtyń tapsyrmasymen Nur-Sultannyń sol jaǵalaýynda elektr energiiasynyń óship qalý sebepterin anyqtaý jáne osy problemany sheshý úshin aldyn-ala sharalar qoldaný maqsatynda qurylǵan arnaiy komissiianyń alǵashqy otyrysy ótti.
Otyrys aiasynda Energetika ministrligine jaryqtyń aǵytylý sebepterin anyqtaý úshin shuǵyl túrde saraptama júrgizý tapsyryldy, aldaǵy ýaqytta osyndai jaǵdailar qaitalanbaýy úshin tiisti tekseris júrgizý qajettigi atalyp ótti.
Komissiia jumysy operativti rejimde jalǵasýda.
Eske salsaq, Memleket basshysy Qasym-Jomart Toqaev Elordanyń basym bóliginde jaryqtyń sónip qalýyna ákep soqtyrǵan apatty jaǵdaiǵa bailanysty Úkimetke arnaiy komissiia qurýdy tapsyrǵan edi.
