ەلوردادا بالكونى «قيسايعان» ٷيگە ەكٸمدٸكتٸڭ تٶتەنشە رەزەرۆٸنەن 23 ملن تەڭگە بٶلٸندٸ, دەپ حابارلايدى قازاقپارات.
بۇل تۋرالى ەلوردالىق قالالىق ورتا ساپاسى جەنە باقىلاۋ باسقارماسى باسشىسىنىڭ ورىنباسارى دەۋلەت دوسقۇلوۆ ايتىپ بەردٸ.
«ەكٸمدٸكتٸڭ تٶتەنشە رەزەرۆٸنەن بۇل ٷيدٸڭ جوبالىق-تەحنيكالىق قۇجاتتاماسىن ەزٸرلەۋگە 23 ملن تەڭگە بٶلٸندٸ. ونىڭ العاشقى كەزەڭٸ – تەحنيكالىق تەكسەرۋ جۇمىستارى اياقتالىپ قالدى. ەرٸ قاراي مەملەكەتتٸك ساراپتامادان ٶتۋ ٷشٸن جوبالىق-سمەتالىق قۇجاتتاما رەسٸمدەلەدٸ. بۇل قۇجاتتارسىز جۇمىس ٸستەۋ مٷمكٸن ەمەس. شامامەن 1,5-2 ايدا جوبالىق-سمەتالىق قۇجاتتاما دايىن بولادى جەنە تاعى بٸر ايدا مەملەكەتتٸك ساراپتاما جٷرگٸزٸلەدٸ», - دەدٸ د. دوسقۇلوۆ قالالىق ەكٸمدٸكتە بەرگەن سۇحباتىندا.
ونىڭ ايتۋىنشا, بالكونى قيسايعان پەتەردٸڭ جەنە تۇتاس ٷيدٸڭ جٶندەۋ جۇمىستارى ەكٸمدٸك رەزەرۆٸ ەسەبٸنەن جٷرگٸزٸلەدٸ.
«مۇنىڭ بارلىعى رەزەرۆ اياسىندا شەشٸلەدٸ. ەگەر پەتەر يەسٸ ٶز ەسەبٸنەن جٶندەۋ جٷرگٸزگٸسٸ كەلسە, وعان رۇقسات بەرٸلەدٸ. ال جالپى, بۇل – تۇرعىنداردى زاڭسىز ورنالاستىرعان ٷي سالۋشىلاردىڭ كٸنەسٸ», - دەدٸ ەكٸمدٸك ٶكٸلٸ.
ەسكە سالا كەتسەك, «وربيتا» تۇرعىن ٷي كەشەنٸ پەتەرلەردٸڭ بٸرٸندە بالكون ورنىنان «جىلجىپ» كەتٸپ, ەدەن دٸرٸلدەگەن. قالالىق ەكٸمدٸكتٸڭ حابارلاۋىنشا, ولار پروبلەمالى تۇرعىن ٷي تۋرالى بٸلەدٸ. قازٸرگٸ ۋاقىتتا ول جاقتا تەحنيكالىق تەكسەرۋ جٷرگٸزٸلٸپ جاتىر, ودان كەيٸن ٷيدٸڭ اپاتتىق دەڭگەيٸ انىقتالادى.
ەكٸمدٸكتٸڭ حابارلاۋىنشا, ٷي پايدالانۋعا بەرٸلمەسە دە, ٷي سالۋشىلار 6 جىل بۇرىن تۇرعىنداردى زاڭسىز ورنالاستىرعان. ونداعى ەڭ قاۋٸپتٸ نەرسە – ٷيدٸڭ قاسبەتٸ جەنە تۇرعىنداردى ەۆاكۋاتسييالاۋدىڭ قاجەتٸ جوق.
