نۇر-سۇلتانداعى 35 كٶپ بالالى وتباسى پاۆلودار وبلىسىنىڭ ەكٸباستۇز قالاسىنا كٶشٸرٸلدٸ. ولارعا باسپانا مەن جۇمىس بەرٸلگەنٸ ايتىلادى. بۇل تۋرالى استانانىڭ تۇرعىن ٷي قورى ديرەكتورى نۇرسۇلۋ قوجاحمەتوۆا حابارلادى, دەپ جازادى ازاتتىق.
قوجاحمەتوۆانىڭ سٶزٸنشە, پاۆلودار وبلىسىنىڭ ەكٸمدٸگٸ كٶپ بالالى شاڭىراقتارعا كٶمەكتەسۋگە ەزٸر ەكەنٸن ايتىپ, ۇسىنىس جاساعان سوڭ مامىردىڭ باسىندا نۇر-سۇلتاننان ەكٸباستۇزعا 18 شاڭىراق كٶشكەن. "نۇرلى ەرتٸس" دەپ اتالاتىن باعدارلاما اياسىندا كٶشٸپ بارعاندارعا جاڭا سالىنعان تۇرعىن ٷيدەن ٷش بٶلمەلٸ پەتەر بەرٸلگەن. ەكٸمدٸك جۇمىسقا جارامدى ادامدارعا قىزمەت ۇسىنىپ, بالالاردى مەكتەپكە, بالاباقشاعا ورنالاستىرۋعاعا كٶمەكتەسپەك.
— ولارعا بٸر جىل بويى كٶمەك بولادى. ياعني, كوممۋنالدىق قىزمەت پەن جالداۋ اقىسىن ەكٸمدٸك تٷگەل ٶزٸ كٶتەرمەك. قازٸر كٶشكٸسٸ كەلەتٸن وتباسىلارمەن سٶيلەسٸپ جاتىرمىز. ەكٸباستۇز ەكٸمدٸگٸ بٸزدٸڭ ٷش-تٶرت بالاسى بار وتباسىلارعا دا كٶمەكتەسۋ تۋرالى ۇسىنىسىمىزدى قابىل الدى. ولارعا ەكٸ بٶلمەلٸ پەتەرلەر بەرٸلمەك, — دەدٸ نۇرسۇلۋ قوجاحمەتوۆا.
اقپان ايىندا نۇر-سۇلتاندا (سول كەزدەگٸ - استانا) بٸر وتباسىنىڭ بەس بالاسى ٶرتتەن قازا تاپقان سوڭ كٶپ بالالى انالار نارازىلىق تانىتىپ, بيلٸكتەن جەردەماقى ٶسٸرۋدٸ تالاپ ەتكەن. 27 اقپاندا ٶتكەن "نۇر وتان" پارتيياسىنىڭ سەزٸندە سول كەزدەگٸ پرەزيدەنت نۇرسۇلتان نازارباەۆ ٷكٸمەتكە ەر بالاعا سەۋٸردەن باستاپ 21 مىڭ تەڭگە بەرۋدٸ تاپسىرعان. بۇل تاپسىرما نەگٸزٸندە پارلامەنت ەزٸرلەگەن زاڭعا قازٸرگٸ پرەزيدەنت قاسىم-جومارت توقاەۆ سەۋٸردٸڭ باسىندا قول قويعان.
