استانالىق تٶتەنشە جاعدايلار دەپارتامەنتٸنٸڭ 60 ٶرت سٶندٸرۋشٸسٸ جەكە گاراجداعى ٶرتتٸ سٶندٸرٸپ جاتىر, دەپ حابارلايدى "ۇلت اقپارات".
«30 جەلتوقسان كٷنٸ ساعات 10:42-دە نۇر-سۇلتان قالاسىنىڭ تج دەپارتامەنتٸنٸڭ ٶرت سٶندٸرۋشٸلەرٸ چەلليۋسكينتسەۆ, 73 مەكەنجايىنداعى ٶرتتٸ سٶندٸرۋگە اتتاندى. ساعات 10:50-دە وقيعا ورنىنا كەلگەندە ەكٸ قاباتتى جەكە ٷي ماڭىنا سالىنعان گاراجدىڭ ٶرتەنگەنٸ انىقتالدى. اۋماعى شامامەن 200 شارشى مەتر بولاتىن گاراج ٸشٸندە اۆتوكٶلٸكتەر بولعان», - دەپ حابارلادى ەلوردالىق تجد باسپاسٶز قىزمەتٸ.
قازٸرگٸ ۋاقىتتا ٶرت ورنىندا نۇر-سۇلتان قالاسى تجد جەكە قۇرامداعى 60 ادام جەنە 13 تەحنيكا جۇمىس ٸستەپ جاتىر. زارداپ شەككەندەر مەن قازا تاپقاندار جوق. ٶرت شامامەن ساعات 11:18-دە وقشاۋلاندى, 11:24-تە سٶندٸرٸلدٸ.
