نۇر-سۇلتان قالاسىندا تٷرٸك ينۆەستورلارى مەديتسينالىق بۇيىمدار شىعاراتىن كەسٸپورىن سالادى, دەپ حابارلايدى "ۇلت اقپارات" «KAZAKH INVEST» ۇك» اق-عا سٸلتەمە جاساپ.
«MFA Mask» كومپانيياسىنىڭ تٷرٸك ينۆەستورلارى نۇر-سۇلتاندا مەديتسينالىق ماسكالار ٶندٸرٸسٸنە ينۆەستيتسييا سالماق. قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن ٶتكەن كەڭەس بارىسىندا قر سىرتقى ٸستەر مينيسترلٸگٸ, نۇر-سۇلتان قالاسىنىڭ ەكٸمدٸگٸ جەنە «MFA Mask» اراسىندا جوبانى ٸسكە اسىرۋ تۋرالى تيٸستٸ ٷشجاقتى مەموراندۋمعا قول قويىلدى. كەسٸپورىن نۇر-سۇلتاندا «استانا – جاڭا قالا» ارنايى ەكونوميكالىق ايماعىنىڭ اۋماعىندا ورنالاسادى. جالپى قۇنى شامامەن 9,3 ملن دوللاردى قۇرايتىن جوبانى «KAZAKH INVEST» ۇك» اق قولداۋىمەن ٸسكە اسىرۋ جوسپارلانىپ وتىر», - دەلٸنگەن اقپاراتتا.
قۇجاتقا سەيكەس, تٷرٸك كەسٸپكەرلەرٸ جوبانى 2024 جىلعا دەيٸن ەكٸ كەزەڭدە جٷزەگە اسىرۋدى كٶزدەپ وتىر.
بٸرٸنشٸ كەزەڭدٸ 2021 جىلدىڭ قازان ايىندا اياقتاۋ جوسپارلانۋدا. سولايشا, جىل سايىن 3,5 ميلليونعا دەيٸن مەديتسينالىق بۇيىم شىعارۋ كٶزدەلٸپ وتىر.
ەكٸنشٸ كەزەڭدە ٶنٸم كٶلەمٸ 10 ملن بٸرلٸككە دەيٸن ارتتىرىلماق.
«كەسٸپورىندا FFP2 جەنە FFP3 ساناتتاعى رەسپيراتورلار شىعارىلاتىن بولادى. سونداي-اق گازقاعارلار مەن سٷزگٸلەر, ەۆاكۋاتسييالاۋعا ارنالعان ٶزدٸگٸنەن توتىقتىرىلاتىن ماسكالار ٶندٸرٸسٸ جولعا قويىلادى.
جوبانى ٸسكە اسىرۋ 100-گە جۋىق تۇراقتى جۇمىس ورنىن قۇرۋعا مٷمكٸندٸك بەرەدٸ.
كەسٸپورىندا زاماناۋي تٷرٸك جەنە نەمٸس جابدىقتارىن ورناتىلادى.
بۇدان باسقا, تٷركييادان جوعارى ساپالى سەرتيفيكاتتالعان شيكٸزاتتى جەتكٸزۋ جولعا قويىلادى. ٶندٸرٸلگەن ٶنٸم قازاقستان نارىعىنا جەتكٸزٸلٸپ, رەسەي مەن ورتالىق ازييا ەلدەرٸنە ەكسپورتتالادى», - دەدٸ «KAZAKH INVEST»-تەن.
