استانادا بٸرنەشە جاس جٸگٸت جەتكٸزۋ قىزمەتٸنٸڭ كۋرەرٸن ۇرىپ-سوققان. وقيعانىڭ ۆيدەوسى ەلەۋمەتتٸك جەلٸدە جارييالاندى, دەپ حابارلايدى Sputnik قازاقستان.
كٶلٸكتەن تٷسكەن جٸگٸتتەردٸڭ بٸرٸ سارى Glovo ريۋكزاگىن تاققان جٸگٸتتٸ اعاش بيتامەن ۇرادى. بۇل وقيعا مەڭگٸلٸك ەل داڭعىلىنىڭ بويىندا بولعان.
پوليتسەيلەر "بۇزاقىلىق" بابىمەن تەرگەۋ باستالعانىن, ونىڭ قورىتىندىسى بويىنشا تيٸستٸ شەشٸم شىعارىلاتىنىن ايتتى.
"وسى جىلدىڭ 22 تامىزىندا ساعات 19:50 شاماسىندا پوليتسيياعا "سۋبارۋ" كٶلٸگٸن مٸنگەن تٶرت جٸگٸت Glovo كۋرەرٸن سوققىعا جىققانى تۋرالى حابارلاما كەلٸپ تٷستٸ. وسى فاكتٸ بويىنشا ەسٸل اۋدانىنىڭ پوليتسييا باسقارماسى سوتقا دەيٸنگٸ تەرگەۋ امالدارىن باستادى", - دەدٸ پوليتسەيلەر.
قازاقستان قىلمىستىق كودەكسٸنٸڭ 293-بابى (بۇزاقىلىق) بويىنشا قىلمىستىق ٸس قوزعالدى. ونىڭ قورىتىندىسى بويىنشا پروتسەستٸك شەشٸم قابىلدانادى.
